Josuwa 7:1 - Bhibhiliya Nya Guage

¹ Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli.

Josuwa 7:1 Iomraidhean Croise

Genesi 34:27

Sanana sa Jakobe, si di wuya vbasirumbitunu, si ta hanga lidhoropa, khu kotani nya olu vathu vale va nga sagarelago ndriyawe.

2 Samuweli 24:1

Likhulo la Pfhumu Nungungulu li di engedza li wugela va na Israyeli; a di kutsedzela Dhavhidhe gu va wugela a ganela, khuye: “Gimbila u ya saya va na Israyeli ni va na Judha.”

2 Dzipfhumu 5:24

Na vbohide gigomotunu, Geyazi a di si dzega khu mandzani gwawe, aya si vega nyumbani gwaye; a bweledza vama vale va hongola.

1 Dzikoronika 21:7

Satshavbo silo sesi, kha sa nga tsakisa Nungungulu, khu guralo, Uye a di veta Israyeli.

2 Dzikoronika 24:18

Va di hambana ni Nyumba ya Pfhumu Nungungulu wa vababe vawe, va thumela madingo nya sifananiso nya vambe vanungungulu nya malipha. Khu kotani nya gighoho gegi, gu dita ga Judha ni Jerusalema, likhulo la Nungungulu.

Ezira 9:6

Nyi ganela, kheni: “Nungungulu wangu! Nyi womo gugaradzegani ni mudzitshonini, nya gu khusa khovbe yangu nyi khedza uwe, Nungungulu wangu! Kholu sighoho sathu si dandride guvbindra pimo vbatshani nya mihungo yathu, ni milandru yathu yi litide kala ndzadzini.

Joba 35:8

Wuvivbi wago wu ngu dzi kodza gu ghoha mumbe muthu nya nga uwe, ni wuwadi wago, wu ngu ninga giphaso ga vambe vathu.

Muhevbudzi 9:18

Guti gu na ni giphaso guvbindra matshari nya nyimbi, aholu gighohi gimwegyo basi gi ngu kodza gu ghohetela silo nya singi nya sadi.

Dhaniyeli 9:7

Uwe Pfhumu, u lulamide, aholu ethu muhuno hi tade khu dzitshoni kha nga u hi wonago. Ethu vathu va Judha, va Jerusalema ni vatshavbo va na Israyeli, avo va vbafuvbi, ni avo va hwindzo, mayigoni gwatshavbo u nga hi phalalegiselago umo khu kotani hi nga hambana nago, hi si gu tumbi.

Levhi 10:6

Mosi a di embela Aroni ni sanana saye, Eliyazari ni Itamari, khuye: “Mu nga vbalulini ndzudzu mu pferula dzingandzu dzanu mwendro gumba samula, kholu mwa gu gira kharato, mu nafa, mu wusa likhulo la Pfhumu Nungungulu li vbisela tshangano watshavbo. Digani vandriyanu ni ndranga ya Israyeli va lila vale Pfhumu Nungungulu a va mbembisidego khu nilo.

Jona 1:7

Va di embedzelana khu gyawe, khavo: “Hongoleni hi lola dzisolo, gasi hi kodze gutugula gukhethu khu mani a hi reselago libango leli.” Va di lola dzisolo, dzi thegela Jona.

Josuwa 22:16

“Tshangano watshavbo wa Pfhumu Nungungulu wu ngu ganela kharati, khuwo: Gasi giyeyiso muni mu gu nagyo nya guwugele Nungungulu wa Israyeli, olu muhuno mu hambanago ni Pfhumu Nungungulu, mu dzi emisela giluvelo gasi gu wugela Pfhumu Nungungulu?

Josuwa 22:18

Olu enu mwa gu vbweta gu wugela Pfhumu Nungungulu, gani? Muhuno enu mwa gu wugelani Pfhumu Nungungulu, mindru a na gorogela tshangano watshavbo wa Israyeli.

Josuwa 22:20

Ina kamwe Akani, mwamana wa Zera, kha gira gighoho khu mahungu nya silo nya gunyenyeze, gani? Pfhumu Nungungulu kha gorogela tshangano watshavbo wa na Israyeli, gani? Kholu khandruye ekha a fudego khu kotani nya gighoho gyaye!”