Josuwa 7:16 - Bhibhiliya Nya Guage

¹⁶ Ni dzimindrudzile, nya litshigu li landrelago, Josuwa a di rumela gu vate vathu khu lihundzu ni lihundzu; aholu yi di modwa nyangwa ya Judha.

Josuwa 7:16 Iomraidhean Croise

Genesi 22:3

Khavbo avbo, Abrahama a di wuga ni dzimindru ngudzu, a ambagisa sighwabhata giburwana, a dzega sithumi saye sivili, ni mwanaye Isaki, a di koka dzikhuni nya miphaso, a bela ndzilani nya guhongole wulanga a nga leletedwago khu Nungungulu.

Dzindzimo 119:60

Nyi ngu vbiredza kha nyi hweli, gu landrisa sileletelo sago.

Muhevbudzi 9:10

Satshavbo u si kodzago gu si thuma khu mandza yago, si thume khidzo u dzi kodzago khidzo, kholu phalani nya vafi u hongolago umo, gu mwalo thumo, makungo, mapimo, ambari wugengeli nya gukari.

Josuwa 3:1

Josuwa a di wuga ni mambagugya gumogo ni vatshavbo va na Israyeli, va khuga khu tigoni ga Sitimi, va hongola kala tsongoni wa Joridhani, vaya zumba vbale na va si gu tshatugi.

Josuwa 7:15

Muthu wule a na gu manwago nari ni silo nya gunyenyeze a na vbiswa uye ni satshavbo si mu lumbago, kholu uye ndragide gidzumeledzwano gya Pfhumu Nungungulu a gira silo nya gunyenyeze ngudzu ga va na Israyeli.”

Josuwa 7:17

A di hidzimisa vbafuvbi mahundzu yatshavbo ya na Judha, solo yi di ya thegela lihundzu la Zera, a di rumela linyumba la Zera li hidzimela khu mapango yawe, solo yi di thegela Zabhidhi;

Valamuli 20:19

Va na Israyeli va di khuga na gungari dzimindru, vaya fola vbafuvbi ni Gibheya.