Josuwa 6:23 - Bhibhiliya Nya Guage

²³ Madzaha nya vasoli va di bela nyumbani, va dusa Rahabhi gumogo ni babe waye, mayi waye, vandriyaye ni valongo vaye vatshavbo ni satshavbo si nga bani si mu lumba; va va sayisa vbavbandze nya lizumbo la Israyeli.

Josuwa 6:23 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 18:24

A gu dzina saye vomo livbandre magumi vathu nya gululame dhoropani. U na va mbembisa kamwe, gani? Kha wu na tsetselela litigo lolo khu kotani nya avo nya livbandre magumi vathu nya gululame va vbanyago umo, gani?

Genesi 19:29

Avbo Nungungulu a nga bani a gu khungumula madhoropa ya panini, a di alakanya Abrahama, a gu vbulugisa Loti gumbemba, madhoropa a nga bani a gu vbanya umo ma khungumudwa.

Mitengo 31:19

Enu khalani vbavbandze nya lizumbo kala mu enedza livbandre na mavili matshigu, watshavbo wule a na gu bani na songide muthu nya gukari, ni watshavbo wule a nga kuhago girumbi, a na dzi agise khu litshigu nya wuraru ni litshigu nya livbandre na mavili, enu gumogo ni dzikhumbi dzanu.

Mithumo 10:28

Pedro a di va embela, khuye: “Kha nga mu dzitigo gwadi, kha gu dzumedziswi Mujudha gu hengela ni mahedheni, ambari gu bela dzindrangani gwawe. Aholu, Nungungulu a nyi yeyedzide gukhuye khandri gwadi gu rana muthu kwanu khuwe nyenyezide ni gukhuwe kha agiswa.

Mithumo 27:24

yita nyi embela, khiyo: ‘Pawulo, u nga khali hwanga kholu uwe u ngu vbwetega guya vboha mahoni ga Sezari. Khu kotani yago, Nungungulu a na vbanyisa vathu vatshavbo u gu navo ngalavani.’

1 Vakorinto 5:12

Ina i fanelo yangu gulamula avo va guromo vbavbandze, gani? Mu na ni fanelo nya gulamule ava va guromo ndrani nya libandla.

Vaefeso 2:12

Mu di gu vbanya hwindzo ni Kristo; mu diri valombo; mu diri mwalo wulanga ndrani nya libandla nya sihathwa sa Nungungulu; mu diri vbavbandze nya gidzumeledzwano gi hungidwego khu gisambanyo a nga gira Nungungulu ga vathu vaye; mu di gu vbanya tigoni nyambana gutumba, nyambana Nungungulu.

Vahebheru 11:31

Khu gukhodwa, Rahabhi, nyamayi nya gibhayi, kha songwa gumogo ni vale va ngamba yingela Nungungulu, kholu uye a di hakha vasoli khu gurula.

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

Josuwa 2:13

nya gukhenu mu na vbulugisa babe wangu, mayi wangu, vandriyangu nya vanyamayi ni satshavbo si va lumbago, ni gukhenu mu na va vbulugisa va si songwi.”

Josuwa 2:16

Uye a di va embela, khuye: “Thavani muya gigomoni gasi mu si manwi khavo va mi lundrago. Sihalani iyoyo mu vbedza matshigu mararu, kala avo va bwelela va wuya; khu hwane mu na phara ndzila yanu.”

Josuwa 2:18

Gikhati hi na guta belago tigoni gwanu, tshanganisa ndrangani gwago babe wago, mayi wago, vandriyago ni vatshavbo valongo vababe wago; u na hunga ngodzi yeyi nya gufuvile vbagihogotunu vbavba hi dugidego khavbo.

Valamuli 1:25

Uye a di va yeyedza nyangwa nya lidhoropa, avo va di li sasela khu matshari; aholu mwama wule ni ngamo yaye yatshavbo va di va diga va vbanya.