Josuwa 7:26 - Bhibhiliya Nya Guage

²⁶ Va wungedzela vbatshani ga Akani gigomo nya gikhongolo nya siwindri gi nga guromo kala na muhuno. Khavbo avbo, Pfhumu Nungungulu a di bosa likhulo laye. Khu guralo, wulanga wule wa gu ranwa kala na muhuno gupwani Kova wa Akori.

Josuwa 7:26 Iomraidhean Croise

2 Samuweli 18:17

Va di dzega Abhisalamo va ya mu rinya umo nya liphala nya likhongolo vbakari nya likhabi, va di wungedzela siwindri nya singi vbatshani gwaye; va na Israyeli vatshavbo va di tutuma va thava, moyo ni moyo a hongola gaya gwaye.

2 Samuweli 21:14

Marambo ya Sawule ni ya mwanaye Jonatane, va diya ma dzinga tigoni ga Bhejami, dhoropani ga Sela, thowoni ga babe waye Khisi. Va di gira satshavbo va nga leletedwa khu mufumeli. Khu hwane nya iso, Nungungulu a dipwa gulila nya vathu.

2 Dzikoronika 29:10

Khidzo kharato, monyo wangu olu wu pimisago gu gira gidzumeledzwano ni Pfhumu Nungungulu wa Israyeli, gasi a ndreyise vbakari gwathu likhulo laye.

Ezira 10:14

Manganagana yathu, ma na thangele tshangano watshavbo khu mahungu yaya, gasi vatshavbo va madhoropani gwathu avo va nga dzeganago ni vanyamayi va mambe mayigo, vata avbo gwawe khu gikhati gi emisedwego, gumogo ni madhota nya lidhoropa ni lidhoropa, ni valamuli vawe, kala hi ndreyisa vbakari gwathu gukhondra nya likhulo la Nungungulu wathu, khu kotani nya mahungu yaya.”

Dzindzimo 85:4

Hi wuyise nyaluphye, uwe Nungungulu muvbanyisi wathu, u nga simami gu hi girela likhulo.

Ekisodha 32:12

Khu ginani u vbwetago gu ninga wulanga Vagipiti va kodza gu ganela, khavo: Nungungulu a di gira litsoro a va dusa khu gufela guya va songa musigomoni, a va fuvisa mafuni! Rula monyo wago, u bosa likhulo lago, u vega hwindzo mapimo nya gugirele guvivba vathu vago!

Isaya 40:2

Ganelani khu gutsaka ga Jerusalema, mu mu tiyisa hwambo, khenu gusaniseka nya wugumbi waye guvbede, sighoho saye si futidwe, kholu eni Pfhumu Nungungulu, nyi va vetide gukhedza khu sighoho va giridego.

Isaya 65:10

Panini ga Saroni gu na khala wulanga nya wuhaviselo nya dzinvuta, ni kova wa Akora, wu na khala lizumbo nya dzimombe, la vathu vangu va nyi ningago githawo.

Gililo 3:53

Gasi gu vbweta gu nyi mbembisa, va di nyi rinya phalani, va nyi veta khu siwindri.

Hoseya 2:15

Nyi na mu tsayisa khu kotani nya olu uye a nga girago matshigu nya khuwo nya guvbisele libani Vabhahali a dzi mburisela khu dziphera ni wulungu, a landrisela sibhayi saye aholu a divaledwa khu eni, a ngu ganela Pfhumu Nungungulu.

Hoseya 2:17

Nyi naya mu bweledzela marembwe yaye nya miuvya, nyi vbindrugedza kova wa Akori, wu khala nyangwa nya gitumbo. A naya embelela kha nga matshiguni nya wumbiri waye, ni litshigu a nga dugago khilo khu tigoni ga Egipito.

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Joyele 2:18

Khu guralo, Pfhumu Nungungulu a na pwela wusiwana litigo laye, a na tsetselela vathu vaye.

Jona 1:15

Va di khusa Jona va mu rinya linene nya guvbenye, ilo li di rula.

Zakariya 6:8

Khavbo avbo, ngilozi yi di nyi rana yi nyi embela, khiyo: “Wona, vale va dugidego va hongola phuvbo ga Wuronga, va hefemudzide Liphuvbo langu tigoni ga Wuronga.”

Mitengo 25:8

a di landra mwama yoyu tshatshani gwaye aya va paya va vavili gumogo khu vbagirumbutunu, Muisrayeli ni nyamayi wule. Khu guralo, wu di vbela tungu vbakari ga va na Israyeli.

Dhewuteronome 13:17

Gambe ni gimwegyo nya esi si nyenyezidego gi nga khali mandzani gwago, gasi gu, Pfhumu Nungungulu a hambanisa likhulo laye, a gu girela wuhindzi, a gu pwela gisiro, a gu andrise kha nga a sambanyidego ga vababe vago.

Dhewuteronome 13:18

Pfhumu Nungungulu wago a na gu girela isoso wa gupwa lito laye u sayisa milayo yaye nyi gu ningago muhuno, u gira ugo gu lulamidego mahoni gwaye.

Josuwa 10:27

Gupfolani nya lidambo, a di rumela gu va tshiswe khu vbamisimbotunu va rinywe phalani va nga bani va sihade umo. Va sega khu siwindri nya sikhongolo, si gu guromo vbale kala na muhuno.

Josuwa 7:24

Khavbo avbo, Josuwa, na wonwa khu va na Israyeli vatshavbo, a di mola Akani, mwamana wa Zera gumogo ni parata ni gifenengelo, giwindri nya ndralama, sanana saye nya sikhwathana niso nya sagadzyana, dzimombe dzaye, dziburu dzaye, dzinvuta dzaye, tshatsha waye ni satshavbo si nga bani si mu lumba a si yisa kovani ga Akori.

Josuwa 8:29

Josuwa a di rumela gu va vbayega mufumeli wa Ayi vbasimbotunu va mu diga avbovbo kala ni silambo gupfolani nya lidambo; khu guruma ga Josuwa, va di dusa girumbi vbasimbotunu va ya gi dzudzuga vbafuvbi ni nyangwa nya lidhoropa, vbatshani gwaye va di wungedzela gigomo nya siwindri, gi nga guromogo kala na muhuno.