Josuwa 6:18 - Bhibhiliya Nya Guage

¹⁸ Aholu dzi woneleni ga sile si lolelago, mwa gu tshuka mu dzega gimwegyo nya iso, mu na resa libango ga lizumbo la na Israyeli, gu na manega pfilupfilu.

Josuwa 6:18 Iomraidhean Croise

2 Samuweli 21:1

Matshiguni ya Dhavhidhe, gu manegide ndzala yi dzegidego myaga miraru, khu mwaga ni mwaga, Dhavhidhe a di wudzisa Pfhumu Nungungulu, Pfhumu Nungungulu, a di mu embela, khuye: “Sawule ni ndranga yaye khavo va gu ni nandru nya wusongi, kholu va nga songago Vagibhiyoni.”

Muhevbudzi 9:18

Guti gu na ni giphaso guvbindra matshari nya nyimbi, aholu gighohi gimwegyo basi gi ngu kodza gu ghohetela silo nya singi nya sadi.

Jona 1:12

Uye a di va hakha, khuye: “Nyi duseni mu nyi rinya matini nya linene, ilo li na rula; kholu nyi ngu dziti gukheni khu kotani gwangu mu dugedwego khu gingulu gegi nya gikhongolo.”

Varoma 12:9

Lihaladzo lanu li na khale lihaladzo nya lisine, nyamba pembeledzela. Nyenyani guvivba mu gira nya sadi.

2 Vakorinto 6:17

Khu kharato Pfhumu yi ngu ganela gambe, khiyo: “Dugani khu vbakari gwawe mu hambana navo mu nga khuhini gilo nya gunyenyeze.

Vaefeso 5:11

Mu nga hengeli gumogo ni vale va vbanyelago gidemani, mithumoni yawe nyamba phasa gilo; aholu yi ganedzeni nyamba yi vegedzela.

Dhewuteronome 13:17

Gambe ni gimwegyo nya esi si nyenyezidego gi nga khali mandzani gwago, gasi gu, Pfhumu Nungungulu a hambanisa likhulo laye, a gu girela wuhindzi, a gu pwela gisiro, a gu andrise kha nga a sambanyidego ga vababe vago.

Dhewuteronome 23:10

“Vbakari gwanu a gu manega moyo a ngamba aga khu gu bani na dzi lorede ni vbakari nya wutshigu, a na duge lizumboni; a nga beli gambe umo.

Dhewuteronome 7:26

“Khu guralo, u nga bedzi gilo nya gunyenyeze nyumbani gwago, gasi u si vadwi kha nga igyo; satshavbo u fanede gu si nyenya, kholu si vadwe.”

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

Josuwa 7:1

Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli.

Josuwa 7:13

Indra u ya agisa vathu! U va embela, khuwe: Dzi agiseni litshigu la mindru kholu, Pfhumu Nungungulu wa Israyeli, a ngu ganela, khuye: Kha mu na dzi kodza gu tiya gu ema mbeli ga valala vanu na mu si gu dusi guvivba gu guromo vbakari gwanu.

Josuwa 7:15

Muthu wule a na gu manwago nari ni silo nya gunyenyeze a na vbiswa uye ni satshavbo si mu lumbago, kholu uye ndragide gidzumeledzwano gya Pfhumu Nungungulu a gira silo nya gunyenyeze ngudzu ga va na Israyeli.”

Josuwa 7:25

Na va vbohide vbale, Josuwa a di ganela, khuye: “Olu uwe u khadego mumbembisi wathu, Pfhumu Nungungulu a na gu mbembise nuye muhuno.” Ni vatshavbo va na Israyeli va di mu pfara khu siwindri; hwane nya gu bani va mu pfaride khu siwindri, va di ya mu vbisa niloni.

1 Johane 5:21

Vanavangu, dzi woneleni ga vanungungulu nya malipha.

1 Samuweli 15:9

Aholu, Sawule gumogo ni masotshwa yaye, va di diga Agagi nyamba mu songa, gumogo gambe ni mitshambi yaye nya dzinvuta ni dzimombe nya migadzi, sifuyo nya guene, sinvutana ni satshavbo si nga bani si romo nya sadi, ni gimwegyo nya iso kha va nga vbweta gu si mbembisa. Va di pfhungumula basi iso nyamba khalega ni gumba na lisima.