Josuwa 7:25 - Bhibhiliya Nya Guage

²⁵ Na va vbohide vbale, Josuwa a di ganela, khuye: “Olu uwe u khadego mumbembisi wathu, Pfhumu Nungungulu a na gu mbembise nuye muhuno.” Ni vatshavbo va na Israyeli va di mu pfara khu siwindri; hwane nya gu bani va mu pfaride khu siwindri, va di ya mu vbisa niloni.

Josuwa 7:25 Iomraidhean Croise

Genesi 34:30

Khavbo avbo, Jakobe a di embela Simiyoni ni Levhi, khuye: “Mu nyi giride muthu nyamba tumbega, mu nyi sodzisa ga vathu va tigoni momu, Vakhanani ni Vaperezi, va na patana va nyi wugela, olu tengo nya vama nyi gu navo wu gu wudugwanana, va na nyi tshanisa va hegisa khu gu nyi mbembisa gumogo ni ngamo yangu yatshavbo.”

Genesi 38:24

Gipimo nya migima miraru, va di ta embela Judha, khavo: “Ngadzamwane wago Tamari bhayide, olu khuride mimba.” Judha a di hakha, khuye: “Mu duseni vbavbandze aya vbiswa na nga gu vbanya!”

1 Dzikoronika 2:7

Gyanana gya Karimi khegi: Akari, a nga khunguvanyisa Israyeli a ghoha khu gu dzega silo si loledzisidwego.

Mavingu 1:19

Aya khu mahegiso nya vatshavbo va nya lidiwo ni wuphangi, va gufa khu wuphangi wawe.

Mavingu 15:27

Muthu nya makolo a gu thela libango ndrangani gwaye, gasi uye a gumba dzumela gu rengeledwa, a na vbanya.

Levhi 20:14

Mwama a dzegago nyamayi gumogo ni mayi wakone, a gu gira gulolela nya gukhongolo; va na vbiswa vatshavbo gumogo ni vanyamayi vale, gasi gughoha nya nga ogu, gu si manegi vbakari gwanu.

Levhi 20:2

“U na embela gambe sanana sa Israyeli, khuwe: Gani khu wevbi nya livelego la Israyeli, mwendro muluveli a luvelago tigoni ga Israyeli, a na ningelago gyanana gyaye a gira phaso nya mhamba ga Moloki, fanede gu songwa. A na pfarwa khu siwindri khu vathu va tigoni gwawe.

Levhi 21:9

Gyanana nya gyagadzyana gya muphasi nya mhamba gya gu dzi nyenyezisa khu wubhayi, gi ngu nyenyezisa babe waye, gi na vbiswa niloni.

Levhi 24:14

“Dusa muhembululi vbavbandze nya wughovelo: Vatshavbo vale va mupwidego na gu vala, va na handzega mandza hungoni gwaye, tshangano watshavbo wu na mu pfare khu siwindri.

Vagalatiya 5:12

Gasi khu mahungu ya ava va mi garadzago, gukheni a diri tshukwana va dzegela gu dzi thena si vbela.

Dhewuteronome 13:10

U na mu pfara khu siwindri kala afa, kholu a gu hambaniside ni Pfhumu Nungungulu wago, a gu dusidego khu tigoni ga Egipito, nyumbani nya wugumbi.

Dhewuteronome 13:11

Israyeli watshavbo a na dzipwa a khala hwanga, gima kha na nga engedza gambe gu gira guvivba nya nga ugogo vbakari gwago.

Dhewuteronome 17:5

u na dzega mwama yoyo mwendro nyamayi yoyo a giridego guvivba gogo, u hongola naye nyangwatunu gwago u ya mu pfara khu siwindri kala afa.

Dhewuteronome 21:21

Khavbo avbo, vathu vatshavbo va dhoropani gwaye, va na gi pfara khu siwindri kala gifa; khu guralo, u na vbedza guvivba vbakari gwago; va na Israyeli vatshavbo va na sipwa va khala hwanga.

2 Vatesalonika 1:6

Khu magirelo ya mamowo, vale va mi sanisago, va na hakha ga Nungungulu tsayiso nya lisine.

Vahebheru 12:15

Dzi woneleni, gasi ni moyo wanu a si segedwi wuhigo wa Nungungulu. Dzi woneleni, gasi ni moyo wanu a si khali nga khamba nya guvave wu bayisa vathu nya vangi khu wuvasi waye.

Josuwa 6:18

Aholu dzi woneleni ga sile si lolelago, mwa gu tshuka mu dzega gimwegyo nya iso, mu na resa libango ga lizumbo la na Israyeli, gu na manega pfilupfilu.

Josuwa 7:15

Muthu wule a na gu manwago nari ni silo nya gunyenyeze a na vbiswa uye ni satshavbo si mu lumbago, kholu uye ndragide gidzumeledzwano gya Pfhumu Nungungulu a gira silo nya gunyenyeze ngudzu ga va na Israyeli.”

1 Samuweli 14:29

Khavbo avbo, Jonatane a di hakha, khuye: “Babe wangu vbedzide tshivba vathu va tigoni gwathu; wonani idzo maho yangu ma wonago khidzo gukhugela avbo nyi nga lingago gipandryana gidugwana nya wulombe wowu.