Josuwa 6:4 - Bhibhiliya Nya Guage

⁴ Livbandre na vavili vaphasi nya mhamba va na thanga mbeli nya Ngasa nya Gidzumeledzwano, na va gu womba livbandre na mivili mipundru; khu litshigu nya livbandre na mavili, mu na dzundruluga lidhoropa livbandre na dzimbili dzinyondro, gumogo ni vaphasi nya mhamba na va gu womba mipundru.

Josuwa 6:4 Iomraidhean Croise

Genesi 2:3

Nungungulu a di kategisa litshigu lolo nya livbandre na mavili, li khala litshigu nya guphasedwe Uye, kholu khilo litshigu a nga hefemula migaralo nya thumo watshavbo nya guvange, owu Nungungulu a nga wu thumago.

1 Dzipfhumu 18:43

A di embela githumi gyaye, khuye: “Gwela olu u khedza phuvbo ga phwani.” Githumi gi di gwela gi ya khedza, gi mu embela, khigyo: “Kha nyi woni gilo!” Eliya a di gi embela, khuye: “Bwelela gambe livbandre na dzimbili dzinyondro.”

2 Dzipfhumu 5:10

Khavbo avbo, Elizewu, a di rumela mwango, aya mu embela, khuye: “Indra, u ya hamba livbandre na dzimbili dzinyondro tsongoni wa Joridhani, nyama yago yi na vbanya bwelo khavbo yi khalega.”

2 Dzipfhumu 5:14

Khavbo avbo, a di relela aya dzi nega livbandre na dzimbili dzinyondro tsongoni wa Joridhani, kha nga guganela ga muthu wa Nungungulu; ni nyama yaye yi di vbindrugedza, yi khala kha nga nyama nya gyanana, uye a di hawulugiswa a aga.

2 Dzikoronika 13:12

Wonani nya gukhenu Nungungulu a na ni ethu, thangide mbeli gumogo ni vaphasi vaye. Mipundru va wombago khya gu mi tivisani enu va na Israyeli; gasi mu si somi nyimbi mu dwana ni Pfhumu Nungungulu wa vababe vanu, kholu kha mu na dugelela.

2 Dzikoronika 20:17

Ga nyimbi yeyi khandri enu mu na gu dwanago, folani mu eme mu na wona idzo Pfhumu Nungungulu a na gu mi vbanyisani khidzo, mu nga thavi enu vavbanyi va Judha ni Jerusalema, ambari gu thurugiswa khu gilo; mindru khugani mu ya tshangana navo, kholu Pfhumu Nungungulu a na bani nari nanu.”

2 Dzikoronika 20:19

Khu guralo, va na Levhi, ni sanana sa na Khowati, ni va na Kore, va di khuga va dhumisa Nungungulu khu lito nya gukhugege ngudzu.

2 Dzikoronika 20:21

A di pwanana ni vathu vaye, a hatha vathu va na gu embelelago mbeli ga Pfhumu Nungungulu va dhumisa wugulu waye nya guage, va thanga mbeli nya masotshwa, khavo: Rungudzani Pfhumu Nungungulu, kholu wuwadi waye wu ngu simama kala gupindruga.

Joba 42:8

Khu guralo, dzegani livbandre na dzimbili dzikuzi nya dzimombe, ni livbandre na dzimbili dzihamba, mu hongola nadzo ga githumi gyangu Joba, mu ya gira khidzo phaselo nya guvbiswe. Githumi gyangu Joba gi na mi lombelelani eni nyi na hakha khavbo gwaye nombelo wanu. Gasi khu guralo, kha nyi na mi tsayisa ambari olu mu ngamba gira silo nya gululame avbo gwangu, mu si fanani ni githumi gyangu Joba.”

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Levhi 14:16

Khavbo avbo, muphasi nya mhamba a na nega nyala yaye nya mandza ya nyamudye gwaye umo nya mafura ma guromo gyandzani gya nyambade a mitegedzela khu nyala livbandre na guvili mbeli ga Pfhumu Nungungulu.

Levhi 4:6

a na nega nyala novbani, khu novba wowo a na mitegedzela livbandre na dzimbili dzinyondro, mbeli ga Pfhumu Nungungulu, na khedzane ni mwendra wa makhuvini nya Wulanga nya Guage.

Zakariya 4:2

Yi di nyi wudzisa, khiyo: “Ginani u gi wonago?” Eni nyi di hakha, kheni: “Nya gu wona gidzigaredzo nya dzikandriya nya ndralama, khu vbatshani gakone gi na ni gyombo nya guthele umo mafura. Gidzigaredzo gi na ni livbandre na dzimbili dzikandriya ni livbandre na mavili matirisida nya dzikandriya.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Mitengo 23:1

Khavbo avbo, Bhalahama, a di embela Bhalaki, khuye: “Nyi vbahele avba livbandre na sivili siluvelo, u nyi dongisela livbandre na dzimbili dzihamba.”

Josuwa 6:13

Livbandre na vavili vaphasi nya mhamba va nga bani va gu womba mipundru va di thanga mbeli nya Ngasa ya Pfhumu Nungungulu, vama va somidego va di gimbila mbeli gwawe; wumbe tsawa wu di gimbila khu hwane nya Ngasa ya Pfhumu Nungungulu, na gu pwala gudzuma nya mipundru basi.

Josuwa 6:3

Khu guralo, indrani enu mwatshavbo vama mu somidego nyimbi mu ya randrela lidhoropa gumogo khu litshigu, mu randrela maphuvbo yatshavbo. Mu na gira isoso livbandre na limwedo matshigu.

Josuwa 6:5

Gikhati yi wombwago khego khu gulaphisa, mupwa gudzungurula nya pundru, vathu vatshavbo gu vbwetega va gira ligwaha nya likhongolo ngudzu, likhokhola la lidhoropa li na thega vbavbatshi. Vathu va na bela dhoropani khu guvbiredza, moyo ni moyo a na hongola wulanga wu na manegago mbeli gwaye.

Gutuledwa 1:20

Sihalo nya livbandre na dzimbili dzinyeledzi u nga dzi wonago na nyi pharide khu nyamudye, nuwo nya livbandre na dzimbili dzikandriya nya ndralama, tshamuselo wakone khoyu: Livbandre na dzimbili dzinyeledzi dza gu tshamusela dzingilozi dza Nungungulu nya livbandre na mavili mabandla. Gasi, livbandre na dzimbili dzikandriya dza gu tshamusela livbandre na mavili mabandla.

Gutuledwa 1:4

Eni Johane nya gu lovela livbandre na mavili mabandla ya Aziya, kheni: Wuhigo ni gurula gu na khale ni enu khu ga wule a gu uye, a nga bani ari uye, a gu uye a natago, ni ga livbandre na mavili maphuvbo, ma gomogo mbeli nya gikhalo nya wufumu waye.

Gutuledwa 10:3

yi di khusedza lito khu tshivba gu fanana ni nghala ya gu bani yi ngurangura. Gikhati yi khusedzidego lito, gu di pwala malito nya livbandre na mavili mabara.

Gutuledwa 15:1

Nyi di wona gambe gimbe giliwugiso nya gusamadzise ngudzu ndzadzini: Livbandre na dzimbili dzingilozi dza Nungungulu, na dzi pharide livbandre na sivili sitsayiso. Esi khu sitsayiso nya mahegiso, kholu khu iso li na tadzisega likhulo la Nungungulu.

Gutuledwa 15:7

Givangwa gimwegyo nya sile nya sina si vbanyago, gi di ningela ga livbandre na dzimbili dzingilozi, livbandre na sivili sikombe nya ndralama nya gutale khu likhulo la Nungungulu a vbanyago kala gupindruga.

Gutuledwa 16:1

Eni nyi dipwa lito nya likhongolo na li gu duga khu Nyumbani ga Nungungulu, li gu embela dzingilozi dza Nungungulu, khilo: “Indrani mu ya vbaladza tigoni sikombe satshavbo nya livbandre na sivili si tadego khu likhulo la Nungungulu.”

Gutuledwa 5:1

Khavbo avbo, nyi di wona libhuku mandzani ga nyamudye ga wule a khadego vbagikhalotunu nya wufumu; li di lovidwe khu ndrani ni vbavbandze, li lemwa khu livbandre na sivili sifungo.

Gutuledwa 5:6

Khavbo avbo, nyi di wona Nvutana na yi emide, vbakari nya gikhalo nya wufumu, nga khwatshi yi di songwa, na yi randredwe khu sirengo sile sa sina ni madhota. Yidiri ni livbandre na dzimbili dzikheho, ni livbandre na mavili maho, a gu livbandre na mavili Maphuvbo ya Nungungulu ma rumedwego mafuni gwatshavbo.

Gutuledwa 8:2

Khavbo avbo, nyi di wona dzingilozi dzile nya livbandre na dzimbili dzi guromo mbeli ga Nungungulu, na dzi gu ningwa livbandre na mivili mipundru.

Gutuledwa 8:6

Dzingilozi dzile nya livbandre na dzimbili dzi di dzi dongisela gasi gu womba mipundru dzi nga bani dzi pharide mandzani.