Josuwa 5:1 - Bhibhiliya Nya Guage

¹ Gikhati vafumeli vatshavbo va Vaamori, va nga bani va vbanyela Pfoladambo nya tsongo wa Joridhani ni vafumeli vatshavbo nya Vakhanani, va nga bani va vbanya khu wubambe nya yiphwa, va nga pwago gupwani Pfhumu Nungungulu bangiside mati nya tsongo wa Joridhani mbeli ga va na Israyeli, kala va tshatuga, va di vbela tshivba, va pilega longo khu kotani ya va na Israyeli.

Josuwa 5:1 Iomraidhean Croise

Genesi 12:6

Abrama a di li tsemakanya khu vbakari ni vbakari kala a vboha dhoropani gwa Sikemi, vbafuvbi ni simbo nya wukhongolo wa Moreya. Vakhanani va di gu vbanya tigoni mule.

Genesi 48:22

Nyi ngu ninga guvbindra vandriyago, gipandre nya litigo la Sikemi nyi li wandridego khu gupala Vaamori khu litshari ni wulaho wangu.”

2 Samuweli 21:2

Khavbo avbo, mufumeli, a di rana Vagibhiyoni ata ganela navo (Vagibhiyoni khandri a diri sanana sa Israyeli, aholu a diri mitshaledwa ya Vaamori, aholu va na Israyeli va di sambanyide gu patana navo, aholu Sawule a di vbweta gu va songa khu gu khatalela va na Israyeli ni va na Judha.)

1 Dzipfhumu 10:5

ni guhodza gwa vbamezatunu gwaye, ni makhalelo ya avo va mu thumelago, ni mavbanyelo ya dzindruna dzaye, ni maambalelo yawe, ni vaphari nya sikombe saye, nidzo va ningelago khidzo ningelo Nyumbani ga Pfhumu Nungungulu, a di vbela tshivba khu gusamala.

Ezira 9:1

Na si gu vbede silo sesi, gu dita avbo gwangu manganagana ma ta khayo: “Vathu va na Israyeli, vaphasi nya mhamba ni va na Levhi, kha va dzi hambanisa ni vambe vathu va mambe mayigo; va gu simama gu gira guvivba ga mayigo yoyo ya Vakhanani, ya Vahiti, ya Vaferezi, ya Vajebhuzi, ya Vaamoni, ya va na Mowabhi, ya Vagipiti ni ya Vaamori.

Dzindzimo 135:11

Bayiside Seyoni, mufumeli wa Vaamori, a songa Ogi, mufumeli wa Bhasani ni vafumeli vatshavbo Vakhanani.

Ekisodha 23:28

Nyi na rumela gambe dzimifi mbeli gwago dzi ya tutumisa Vahevhi, Vakhanani ni Vahiti.

Isaya 41:5

Mayigo ya sidwani ma si wone esi, ma thava, ni mahegiso nya litigo gu di ndrendremela, vathu va di tshangana va hidzimela;

Ezekiyeli 16:3

u mu embela, khuwe: Mune Pfhumu Nungungulu a ngu ganela kharati, khuye: U tumbulugide ni gu velegwa tigoni ga vakhanani; babe wago a diri Muamori, ni mayi wago a diri Muhiti.

Ezekiyeli 21:7

“Gikhati va na gu wudzisago, gukhavo: Wa gu lilela ginani? U na va hakha, khuwe: Kotani nya mahungu maphya matago. Gikhati matago myonyo yatshavbo yi na titivala, mandza yatshavbo ma na hogolega, hefemulo watshavbo wu na titivala khu rerema, ni dzikhungumudzi dzatshavbo dzi na khala kha nga mati; wonani gukhenu si nguta, gambe si na girega; a ngu ganela Pfhumu Nungungulu.”

Dhaniyeli 5:6

Khavbo avbo, mufumeli a di vbindrugedza khovbe a thuruga khu hwanga, a hambanega mapimo, dzinyonga dzaye dzi tsekatseka, ni mazolo yaye ma ghumana.

Amosi 2:9

Kheni nyi mbembisidego Vaamori mbeli gwawe, ambari va nga bani va laphide ngudzu kha nga misedhari, va tiyidego gu fanana ni miguhu. Eni nyi kutsungide mihandro yawe ya vbatshani, nyi sigula mikhamba yawe khu vbavbatshi.

Mitengo 13:29

Amaleki a vbahide tigoni gwa Negebhi, Vahiti, Vajebhusi, Vaamori va vbahide gigomoni; Vakhanani va vbahide vbafuvbi ni yiphwa khu dzibambe nya tsongo wa Joridhani.”

Josuwa 17:12

Va na Manasi kha va dzi kodza gu tutumisa vavbanyi va madhoropa ni mule; khu guralo, Vakhanani va di tiya gu vbaha tigoni mule.

Josuwa 17:18

Aholu mu na mana litigo latshavbo nya gigomo. Ambari olu gu nagarigo likhabi, mu na li hagata kala mahegiso gakone, latshavbo li na bani liri lanu; kholu mu na tutumisa Vakhanani, ambari va gu ni dzikareta nya dzisimbi ni tshivba.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

Josuwa 3:16

mati ma nga bani ma guta khu vbatshani ma di ema; ma wungedzelana ma khala gigomo ma gira kha nga libhulaho, ma anama kala vbafuvbi nya gitigwana ga talala wa Adhamu, gu khalago wubambe ga Saritani; ayo ma nga bani ma goga maya phwani ga Arabha, a gu Yiphwa nya Munyu, ma di pidwa yatshavbo. Khavbo avbo, vathu va di vbindra khu mbeli ga Jeriko.

Josuwa 3:17

Aholu, vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu, va di ema havo hwe vbakari nya tsongo wa Joridhani, va na Israyeli vatshavbo va di vbindra khu mawundru nyamba na gana migondro, va tshatuga tsongo wa Joridhani.

Gutuledwa 18:10

Va na ema khu hwindzo khu gu thava gutshaniseka gwaye, khavo: “Libango! Libango lago uwe lidhoropa nya likhongolo la Bhabhiloni, lidhoropa nya gutale khu tshivba! Kholu u vbohedwe khu gikhati nya gutsayiswe gwago.”

Valamuli 1:1

Hwane nya gufe ga Josuwa, va na Israyeli va di wudzisa Pfhumu Nungungulu, khavo: “Khu mani vbakari gwathu a na gu phela khuye gu gwela aya dwana ni Vakhanani?”

Valamuli 11:23

Olu Pfhumu Nungungulu wa Israyeli, a tutumisidego Vaamori mbeli gwa vathu vaye, va na Israyeli, wa guvbweta gu li dzega uwe, gani?

Valamuli 3:3

Va nya mayigo vakone khava: Livbandre manganagana nya Vafilisitiya, ni vatshavbo Vakhanani, Vasidhoni ni Vahevhi, va nga bani na va vbanya musigomoni sa Libhanoni, gukhugela gigomoni gya Bhahali-Herimoni, kala nyangwani ga Hamati.

Valamuli 4:2

Pfhumu Nungungulu a di va ningela mandzani ga Jabhimi, mufumeli wa Khanani, a nga bani na gu fuma dhoropani ga Hazori. Sisera a diri ndruna yaye nya nyimbi, uye a di gu vbanyela tigoni ga Haroseti-Hagoyimi.

1 Samuweli 25:37

Na gugide ni dzimindru, Nabhali na hawulugide wadwa, mwangadzi waye a di mu embeledzela magana yatshavbo; khavbo avbo monyo waye wu di vbela tshivba, banga kha nga giwindri.