Josuwa 6:7 - Bhibhiliya Nya Guage

⁷ Khu hwane nya isoso a di embela vathu, khuye: “Gimbilani mbeli. Dzundrulugani lidhoropa, uye a gu ni litshari a na thange mbeli nya Ngasa ya Pfhumu Nungungulu.”

Josuwa 6:7 Iomraidhean Croise

Josuwa 1:14

vagadzi vanu ni sanana sanu, ni sifuyo sanu si na tshala tigoni momu Mosi a mi ningidego khisikheno nya tsongo wa Joridhani; gasi enu vama nya dzindrena ni mitiyedwa mu na thanga mbeli gumogo ni vandriyanu gasi mu va phasedzela,

Josuwa 4:13

Tengo wawe wu di gu hidzimela ga sayo nya magumana magumi mazana (40.000) vama va somidego guya dwana nyimbi; vatshavbo va di fode mbeli ga Pfhumu Nungungulu, va thonona panini ga Jeriko.

Josuwa 6:3

Khu guralo, indrani enu mwatshavbo vama mu somidego nyimbi mu ya randrela lidhoropa gumogo khu litshigu, mu randrela maphuvbo yatshavbo. Mu na gira isoso livbandre na limwedo matshigu.

Josuwa 6:6

Josuwa, mwamana wa Nuni, a di tombanisa vaphasi nya mhamba, a va embela, khuye: “Rwalani Ngasa nya Gidzumeledzwano, gumogo ni livbandre na vavili vaphasi nya mhamba ni livbandre na mivili mipundru, va thanga mbeli nya Ngasa.”

Josuwa 6:8

Na nga gu vbedza gu ganela Josuwa, livbandre na vavili vaphasi nya mhamba va nga bani vari ni livbandre na mivili mipundru va di phela gu gimbila vaya mbeli ga Pfhumu Nungungulu na va gu womba mipundru; Ngasa ya Pfhumu Nungungulu na yi gu landra khu hwane.