Josuwa 6:21 - Bhibhiliya Nya Guage

²¹ Satshavbo si nga bani si romo dhoropani va di si khungumulela, va songetela khu litshari vama, vanyamayi, sanana ni sikhosane gumogo ni dzimombe, dzinvuta ni dziburu.

Josuwa 6:21 Iomraidhean Croise

1 Dzipfhumu 20:42

Uye a di embela mufumeli, khuye: “Pfhumu Nungungulu a ngu ganela kharati, khuye: Kha nga olu uwe u digidego mwama yoyu nyi nga bani nyi layide gukheni a songwe, uwe u na mu livba khu womi wago, ni vathu vago, va na mbembiswa wulangani ga vathu vaye.”

Jeremiya 48:18

Tshiga khu vbagikhalotunu gwago nya wudhumo, u khala mafuni nya gihala, uwe nyamahegyane u vbahidego tigoni ga Dhibhoni, kholu musaseli wa Mowabhi a ngu hidzimela avbo gwago guta gu dhumela ni gu khungumula makhokhola yago.

Dhewuteronome 13:16

U na wungedzela tendrelani nya lidhoropa lawe satshavbo esi u phangidego, u na si vbisa si khala ningelo ga Pfhumu Nungungulu wago, gu na khala litala nya marumbi kala gupindruga; gima kha li na vbahedzwa gambe.

Dhewuteronome 2:34

Khu gikhati gyogyo, hi di wandra madhoropa yaye, ga lidhoropa ni lidhoropa hi di li pfhungumula gumogo ni vathu vaye, vanyamayi ni sanana; nyamba tshiya ni moyo a vbanya.

Dhewuteronome 7:16

U na mbembisa vathu vatshavbo avo Pfhumu Nungungulu wago, a na gu ningago; maho yago kha ma na va pwela wusiwana, gambe khu na khozela vanungungulu vawe, kholu isoso si nga tshukha si khala milaphwi gwago.

Josuwa 10:28

Khu litshigu lolo, Josuwa a di khozisa litigo la Makedha a va songa khu matshari, gumogo ni mufumeli wawe; a di sasela vatshavbo va nga bani vari umomo nyamba tshiya ni moyo. Mufumeli wa Makedha, a di mu gira kha nga idzo a nga girago mufumeli wa Jeriko.

Josuwa 10:39

A di dhumela lidhoropa ni mitalala yaye, gumogo ni mufumeli waye, a li sasela khu matshari, a li mbembisela muphelo gumogo ni satshavbo si nga bani siri umo. Kha nga idzo a giridego ga Hebroni ni ga Libhina gumogo ni vafumeli vawe, a di gira gambe kharato ga Dhebhiri ni ga mufumeli waye.

Josuwa 11:11

A sasela khu matshari vatshavbo va nga bani vari umomo, a va mbembisa muphelo nyamba tshiya ni moyo nya guvbanye; Hazori gu di vbiswa khu nilo.

Josuwa 11:14

Va di kabana satshavbo va nga phangago madhoropani mule ni mitshambi; aholu vathu vatshavbo va di va sasela khu matshari, kala va va mbembisa, nyamba tshiya ni moyo nya guvbanye.

Josuwa 8:2

U na ya gira Ayi gumogo ni mufumeli waye, kha nga edzi u nga girago Jeriko gumogo ni mufumeli waye; mu na ya phanga dzithomba ni sifuyo sakone si khala sanu. Vega vathu khu hwane nya lidhoropa va varamela.”

Josuwa 8:22

Vambe va na Israyeli va di duga khu dhoropani va ya dwana ni nala, khu guralo, avo va di randredwa khu va na Israyeli, khu maphuvbo yatshavbo, avbo va ngamba tshiya ni moyo nya guvbanye mwendro nya guthave.

Josuwa 9:3

Aholu vavbanyi va Gibheyoni, avbo va nga pwa iso si nga girwa khu Josuwa dhoropani ga Jeriko ni Ayi,

Gutuledwa 18:21

Khavbo avbo, ngilozi nya tshivba yi di khusa giwindri nya gikhongolo nya nga gitshindro yi gi rinya nondrwani, khiyo: “Khidzo kharati li na mbembiswago khidzo lidhoropa nya likhongolo la Bhabhiloni; mwalo a na li wonago gambe.

1 Samuweli 15:3

Olu indra uya sasela Amaleki, u mu pfhungumulela muphelo ni satshavbo si mu lumbago nyamba mu tsetsa; khu guralo, u na songetela vanyamayi, ni sanana niso sa beleni, dzimombe ni dzinvuta, dzingameriya ni dziburu.”

1 Samuweli 15:8

A di mola Agagi na nga gu vbanya, mufumeli wa Vaamaleki, a songetela vathu vatshavbo khu matshari.