Josuwa 5:6 - Bhibhiliya Nya Guage

⁶ Va na Israyeli va gimbide giwulani gipimo nya magumana myaga, va vbela kharati vama vatshavbo nya nyimbi va dugidego khu Egipito; avo kha va nga yingisa lito la Pfhumu Nungungulu, kholu a di sambanyide gukhuye gima kha na va diga va wona litigo lile a sambanyidego gu ninga vababe vawe litigo li gogago mahwe ni wulombe.

Josuwa 5:6 Iomraidhean Croise

Dzindzimo 107:4

Va di dzimede va legalega giwulani nya gihala, nyambana ndzila nya guye dhoropani nya guvbanye umo.

Ekisodha 3:17

Khu guralo, Eni nyi ganede, kheni: Nyi na mi dusani khu wugumbini wa tigoni ga Egipito, nyi mi yisani tigoni ga Vakhanani, ga Vahiti, ga Vaamori, ga Vaferezi, ga Vahevhi ni Vajebhuzi, tigoni gu gogago mahwe ni wulombe.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Ezekiyeli 20:15

Ambari khu guralo, na vari giwulani, nyi khusedzide mandza nyi sambanya gambe gukheni, kha nyi na nga va yisa ga litigo nyi va ningidego, litigo li gogago mahwe ni wulombe, li mburidego guvbindra mayigo yatshavbo,

Ezekiyeli 20:6

Ga litshigu lile nyi sambanyide gwawe gukheni nyi na va dusa tigoni ga Egipito, nyi va yisa ga litigo nyi va hathedego, litigo li gogago mahwe ni wulombe, li mburidego guvbindra mayigo yatshavbo.

Joyele 3:18

Khu litshigu lolo, sigomo si na ruta vbinyu nya yiphya ni sigomwana si na goga mahwe, mitsongo yatshavbo ya tigoni ga Judha, yi na tala khu mati; gu na duga gifefe nya mati khu Nyumbani ga Pfhumu Nungungulu, gi theledzela kovani wa Sitimi.

Mitengo 14:23

mwalo ni moyo a na wonago litigo eli nyi sambanyidego gu ninga vababe vawe, mwalo na moyo nya ava va nga nyi yeyisago a na gu li wona.

Mitengo 26:63

Ava khavo va lovedwego khu Mosi ni muphasi nya mhamba Eleyazari, avo va lovede va na Israyeli vari mapanini ga Mowabhi, vbafuvbi ni tsongo wa Joridhani gu khedzanidego ni Jeriko,

Dhewuteronome 1:3

Khu mwaga nya magumana, khu litshigu nya guhegule nya ngima nya likhumi na moyo, Mosi a di ganela ga sanana sa Israyeli, gukhedza khu satshavbo iso a nga rumwago khu Pfhumu Nungungulu gu va embela,

Dhewuteronome 2:14

Gikhati hi vbedzidego na hi gu gimbila, gukhugela Kadhesi-Bharineya kala hi tshatuga gitsongwana gya Zeredhi, gu di vbindra magumararu na livbandre na miraru myaga, kala va vbela khu gufa vatshavbo vama vale nya gudwane nyimbi vbakari nya lizumbo, kha nga edzi Pfhumu Nungungulu a va sambanyedego khidzo.

Dhewuteronome 2:7

Kholu Pfhumu Nungungulu wago, a gu kategiside ga thumo watshavbo nya mandza yago; Uye a ngu dziti nya gukhuye u ngu legalega giwulani momu nya gikhongolo; Pfhumu Nungungulu wago, a diri ni uwe ndrani nya myaga yatshavbo yoyo nya magumana; gimwalo ni gimwegyo gi gu kiyeledego.

Dhewuteronome 8:4

Guambala gwago gima kha ga kuwuluga milini gwago, ambari gusimba ngondro wago ndrani nya liendro leli nya magumana myaga.

Vahebheru 3:11

Nyi di khala giviti nyi sambanya, kheni: “Ava vathu gima kha va na nga bela tigoni nya gitumbiso, wulangani nya guhefemule nyi wu dongisedego.”

Josuwa 1:6

Tiya longo u manega ni tshivba ni gutimisela, kholu khuwe u na thangelago vathu vava kala va bela ga litigo nyi sambanyidego gu ninga vababe vago.

Josuwa 24:7

Avbo vababe vanu va nga lila, Pfhumu Nungungulu a di thela gidema vbakari ga Vagipiti, yiphwa yi va fenengedza; mu si wone khu maho yanu esi nyi giridego tigoni ga Vagipiti. Khavbo avbo, mu di khalani giwulani gikhati nya gikhongolo.

Josuwa 5:5

Vathu vatshavbo va dugidego khu Egipito va di hanide wugwera, aholu avo va nga ya velegedwa giwulani vbakari nya liendro hwane nya guduge khu Egipito, kha va nga bani va hanide.

Josuwa 5:7

Va di tshikedzwa khu sanana sawe; khiso esi Josuwa a nga si hanisa wugwera, kholu kha sa nga bani si hanide wugwera liendroni gwawe.