Josuwa 7:12 - Bhibhiliya Nya Guage

¹² Khu guralo, khiso si nga gira va na Israyeli va si tiyi mbeli ga valala vawe, va ningedzela mihwambo yawe, kholu va dzi nyenyeziside. Mwa gumba dusani silo si nyenyezidego vbakari gwanu, gima kha nyi na khala gambe nanu.

Josuwa 7:12 Iomraidhean Croise

Dzindzimo 44:10

Wa gu hi diga hi tutuma mbeli ga valala vathu, valala vathu va gu hi phanga khu edzi va dzinago khidzo.

Dzindzimo 60:10

Ina khuwe uwe Nungungulu u hi digidego, gani? U si thangeli gambe dzinyimbi dzathu!

Mavingu 28:1

Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Isaya 59:2

Aholu, guvivba gwanu khugo gu mi hambanisago ni Nungungulu wanu; sighoho sanu si sihide khovbe yaye gasi a si mi yingisi.

Jeremiya 23:33

Pfhumu Nungungulu a ngu ganela, khuye: A gu dugelela moyo nya vathu vava, muprofeti mwendro muphasi nya mhamba ata gu wudzisa, khuye: Khu gevbini gilemedzo nya giphya nya magana hi rwegidwego khu Pfhumu Nungungulu u ma ganelago? U na mu hakha, khuwe: Gilemedzo khenu mu rwegago Pfhumu Nungungulu mirwalo. Uye a na mi dzudzuga mu ya hwindzo.

Jeremiya 6:8

Uwe Jerusalema dzi laye, gasi nyi si gu pfhurareli; ni gu pfhungumudwa u khala marumbi, litigo li si khadwigo khu muthu.

Hoseya 9:12

Ambari va gu velega sanana, eni nyi na va dzegela, gasi va vbela havo bhi! Kholu, libango avbo gwawe, va gu hambana ni eni!

Habhakuka 1:13

Maho yago ma agide ngudzu ma si goligo gu wona guvivba, ma si tsakiswigo khu gu wona dzitshanisa, khu ginani u wonago va nya guvivbedwa khu monyo u degula, avbo uye nya guvivbedwe khu monyo, a midzago oyu a mu vbindrago khu gululama, na?

Mitengo 14:39

Mosi a di ganela magana yatshavbo yaya ga vatshavbo va na Israyeli, khavbo avbo, va di lila khu wuvi nya wukhongolo.

Mitengo 14:42

Mu nga hongoli, kholu Pfhumu Nungungulu a na bani nari mwalo vbakari gwanu; mu ngayi mu ya dzi ningela ga valala vanu.

Mitengo 14:43

Kholu Vaamaleki ni Vakhanani, vomo vbale mbeli gwanu, mu naya sasedwa khu matshari, kholu mu nga hambana ni Pfhumu Nungungulu; Pfhumu Nungungulu kha na mi dwanela.

Mitengo 14:45

Vaamaleki ni Vakhanani, va nga bani va gu khala gigomoni mule, va di relela vata va sasela, va gu va lundra kala tigoni ga Horima.

Dhewuteronome 7:26

“Khu guralo, u nga bedzi gilo nya gunyenyeze nyumbani gwago, gasi u si vadwi kha nga igyo; satshavbo u fanede gu si nyenya, kholu si vadwe.”

Josuwa 6:18

Aholu dzi woneleni ga sile si lolelago, mwa gu tshuka mu dzega gimwegyo nya iso, mu na resa libango ga lizumbo la na Israyeli, gu na manega pfilupfilu.

Valamuli 16:20

A mu embela, khuye: “Samisoni, u nguta dhumedwa khu Vafilisitiya!” Uye a di khendzuga khu ligovbeni, na gu pimisa, khuye: “Nyi na duga nyi hongola gufanane nidzo nyi dzi vbulugisago khidzo mambe matshigu.” Aholu, kha nga dziti nya gukhuye Pfhumu Nungungulu a di mu digide.

Valamuli 2:14

Khu guralo, Pfhumu Nungungulu a di gorogela va na Israyeli, a gu va ningela mandzani nya vaphangi, va va phanga, bwelo khavbo, a va ningela mandzani ga valala, va tandrega ni gu ema mbeli gwawe.

Valamuli 2:4

Avbo Ngilozi ya Pfhumu Nungungulu yi nga ta ganela magana yaya ga vatshavbo va na Israyeli, vathu va di khusa malito va lila.

1 Samuweli 14:38

Khavbo avbo, Sawule a di va embela, khuye: “Va nate avba vathangeli vatshavbo nya vathu, mu tivisana mu wona, gighoho muni gi giridwego muhuno.