Josuwa 5:9 - Bhibhiliya Nya Guage

⁹ Khavbo avbo, Pfhumu Nungungulu a di embela Josuwa, khuye: “Muhuno nyi duside vbakari gwanu dzitshoni dza Egipito.” Kotani nya isoso wulanga wule wu di ranwa pwani Giligali, kala na muhuno.

Josuwa 5:9 Iomraidhean Croise

Genesi 34:14

Va di ganela, khavo: “Ethu kha hi giri isoso! Kha hi dzi kodzi gu dzega ndriyathu hi mu ningela ga mwama nyamba hana wugwera, silo nya nga isoso dzitshoni nya dzikhongolo ga ethu.

2 Samuweli 19:15

Khavbo avbo, mufumeli a di bwelela a wuya, na vbohide Joridhani, vatshavbo va na Judha va dita Ghiligali va mu khinga gasi gu ya mu hakha ni gu mu tshatugisa tsongoni wa Joridhani kala khisikheyi.

Nehemiya 12:29

gumogo ni Bheti-Giligali ni malangani ya Gebha ni Azimavheti. Vaembeleli va di dzi vbahede mitalala wubambe nya lidhoropa la Jerusalema.

Dzindzimo 119:39

Ndreyisela hwindzo givalo nyi gi thavago, kholu gulamula gwago gululamide.

Jeremiya 9:25

Pfhumu Nungungulu a ngu ganela, khuye, ma na vboha matshigu nyi na gu tsayisago satshavbo sithiva gumogo ni vale nyamba hana wugwera:

Ezekiyeli 23:3

“Avo va khade maphuphulu tigoni ga Egipito, va dzi bedzedzela wubhayini gukhugela wumbirini gwawe. Va dzumela gu ganywa ganywa mavele, ni gu ghohetedwa wukendzi wawe.”

Ezekiyeli 23:8

“Uye kha nga diga wuphuphulu a wu phedego tigoni ga Egipito, gikhati nya wumbiri waye, vama va di lala naye, va ghohetela wunyamayi nya wukendzi waye, ni gu dzi tsakisa khuye.”

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Levhi 24:14

“Dusa muhembululi vbavbandze nya wughovelo: Vatshavbo vale va mupwidego na gu vala, va na handzega mandza hungoni gwaye, tshangano watshavbo wu na mu pfare khu siwindri.

Amosi 5:5

Aholu mu nga vbwetini Bheteli, ambari guyani Giligali, ni guvbindra muya Bherisebha, kholu Giligali, a na sasedwa a yiswa wugumbini, Bheteli a na pfhungumudwa a si khali gambe gilo.

Mikeya 6:5

Vathu vangu, alakanyani esi Bhalaki, mufumeli wa Mowabhi a lombidego, ni esi Bhalahama, mwamana wa Bheyori a mu phindrudego. Alakanyani lipfhumba nyi mi giredego gukhugela Sitimi kala Giligali, tugula gukhuwe mithumo ya Pfhumu Nungungulu yi lulamide.

Sofoniya 2:8

Nyi pwide guyuyutela ga vathu va Mowabhi ni gupoyila ga sanana sa Amoni gikhati va nga valago vathu vangu, va dzi khusedza khu litigo lawe.

Josuwa 24:14

Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.

Josuwa 4:19

Vathu va tshatugide tsongoni wa Joridhani khu litshigu nya likhumi nya ngima nya guhegule va ya ghova Giligali, vbinganoni wa Khugadambo ga Jeriko.

Josuwa 5:8

Na va hanide wugwera, va di khala lizumboni kala va hawuluga.

1 Samuweli 14:6

Jonatane a di embela lidzaha nya muphari nya matshari yaye, khuye: “Hongole hi yela makhuna yaya; mwendro saye Pfhumu Nungungulu a na hi phasa a hi dwanela, kholu ga Nungungulu gimwalo gi gumba kodzega, uye a na hi vbulugisa khu vangi ambari khu vadugwana.”

1 Samuweli 17:26

Khavbo avbo, Dhavhidhe a di wudzisa ga masotshwa ma nga bani ma romo vbafuvbi gwaye, khuye: “A na hakha ginani uye a na gu palago mwama yoyo nya Mufilisitiya ni guvbulugisa wudhumo wa Israyeli? Khu mani yoyo nya Mufilisitiya nyamba hana wugwera, nya gukala a wugela masotshwa ya Nungungulu a vbanyago?”

1 Samuweli 17:36

Eni githumi gyago nyi kodzago gu songa nghala ambari gikankanka; Mufilisitiya yoyo nyamba hana wugwera a na fanana ni gimwegyo nya iso, kholu a gu khuthedzela masotshwa ya Nungungulu a vbanyago.

1 Samuweli 7:16

Khu mwaga ni mwaga a di dzundrulugela madhoropa ya Bheteli, Ghiligali ni Misipa; malangani gwatshavbo momu a di lamula va na Israyeli.