Josuwa 5:14 - Bhibhiliya Nya Guage

¹⁴ Uye a di hakha, khuye: “Ahihi, eni nyi muthangeli nya nyimbi ya Pfhumu Nungungulu, olu nyi womo avba.” Josuwa a di noga a thega vbavbatshi khu khovbe, a mu wudzisa, khuye: “Ginani u gu nagyo pfhumu yangu gasi gu embela githumi gyago?”

Josuwa 5:14 Iomraidhean Croise

Genesi 17:17

Abrahama a di noga a dzi thesa vbavbatshi a hega, kholu a di gu ganela khu monyoni gwaye, khuye: “Ina mwama nya lizana (100) myaga a ngari ni tshivba nya gu dzi kodze guvelega gyanana, gani? Ahati Sara a gu na ni livbandre na mana magumi (90) myaga a na velega gyanana, gani?”

Genesi 17:3

Abrama a di noga, a tsitsa khovbe vbavbatshi, Nungungulu a mu embela, khuye:

2 Samuweli 7:19

Ambari khu kharato, uwe Pfhumu Nungungulu, mahungu yaya u ma wone na mari ma dugwana mahoni gwago; u ganede gambe khu ndranga ya githumi gyago khu matshigu ma nga gutago. Uwe Pfhumu Nungungulu, igyogyo gihevbudzo ga vathu vatshavbo.

2 Samuweli 7:20

Olu Dhavhidhe ginani a na engedzelago gambe gu ganela avbo gwago? Kholu Uwe Pfhumu Nungungulu u ngu giti githumi gyago.

Dzindzimo 110:1

Pfhumu Nungungulu a di ganela ga mune wangu, khuye: “Khala khu nyamudye gwangu, kala nyi vega valala vago vbavbatshi nya migondro yago.”

Dzindzimo 24:10

Khu mani Mufumeli yoyo nya Wudhumo? Khu Pfhumu Nungungulu nya Tshivba Yatshavbo. Khuye a gu Mufumeli nya Wudhumo.

Ekisodha 4:10

Khavbo avbo, Mosi a di embela Pfhumu Nungungulu, khuye: “U na nyi divalela, Pfhumu yangu, eni khandri nyi muthu nya gukodze gu ganela, kholu gukhugela gale ni gale, eni nyi muthu nya gilimiti ni gukangamela gu ganela.”

Ekisodha 4:13

Aholu Mosi a di hakha, khuye: “Nyi divalele, Pfhumu yangu, rumela mumbe u na mu manago guvbindra eni.”

Isaya 55:4

Wonani gukhenu, nyi mi emisede gu khala fakazi ga va nya mayigo, muthangeli ni mwamangulu nya mayigo.

Isaya 6:8

Khu hwane nya ugo, nyi dipwa lito la Pfhumu, li nga nyi embela, khilo: “Nyi na ruma mani, khu mani a na hongolago khu lina lathu?” Eni nyi di hakha, kheni: “Nyi womo avba. Nyi rume.”

Ezekiyeli 3:23

Khavbo avbo, nyi di khuga nyi hongola panini. Iyoyo wu diromo wudhumo wa Pfhumu Nungungulu, gu fanana ni uwo nyi nga wu wona vbafuvbi ni tsongo wa Kebhari. Nyi di thega vbavbatshi khu khovbe,

Dhaniyeli 10:13

Aholu ndruna nya mufumo wa Perisiya, yi dita dwana ni eni gipimo nya magumavili na limwedo matshigu; aholu Migeli, moyo nya dzingilozi nya guhegule, a dita nyi phasa, eni nyi di simama vbale ni vafumeli va Perisiya.

Dhaniyeli 10:21

aholu, nyi na phela khu gu gu embela esi si lovidwego Libhukuni nya Lisine. Mwalo a na gu nyi phasedzelago gu dwana litunga lolo, vbavbandze basi ga Migeli, muemeli wanu.

Dhaniyeli 12:1

Khu gikhati gyogyo, a na dugelela Migeli Ngilozi yi emelago vathu vago, gu na manega gikhati nya gusaniseke, nya gu gima gi si gu manegi gukhugela guhegulani nya mifumo. Aholu khu gikhati gyogyo, uye a na vbanyisa vathu vago, vatshavbo vale va na gu manegago na va lovidwe libhukuni nya womi.

Dhaniyeli 8:11

Yi di dzi dandrisa kala yi dwana ni muthangeli nya sivangwa sa ndzadzini; yi mu dzegela phaso nya mhamba wu ningedwago khu litshigu ni litshigu ga muthangeli, gu pfhungumudwa wulanga nya miphaso wu dzudzugwa vbavbatshi.

Levhi 9:24

Gu di duga nilo khu mbeli ga Pfhumu Nungungulu wu ngata tsagamisa nyama nya phaso nya guvbiswe ni mafura vbatshani nya giluvelo. Avbo va nga wona, vathu vatshavbo va di kulungela khu gunengela va noga va kuha vbavbatshi khu khovbe.

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Mitengo 16:45

“Khugani khu vbakari nya tshangano yoyo, kholu nya gu vbweta gu va mbembisa kamwe olu.” Khavbo avbo va di thega va tsitsa khu dzikhovbe mafuni.

Mitengo 22:31

Khavbo avbo, Pfhumu Nungungulu a di tula maho ya Bhalahama, uye a di wona Ngilozi ya Pfhumu Nungungulu na yi emide ndzilani, na yi homode litshari yi phara mandzani; uye a di khidzima a yi khozela na tsitside khu khovbe mafuni.

Matewu 22:44

Pfhumu a di embela Pfhumu yangu, khuye: Khala khu nyamudye gwangu, kala nyi gu thesa valala vago vbavbatshi nya migondro yago?

Matewu 8:2

Khavbo avbo, a di yedwa khu mudwali moyo nya sokono, a ngaya mu khidzimela, khuye: “Pfhumu, wa gu dzina, nyi hawulugise.”

Luka 1:43

Wuhigo wangu wukhongolo! Kheni mani, eni, nya guta holedwe khu mayi wa Pfhumu yangu?

Luka 20:42

Olu Dhavhidhe abune a ganelago umo nya libhuku nya Dzindzimo, khuye: ‘Pfhumu a di embela Pfhumu yangu, khuye: Khala khu nyamudye gwangu,

Luka 5:12

Avbo Jesu a nga bani na romo dhoropani nya gukari a dita muthu moyo a nga bani a gu dwala khu sokono. Uye, na wonide Jesu, a di dzi thesa migondroni gwaye, a mu lomba, khuye: “Pfhumu, wa gu dzina, nyi agise.”

Johane 20:28

Tomasi a di khuye: “Pfhumu yangu, Nungungulu wangu!”

Mithumo 9:6

ambari ulo khuga u bele dhoropani, va na gu embela esi u fanedego gu gira.”

Vafilipi 3:8

Khu lisine, satshavbo soso nya gu si wona nga silo nya ndzilo nya gu si pimanisa ni wuhigo wukhongolo nya guti Kristo Jesu, Pfhumu yangu. Eni nyi nyenyide silo satshavbo khu kotani gwaye.

Vahebheru 2:10

Khu lisine, a diri fanelo ya Nungungulu, Pfhumu ni Muvangi nya silo satshavbo, gu gira Jesu a khala muthu nya guvbelele khu sitshaniso, ni gu yisa wudhumoni sanana saye nya singi, kholu Jesu khuye a si yisago guvbanyani.

Josuwa 20:1

Pfhumu Nungungulu a di embela gambe Josuwa, khuye:

Gutuledwa 12:7

Khavbo li nga wuga litunga ndzadzini Migeli ni dzingilozi dzaye a di dwana ni mwamilambo, a nuye mwamilambo a di tsarama a dwana gumogo ni dzingilozi dzaye.