Josuwa 6:17 - Bhibhiliya Nya Guage

¹⁷ Lidhoropa, gumogo ni satshavbo si guromo umo, si emisedwe gu khungumudwa hiso bhi; gu na vbuluga basi Rahabhi nya gibhayi gumogo ni vatshavbo va na gu bani vari nyumbani gwaye, kholu uye sihide vaholeleli hi nga bani hi va rumede.

Josuwa 6:17 Iomraidhean Croise

Genesi 12:3

Nyi na kategisa avo va gu kategisago, nyi vala avo va na gu valago. Vathu vatshavbo va tigoni va na kategiswa khu kotani gwago.”

Ezira 10:8

gupwani wule ndrani nya matshigu mararu a na gumba ta dzi wonegisa, mayelano ni sileletelo nya vathangeli ni madhota a na dzegedwa silo saye satshavbo, uye wurumba waye a na duswa vbakari nya ava va nga wuyago khu wugumbitunu.

Isaya 34:6

Litshari la Pfhumu Nungungulu li tade khu novba, li fenengedzidwe khu mafura ni novba nya dzinvuta ni vanyamabhongwe, ni mafura nya dzitshwa nya dzihamba. Kholu Pfhumu Nungungulu a ngu gira miphaso tigoni ga Bhozira, ni gusongetela nya gukhongolo tigoni ga Edhomi.

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Ezekiyeli 39:17

Khu guralo, uwe, mwamana wa muthu, Mune Pfhumu Nungungulu, a ngu ganela kharati, khuye: Rana sinyoni nya mafumbo yatshavbo gumogo ni sirengo satshavbo sa khabini, khuwe: Tombanani muta, tshanganani khu maphuvbo yatshavbo mu ta gira phaso, owu nyi na wu ningelago khu enu, a gu phaso nya wukhongolo sigomoni sa Israyeli; mu na hodzani nyama ni gu selani novba.

Levhi 27:21

Aholu lithembwe leli la gu tshulega khu Mwaga nya Gunengele, wule a nga renga lithembwe leli a na duga umomo, kholu lithembwe leli li agide li phasedwe Pfhumu Nungungulu; li na lumba muphasi nya mhamba.

Mikeya 4:13

Khuga u vbula uwe nyamahegyane wa Siyoni, kholu nyi na gu girela dzikheho nya dzisimbi, ni samba nya sugu; u na sasela mayigo nya mangi, thomba yago yi na phasedwa Pfhumu Nungungulu, ni dzithomba dzawe, u phasela khidzo Mune nya litigo latshavbo.

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

1 Vakorinto 16:22

Muthu a gu mwalo lihaladzo ga Pfhumu a na vadwe: “Maranatha” (Delu Pfhumu)!

1 Vakorinto 2:7

gasi enu, ha gu mi tivisani misihalo nya guti gwa Nungungulu, gu nga bani gu sihidwe khu gale; guti gule Nungungulu a gu vegisidego gukhugela guhegulani, gasi gu khala wuzundzo wathu.

Vagalatiya 3:10

Vatshavbo vathu va tumbago mithumo ya Nayo va ngu manwa khu givalo nya Nayo, kholu, Milowo nya Guage yari, khiyo: “A na vadwe oyu si landrisigo satshavbo esi si lovidwego libhukuni nya Nayo.”

Vagalatiya 3:12

Aholu Nayo kha wu digi gukhodwa, aholu, gu lovidwe omu nya Milowo nya Guage pwani: “Oyu a na vegisago sileletelo nya Nayo a na vbanya khiso.”

Dhewuteronome 20:17

U na songa vatshavbo havo bhi: Vahiti, Vaamori, Vakhanani, Vaferezi, Vahevhi ni Vajebhuzi, kha nga idzo u nga leletedwago khidzo khu Pfhumu Nungungulu wago,

Vahebheru 11:31

Khu gukhodwa, Rahabhi, nyamayi nya gibhayi, kha songwa gumogo ni vale va ngamba yingela Nungungulu, kholu uye a di hakha vasoli khu gurula.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.

Jakobe 2:25

Khiso si nga girega ga nyamayi nya gibhayi, Rahabhi. Uye a di sayedwa muthu nya gululame khu Nungungulu khu kotani nya mithumo yaye, kholu a di hakha vasoli va na Israyeli a gu va phasa gu duga khu yimbe ndzila.

Josuwa 2:1

Josuwa, mwamana wa Nuni, a di rumela khu gisihaledza tigoni ga Kitimi vasoli vavili a va embela, khuye: “Indrani mu ya holelela gwadi litigo ni lidhoropa la Jeriko.” Va di hongola vaya bela ndrangani ga nyamayi moyo nya gibhayi, lina laye a ranwago pwani Rahabhi, avbo va nga ya khalago avbo.

Josuwa 2:22

Khavbo avbo, vasoli va di hongola mugigomoni; va di ya khala umomo matshigu mararu, kala vale va nga bani va va landra va bwelela va wuya; avo va nga bani va va landra va di va vbweta dzindzilani gwatshavbo, aholu kha va va mana.

Josuwa 7:1

Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli.

1 Samuweli 15:3

Olu indra uya sasela Amaleki, u mu pfhungumulela muphelo ni satshavbo si mu lumbago nyamba mu tsetsa; khu guralo, u na songetela vanyamayi, ni sanana niso sa beleni, dzimombe ni dzinvuta, dzingameriya ni dziburu.”

1 Samuweli 15:6

A di embela va na Kini, khuye: “Dugani, hambanani ni Vaamaleki, gasi nyi si mu saseli gumogo navo, kholu enu mu giride wuwadi ga sanana sa Israyeli, avbo si nga bani si duga khu tigoni ga Egipito.” Khu guralo, va na Kini va di hambana ni Vaamaleki.