Josuwa 6:24 - Bhibhiliya Nya Guage

²⁴ Va di vbisa lidhoropa, va vbisa gambe ni satshavbo si nga bani si romo umo, vbavbandze ga ndralama, parata gumogo ni sombo satshavbo nya sugu ni simbi, va nga si ningelago si khala thomba ya Nyumbani ga Pfhumu Nungungulu.

Josuwa 6:24 Iomraidhean Croise

2 Samuweli 10:5

Avbo Dhavhidhe a pwidego mahungu yaya, a di rumela vathu nya gu va khinge, kholu, vathu vava, va diri ni dzitshoni nya dzikhongolo ngudzu. Mufumeli a di rumela guya va embela, khuye: Simamani mu khala Jeriko, kala si dandra siledzu sanu, khavbo mu na wuyago.

2 Dzipfhumu 25:9

a ta vbisa Nyumba ya Pfhumu Nungungulu, nyumba ya mufumeli, gumogo ni dzinyumba dzatshavbo dza Jerusalema; a vbisa ni dzinyumba dzatshavbo dza vathangeli.

1 Dzikoronika 18:11

Esi a di si pata gumogo ni parata ni ndralama eyi Dhavhidhe a nga yi phangago ga mayigo yatshavbo a nga ma palago, a gu aya: Edhomi, va na Mowabhi, va na Amoni, Vafilisitiya ni va na Amaleki, a si phasela ga Pfhumu Nungungulu.

Mitengo 31:10

Va vbisa madhoropa yawe yatshavbo gumogo ni mitshatsha va nga bani va gu vbanya umo.

Dhewuteronome 13:16

U na wungedzela tendrelani nya lidhoropa lawe satshavbo esi u phangidego, u na si vbisa si khala ningelo ga Pfhumu Nungungulu wago, gu na khala litala nya marumbi kala gupindruga; gima kha li na vbahedzwa gambe.

Dhewuteronome 13:17

Gambe ni gimwegyo nya esi si nyenyezidego gi nga khali mandzani gwago, gasi gu, Pfhumu Nungungulu a hambanisa likhulo laye, a gu girela wuhindzi, a gu pwela gisiro, a gu andrise kha nga a sambanyidego ga vababe vago.

Dhewuteronome 20:16

Aholu madhoropa nya mayigo yaya u ningidwego khu Pfhumu Nungungulu wago, gasi ma khala thomba yago, u na sasela sivangwa satshavbo si dagatago nyamba tshiya ni gimwegyo nya guvbanye.

Josuwa 11:11

A sasela khu matshari vatshavbo va nga bani vari umomo, a va mbembisa muphelo nyamba tshiya ni moyo nya guvbanye; Hazori gu di vbiswa khu nilo.

Josuwa 6:19

Khu guralo, parata, ndralama ni sombo satshavbo nya sugu ni simbi si na agisedwa Pfhumu Nungungulu, si na khala thomba yaye.”

Josuwa 6:25

Josuwa a di ninga githawo womi wa Rahabhi, nya gibhayi, gumogo gambe ni wa ngamo ya babe waye, ni satshavbo a nga bani ari naso; khu magirelo yoyo, uye a di khala vbakari ga va na Israyeli kala na muhuno, khu kotani a nga sihago vasoli va vavili va nga rumedwa Jeriko khu Josuwa.

Josuwa 8:28

Josuwa a di vbisa lidhoropa la Ayi li khala marumbi kala na muhuno.

Gutuledwa 17:16

Likhumi dzikheho u dzi wonego ni girengo, si na wugela nyamayi nya gibhayi si mu gira gisiwana si mu diga wumbwiri, si hodza nyama yaye, si yi vbisa niloni.

Gutuledwa 18:8

Khu kharato, khu litshigu limwedo yi nata mitungu yaye khu gipitipiti: Gufa, gililo, ndzala; a na tsagamiswa khu nilo, kholu Pfhumu Nungungulu a mu lamudego, a na ni tshivba.”