Josuwa 5:2 - Bhibhiliya Nya Guage

² Khavbo avbo, Pfhumu Nungungulu a di embela Josuwa, khuye: “Lodza siwindri u gira migala, u bedza nyaluphye wugwera sanana sa na Israyeli.”

Josuwa 5:2 Iomraidhean Croise

Ekisodha 4:25

Khavbo avbo, Zipora, a di dzega giwindri nya guvbire, a gu pila sutu gyanana gyaye, a gu kuha khuwo mawundru ya Mosi, a ganela khuye: “Avbo gwangu, uwe u mwama nya novba.”

Varoma 2:29

Mujudha nya lisine khu wule a gu Mujudha khu monyoni gwaye, a nuwo wugwera nya lisine khu wule wu hanwago monyoni, wu hanwago maningano khu edzi li lombago khidzo Liphuvbo, nasiri khu edzi wu lombago khidzo nayo nya gulowe. Khuye oyu a rungudzwago khu Nungungulu, ambari a si rungudzwi khu vathu.

Varoma 4:11

Khu hwane, khavbo a hanidego gwadi wugwera kha nga giyeyedzo nya gupwani Nungungulu a mu wone kha nga muthu nya gululame, a mu hakha a khala pari yaye khu kotani nya gukhodwe a nga bani ari nago, na si gu hani wugwera. Khu kharato, uye khade babe wa vatshavbo vale va khodwago ambari na va sa hana wugwera, gasi a avo navo va wonwa na va lulamide.

Dhewuteronome 10:16

Khu guralo, vbindrugedzani myonyo yanu, mu si bangisi dzithamo dzanu.

Dhewuteronome 30:6

Pfhumu Nungungulu wago, a na vbindrugedza monyo wago ni monyo wa livelego lago, gasi u gole Pfhumu Nungungulu wago, khu monyo wago watshavbo ni hefemulo wago watshavbo, u kodze gu vbanya.

Vakolosi 2:11

Khu gu tshanganiswa naye, enu mu hanide wugwera, nasiri wugwera wu hanwago milini, aholu wugwera wu tago khu ga Kristo, a gu gutshudwa givili nya gighoho.

Josuwa 5:3

Khavbo avbo, Josuwa a di gira migala khu siwindri a hanisa wugwera va na Israyeli Gibheyati-Haraloti.