Josuwa 5:10 - Bhibhiliya Nya Guage

¹⁰ Va na Israyeli va di zumba Giligali, va gira buzo nya Phasika khu litshigu nya likhumi na mana nya ngima, vbasilambotunu, panini ga Jeriko.

Josuwa 5:10 Iomraidhean Croise

2 Samuweli 15:28

Eni nyi na simama gu sihala mwasini wa giwulani; kala nyipwa mahungu ya iyoyo gwanu.

Ekisodha 12:11

Mu na hodzani, kharati: Mu na hungide mikeka siwununi gwanu; na mu ambade silato migondroni gwanu, na mu pharide ndronga mandzani, mu na hodza khu guvbiredza. Eyi Phasika ya Pfhumu Nungungulu.

Ekisodha 12:18

Gukhugela ni silambo nya litshigu nya likhumi na mana, umo nya ngima nya guphele, kala ni silambo nya litshigu nya magumavili na limwedo, mu fanede gu hodzani sibaba nyambana mela.

Ekisodha 12:6

Mu na gi sayisa kala litshigu nya likhumi na mana nya ngima yoyu; tshangano watshavbo wa Israyeli wu na gi songa gupfolani nya lidambo.

Jeremiya 39:5

Aholu masotshwa nya Vakalidhiya ma di va lundra; ma ya mana Zedhekiya panini gwa Jeriko. Va mu mola, va mu yisa ga Nabhukodhonosori, mufumeli wa Bhabhiloni, a nga bani nari Ribala, tigoni ga Hamati avbo a nga ya lamuledwa avbo khu mufumeli wa Bhabhiloni.

Ezekiyeli 12:3

Gasi, olu, uwe mwamana wa muthu, dongisela rwalo wago u hongola guvbagedwatunu, u ya wonana ni vatshavbo gipimo nya litshigu rumba, u hambana navo, u hongola wumbe wulanga. A gu dzina saye va na si wona, ambari a gu vathu nya gukanyise.

Levhi 23:5

Khu litshigu nya likhumi na mana nya ngima nya guhegule, kala gupfolani nya lidambo, Phasika ya Pfhumu Nungungulu.

Mikeya 6:5

Vathu vangu, alakanyani esi Bhalaki, mufumeli wa Mowabhi a lombidego, ni esi Bhalahama, mwamana wa Bheyori a mu phindrudego. Alakanyani lipfhumba nyi mi giredego gukhugela Sitimi kala Giligali, tugula gukhuwe mithumo ya Pfhumu Nungungulu yi lulamide.

Josuwa 4:19

Vathu va tshatugide tsongoni wa Joridhani khu litshigu nya likhumi nya ngima nya guhegule va ya ghova Giligali, vbinganoni wa Khugadambo ga Jeriko.

Josuwa 5:11

Khu litshigu lolo la limwedo, va di hodza mihandro ya tigoni mule: Sibaba nyambana mela ni sivbila nya guvawudwe.

Josuwa 9:6

Va diya Ghiligali lizumboni ga Josuwa, va ya mu embela uye gumogo ni va na Israyeli, khavo: “Ha guta khu mayigo ya hwindzo hi ta mi lombani gukhethu mu gire pwanano ni ethu.”

1 Samuweli 7:16

Khu mwaga ni mwaga a di dzundrulugela madhoropa ya Bheteli, Ghiligali ni Misipa; malangani gwatshavbo momu a di lamula va na Israyeli.