Josuwa 6:19 - Bhibhiliya Nya Guage

¹⁹ Khu guralo, parata, ndralama ni sombo satshavbo nya sugu ni simbi si na agisedwa Pfhumu Nungungulu, si na khala thomba yaye.”

Josuwa 6:19 Iomraidhean Croise

2 Samuweli 8:11

Khavbo avbo, mufumeli Dhavhidhe a di si phasela ga Pfhumu Nungungulu, gumogo ni parata ni ndralama a nga bani a yi phasede khu gale, a nga yi dzegago ga mayigo a nga ma khozisago a gu aya:

1 Dzipfhumu 14:26

A di dzega dzatshavbo dzithomba dza Nyumbani ga Pfhumu Nungungulu ni dza nyumbani nya wufumu, a dzega gambe ni sitshangu satshavbo nya ndralama si nga bani si giridwe khu Solomoni.

1 Dzipfhumu 7:51

Mufumeli Solomoni a di vbedza kharati thumo watshavbo a wu giridego wa Nyumbani ga Pfhumu Nungungulu. Khavbo avbo, mufumeli Solomoni a di resa sombo satshavbo nya guage sa babe waye Dhavhidhe, si ta Nyumbani ga Pfhumu Nungungulu a gu esi: Parata, ndralama ni mikanvu, a ta si vega wulangani nya dzithomba.

2 Dzipfhumu 24:13

A di dzega vbale thomba yatshavbo ya Nyumbani gwa Pfhumu Nungungulu, ni yatshavbo thomba ya nyumbani ga mufumeli; a pandrelela sombo satshavbo nya ndralama, si nga girwago khu Solomoni mufumeli wa Israyeli, Nyumbani gwa Pfhumu Nungungulu, kha nga idzo a nga bani na ganede khidzo Pfhumu Nungungulu.

1 Dzikoronika 18:11

Esi a di si pata gumogo ni parata ni ndralama eyi Dhavhidhe a nga yi phangago ga mayigo yatshavbo a nga ma palago, a gu aya: Edhomi, va na Mowabhi, va na Amoni, Vafilisitiya ni va na Amaleki, a si phasela ga Pfhumu Nungungulu.

1 Dzikoronika 26:20

Vbakari ga va na Levhi, va nga bani va rwegidwe thumo nya gusayise dzithomba dza Nyumbani ga Nungungulu ni dzithomba nya silo nya guage, va diri ava:

1 Dzikoronika 26:26

Selomiti yoyu gumogo ni vandriyaye, va di rwegidwe rwalo nya gusayise dzithomba dzatshavbo ni sombo nya guage, esi mufumeli Dhavhidhe gumogo ni vathangeli nya dzinyumba, ni vathangeli nya sikwata nya likhumi mazana (1.000), niso nya lizana (100) ni vathangeli nya dzinyimbi;

1 Dzikoronika 26:27

nya iso si phangidwego nyimbitunu si nga vegwago gasi gu sayisa khiso Nyumba ya Pfhumu Nungungulu;

1 Dzikoronika 26:28

gumogo gambe ni satshavbo iso si ningedwego khu mwama nya liwoni Samuweli, ni Sawule, mwamana wa Khisi, ni Abhineri, mwamana wa Neri, ni Jowabhi, mwamana wa Zeruya, ni satshavbo nya miningelo yi ningedwego khu vathu vatshavbo, si diri mandzani ga Selomiti, gumogo ni vandriyaye.

1 Dzikoronika 28:12

A di mu ninga gambe lipimo nya satshavbo a nga bani ari naso monyoni gwaye, ni makhuvi yatshavbo ya ndrani nya Nyumba ya Pfhumu Nungungulu, nya guvegele umo dzithomba dza Nyumbani gwa Nungungulu, ni dzithomba nya silo nya guage;

2 Dzikoronika 15:18

Asa a di resa Nyumbani ga Nungungulu sombo satshavbo nya miphaso sa babe waye, ni sombo a si phasedego uye kamwe Nyumbani ga Nungungulu, a gu esi: Parata, ndralama ni sombo nya lisima ngudzu.

2 Dzikoronika 31:12

Va di resa mihengo yatshavbo nya desima, ni silo si agidego va ta si thela mule khu gukhodwa. Konaniya wa na Levhi a di ningwa rwalo nya guwonelele silo sesi ni Simeyi, ndriyaye a di vegwa kha nga gyandza gyaye.

Nehemiya 10:38

Khu magirelo ya mamowo, hi na resa umo nya dzinyumba nya guvegedzele dzithomba dzi guromo Nyumbani ga Nungungulu wathu, ga vaphasi nya mhamba, mihandro nya wuguvbi nya guphele, nya miningelo yathu, ni mihandro nya misimbo yathu yatshavbo niyo nya wadwa nya vhinya, nya mafura, hi ningela va na Levhi mihengo nya likhumi ya mahangeni gwathu; kholu khavo va vegidwego gu hengisa madhoropani gwatshavbo satshavbo nya lithonga lathu.

Jeremiya 38:11

Khavbo avbo, Ebhedhi-Meleki a di dzega vama a nga bani a gu va ruma a hongola navo ga muhubhe wu manegago khu vbavbatshi nya nyumba nya guvegedzedwe dzithomba nya wufumu, a dzega sitsangala nya dzitshalu a luga ngodzi a si reledza ga Jeremiya namboni.

Levhi 19:24

Khu mwaga nya wu na, mihandro yakone yatshavbo yi na phasedwa Pfhumu Nungungulu, gu girwa buzo nya rungudzo.

Mikeya 4:13

Khuga u vbula uwe nyamahegyane wa Siyoni, kholu nyi na gu girela dzikheho nya dzisimbi, ni samba nya sugu; u na sasela mayigo nya mangi, thomba yago yi na phasedwa Pfhumu Nungungulu, ni dzithomba dzawe, u phasela khidzo Mune nya litigo latshavbo.

Mitengo 31:11

Va di dzega thomba yatshavbo va yi phangidego, sifuyo ni dzikhumbi nya vathu.

Mitengo 31:12

Va di resa ga Mosi ni ga muphasi nya mhamba Eleyazari, gumogo ni ga tshangano watshavbo wa na Israyeli, dzikhumbi niso va nga si manago gumogo ni thomba yatshavbo, va si resa mazumboni, mikovani ya Mowabhi vbafuvbi ni tsongo wa Joridhani, gigomoni gya Jeriko.

Mitengo 31:22

Ndralama, parata, sugu, simbi, thofu ni riko,

Matewu 27:6

Vakhongolo nya vaphasi va di rolela, singerengere, khavo: “Gu ngu lolela gu si thela gikhwamani nya mihengo, kholu i tengo nya novba.”

Marko 12:41

Jesu na khade vbafuvbi ni wulanga nya ningelo wa Nyumbani ga Nungungulu a di khedzisela edzi vathu va nga bani va gu thela khidzo dzitsapawu gyomboni; sitetema nya singi si di ningela dzitsapawu nya gutale.

Josuwa 7:11

Israyeli ghohide, a hambanisa gidzumeledzwano gyangu, gile Eni nyi nga mu leletelago, a dzega silo nya gulolele, va si siha, va si pata gumogo ni sibubu sawe.