Josuwa 5:13 - Bhibhiliya Nya Guage

¹³ Josuwa nari vbafuvbi ni Jeriko, na khuside maho a di wona mwama moyo na emide mbeli gwaye, na pharide litshari mandzani. Josuwa a di hidzimela gwaye aya mu wudzisa, khuye: “U moyo wathu, mwendro moyo ya valala vathu, gani?”

Josuwa 5:13 Iomraidhean Croise

Genesi 18:1

Pfhumu Nungungulu a di dzi wonegisa avbo ga Abrahama vbafuvbi ni miguhu ya Mambre, na khade mwanyani nya tshatsha waye, ni vbakari nya mihani.

Genesi 18:2

Na khuside maho a di wona madhota mararu na ma emide vbafuvbi gwaye. Avbo a nga ma wona, a di khuga vbamwanyatunu nya tshatsha waye a tutuma a va khinga aya khidzima vbavbatshi,

Genesi 28:16

Na khendzugide, Jakobe a di ganela, khuye: “Khu lisine Pfhumu Nungungulu womo wulanga wowu, aholu eni nyi di si dziti.”

Genesi 33:1

Gikhati Jakobe a nga khusa maho, a wona Esawu na gu mu khinga gumogo ni mazana mana vama, a di kabanisa sanana a ninga Liya, Rakeli ni sithumi saye sivili nya vanyamayi.

Genesi 33:5

Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?” Jakobe a di phindrula, khuye: “Sanana esi Nungungulu a nyi ningidego eni githumi gyago.”

1 Dzikoronika 12:22

Vathu vava va diri vaphasedzeli va Dhavhidhe, avbo a nga bani na gu dwana ni dzinyimbi nya vaphangi, kholu avo vatshavbo va diri vama nya tshivba na vari vathangeli nya dzinyimbi.

1 Dzikoronika 21:27

Pfhumu Nungungulu a di laya Ngilozi yi bweledza litshari wulangani gwalo.

1 Dzikoronika 21:30

Dhavhidhe a di gu tandrega gu hongola iyoyo gu ya wudzisa Pfhumu Nungungulu, kholu a di bani na ngari ni hwanga khu kotani nya litshari la Ngilozi ya Pfhumu Nungungulu.

Ekisodha 23:23

Kholu Ngilozi yangu yi na gimbila mbeli gwago yi na gu bedza tigoni ga Vaamori, ga Vahiti, ga Vaperezi, ga Vakhanani, ga Vahevhi ni ga Vajebhusi, nyi na va fuvisa vathu vava.

Dhaniyeli 10:5

Nyi di khusa maho nyi khedza vbatshani, nyi di wona mwama nari vbafuvbi gwangu nya guambale dzingandzu nya seda, mugiwununi gwaye na hungide libhandri nya ndralama nya guhutwe ya Ufazi.

Dhaniyeli 8:3

Nyi di khusa maho nyi khedza vbatshani, nyi wona hamba na yiri vbafuvbi ni tsongo; na yiri ni dzikheho dzimbili nya gulaphe, aholu mweyo yi di vbindra yikwawe khu gulapha, ambari ulo yi nga hegisela gu buga.

Zakariya 1:8

Ni wutshigu, nyi di lora ndroro yeyi: Nyi di wona mwama moyo na khilede kavalu nya gufuvile, na emide vbakari nya misimbo yi ranwago gupwani murita, releloni nya kova nya guete; hwane gwaye gu diri ni dzikavalu nya gufuvile, nya gusivbale nidzo nya guage.

Mitengo 22:23

Buru yi di wona Ngilozi ya Pfhumu Nungungulu na yi emide vbakari nya ndzila na yi homode litshari yi phara mandzani; khavbo avbo, buru yi di ndreya yi bela khabini. Bhalahama a di veta buru gasi yi wuye ndzilani.

Mitengo 22:31

Khavbo avbo, Pfhumu Nungungulu a di tula maho ya Bhalahama, uye a di wona Ngilozi ya Pfhumu Nungungulu na yi emide ndzilani, na yi homode litshari yi phara mandzani; uye a di khidzima a yi khozela na tsitside khu khovbe mafuni.

Mithumo 1:10

Na va gu khedza Ndzadzini, gikhati Jesu a nga bani a gu gwela, va di hidzimela vbafuvbi gwawe vama vavili, na va ambade dzingandzu nya guage, va ta va wudzisa, khavo:

Josuwa 6:2

Khavbo avbo, Pfhumu Nungungulu a di embela Josuwa, khuye: Wona, nyi ningede mandzani gwago Jeriko, ni mufumeli waye gumogo ni dzindrena dzaye.

Gutuledwa 1:13

Vbakari nya livbandre na dzimbili dzikandriya, nyi di wona moyo nya gufanane ni Mwamana wa Muthu, na ambade ngandzu nya gulaphe, na hungide libhandri nya ndralama vbakhanatunu.

Valamuli 13:11

Khavbo avbo, Manowa, a di khuga a landra mwangadzi waye, aya vboha ga mwama wule a mu wudzisa, khuye: “Khuwe mwama wule u nga ganelago ni mwangadzi wangu, gani?” Uye a di hakha, khuye: “Kheni kamwe.”

Valamuli 13:22

Aholu Manowa, a di embela mwangadzi waye, khuye: “Khu lisine hi nafa, kholu hi wonide Nungungulu.”