Josuwa 7:24 - Bhibhiliya Nya Guage

²⁴ Khavbo avbo, Josuwa, na wonwa khu va na Israyeli vatshavbo, a di mola Akani, mwamana wa Zera gumogo ni parata ni gifenengelo, giwindri nya ndralama, sanana saye nya sikhwathana niso nya sagadzyana, dzimombe dzaye, dziburu dzaye, dzinvuta dzaye, tshatsha waye ni satshavbo si nga bani si mu lumba a si yisa kovani ga Akori.

Josuwa 7:24 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

Joba 20:15

Uye a na gosa dzithomba a midzidego; Nungungulu a na dzi dusa khu rumbuni gwaye, a dzi dzudzuga.

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Mavingu 15:27

Muthu nya makolo a gu thela libango ndrangani gwaye, gasi uye a gumba dzumela gu rengeledwa, a na vbanya.

Muhevbudzi 5:13

Mafuni momu nyi di wona gimbe gigaradzo nya guvbindre pimo, a gu egi: Muthu a vegedzelago thomba yi bwelo khavbo yi mu girela mhango.

Isaya 65:10

Panini ga Saroni gu na khala wulanga nya wuhaviselo nya dzinvuta, ni kova wa Akora, wu na khala lizumbo nya dzimombe, la vathu vangu va nyi ningago githawo.

Hoseya 2:15

Nyi na mu tsayisa khu kotani nya olu uye a nga girago matshigu nya khuwo nya guvbisele libani Vabhahali a dzi mburisela khu dziphera ni wulungu, a landrisela sibhayi saye aholu a divaledwa khu eni, a ngu ganela Pfhumu Nungungulu.

Josuwa 15:7

vbingano yoyu wu di gwela kala Dhebhiri khu kova wa Akori, wu thonona Wuronga khu phuvbo ga Giligali, gu manegelago mbeli nya gigomo gya Adhumimi gi guromo khu Marandzi nya gitsongwana; wu vbindra kala matini ga Eni-Semesi, kala tigoni ga Eni-Rogeli.

Josuwa 22:20

Ina kamwe Akani, mwamana wa Zera, kha gira gighoho khu mahungu nya silo nya gunyenyeze, gani? Pfhumu Nungungulu kha gorogela tshangano watshavbo wa na Israyeli, gani? Kholu khandruye ekha a fudego khu kotani nya gighoho gyaye!”

Josuwa 6:18

Aholu dzi woneleni ga sile si lolelago, mwa gu tshuka mu dzega gimwegyo nya iso, mu na resa libango ga lizumbo la na Israyeli, gu na manega pfilupfilu.

Josuwa 6:21

Satshavbo si nga bani si romo dhoropani va di si khungumulela, va songetela khu litshari vama, vanyamayi, sanana ni sikhosane gumogo ni dzimombe, dzinvuta ni dziburu.

Josuwa 7:1

Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli.

Josuwa 7:23

Va di si dusa khu vbale va si resa ga Josuwa gumogo ni ga va na Israyeli vata si vega mbeli ga Pfhumu Nungungulu.

Josuwa 7:26

Va wungedzela vbatshani ga Akani gigomo nya gikhongolo nya siwindri gi nga guromo kala na muhuno. Khavbo avbo, Pfhumu Nungungulu a di bosa likhulo laye. Khu guralo, wulanga wule wa gu ranwa kala na muhuno gupwani Kova wa Akori.