Josuwa 7:19 - Bhibhiliya Nya Guage

¹⁹ Khavbo avbo, Josuwa a di embela Akani, khuye: “Mwanangu, rungudza Pfhumu Nungungulu wa Israyeli, u mu zundza. Nyi embele iso u giridego, nyamba siha ni gimwegyo.”

Josuwa 7:19 Iomraidhean Croise

2 Dzipfhumu 20:15

Isaya a di mu wudzisa, khuye: “Ginani va gi wonidego ndrangani gwago nya wufumu?” Ezekhiya a di mu hakha, khuye: “Satshavbo si guromo ndrangani gwangu nya wufumu va si wone; gimwalo na gimwegyo vbakari nya thomba yangu nyi ngamba va yeyedza.”

2 Dzikoronika 30:22

Ezekhiya a di ganela magana nya gutiyisela ga vatshavbo va na Levhi va nga bani na vari ni wugengeli nya gimbidzise gwadi thumo wa Pfhumu Nungungulu; va di hodza miningelo nya buzo ndrani nya livbandre na mavili matshigu, na va gu ningela miphaso nya gurule, va rungudza Pfhumu Nungungulu wa vababe vawe.

Dzindzimo 32:5

Nyi dawulede gwago giwono gyangu, kha nya gu sihela guvbanya gwangu; eni nyi di ganela, kheni: “Nyi ngu hongola ga Pfhumu Nungungulu, nyi ya dawulela guvivba gwangu!” Uwe u di handza guvivba gwangu, u nyi divalela guvivba nya gighoho gyangu.

Dzindzimo 51:3

Kholu nyi ngu siti siwono sangu, Gighoho gyangu gyomo mbeli gwangu gikhati gyatshavbo.

Mavingu 28:13

Uye a sihago sighoho saye gima kha na katega, aholu uye a si dawulelago a si ghohi gambe, a na giredwa wuhindzi.

Isaya 13:12

Nyi na gira vathu va kala guvbindra ndralama nya guhutwe, va na hamugega guvbindra ndralama ya Ofiri.

Jeremiya 13:16

Dhumisani Pfhumu Nungungulu wanu, gu si gu vbohi gidema, migondro yanu yi si gu tshunganeli musigomoni nya guthise; avbo mu na gu khedziselago guwonegela, aholu uye a na gu vbindrugedza a resa wutshigu ni gidema nya guthise.

Dhaniyeli 9:4

Nyi di lombelela ga Pfhumu Nungungulu wangu, nyi dawulela sighoho sangu, kheni: Oh! Pfhumu! Nungungulu nya khongolo nya guthavisege, khu lihaladzo lago nya gutumbege, u vegedzago gidzumeledzwano ni avo va gu golago ni gu vegedza milayo yago;

Luka 17:18

Mwalo mumbe a nga wuyago gasi guta bonga Nungungulu vbavbandze ga muthu yoyu nya limbe lifumbu, gani?”

Johane 9:24

Va di rana nyaluphye wule a nga bani ari gikhumu, va mu embela, khavo: “Sambanya lisine mbeli gwa Nungungulu! Ethu hi ngu dziti gukhethu muthu yoyo gighohi.”

Varoma 10:10

Kholu, muthu a gu khodwa monyoni gwaye gasi gu ma na gululama; a gu fakaza khu likana laye, gasi gu ma na vbanyisa.

2 Thimoti 2:25

Gu vbwetega u kodza gu kawuka valala vaye khu gwadi, gasi Nungungulu, a gu dzina saye, a va ninge mapimo nya gulandre lisine.

Tito 2:2

Embela madhota ma khale vathu nya gu dzi pimele, nya giruti, nya mapimo, va lulama gukhodwani ni lihaladzo ni gutimisela.

Jakobe 1:20

Kholu, likhulo nya muthu kha li giri gululama gu godwago khu Nungungulu.

Josuwa 7:20

Akani a di hakha Josuwa, khuye: Ina, kheni kamwe nyi ghohedego Pfhumu Nungungulu wa Israyeli. Iso nyi giridego khesi:

Gutuledwa 16:9

Vathu va di hahudwa khu lihani nya likhongolo, va vbya nya guthise, va gu vala lina la Nungungulu, a gu ni tshivba nya gu rumele sitsayiso sesi; aholu, kha va dzi kodza gu vbindrugedza, va rungudza Nungungulu.

1 Samuweli 14:43

Khu guralo, Sawule a di embela Jonatane, khuye: “Nyi embele, gasi ginani u giridego.” Jonatane a di mu embela, khuye: “Nyi di linga wulombe wudugwana khu tshokha nya ndronga nyi nga bani nyiri nayo mandzani. Nyi dzi ningede gufa.”

1 Samuweli 6:5

Khu guralo, girani sifananiso nya sithunya ni magondzo ma saselago litigo lanu, mu ninga wudhumo ga Nungungulu wa Israyeli; khu guralo, Uye a na dusa gyandza gyaye vbatshani gwanu, ga nungungulu wanu ni ga litigo lanu.