Josuwa 4:6 - Bhibhiliya Nya Guage

⁶ Esi si na khala kha nga giyeyedzo nya gu mi alakanyiseni; avbo litshigu sanana sanu si na gu mi wudzisago, khiso sa gu tshamusela ginani siwindri sesi,

Josuwa 4:6 Iomraidhean Croise

Dzindzimo 44:1

Nungungulu, hi pwide, ethu habune na va gu ganela, vababe vathu va hi embeledzede, siliwugiso u giridego matshiguni yawe ya gale.

Dzindzimo 71:18

Ambari olu nyi gumbidego na nyiri ni dzinvi, u nga nyi digi Nungungulu wangu; kala nyi huwelela tshivba yago ga melego yoyu, ni ga oyu wu nga gutago.

Ekisodha 12:14

Litshigu lolo li na khala gidundrugiso gwanu; mu na li alakanya khu gu girani buzo nya gurungudze Pfhumu Nungungulu; mu na li vegisa ga mimelana ni mimelana nya situgulwana sanu. Kha nga nayo wu tiyisidwego kala gupindruga.

Ekisodha 13:14

Gyanana gyago, ga matshigu matago, gya gu gu wudzisa khigyo: Esi sa gu tshamusela ginani?” U na gi hakha, khuwe: Pfhumu Nungungulu a hi duside khu tshivba yaye nya yikhongolo ngudzu khu tigoni ga Egipito, tigoni hi nga bani hiri dzikhumbi.

Ekisodha 13:9

Gi na khala kha nga giwoniso mandzani gwago, kha nga gialakanyiso mahoni gwago, gasi nayo wa Pfhumu Nungungulu wu manege wuri kanani gwago, kholu Pfhumu Nungungulu a gu duside khu tigoni ga Egipito khu gyandza nya tshivba.

Ekisodha 31:13

“Embela sanana sa Israyeli, khuwe: Vegisani Sabhadho yangu, kholu egi khigyo giwonegiso nya pwanano wangu nanu ga situgulwana ni situgulwana sanu kala gupindruga, gasi va dziti gukhavo eni kheni Pfhumu Nungungulu nyi mi agisago.

Isaya 38:19

Avo va vbanyago, khavo basi va na gu rungudzago, kha nga iso nyi girago eni muhuno; vavelegi va na hevbudze sanana sawe gutumbega gwago.

Isaya 55:13

Wulangani nya likhabi nya miba gu na buga mipinyu (ndziri), ni wulangani nya sirangalabwa gu na buga senge nya likhomwa (murita); esi si na bani siri wuzundzo ga Pfhumu Nungungulu ni gialakanyiso nya gupindruge gi na gumba divadwa gambe.

Ezekiyeli 20:12

Nyi va ningide gambe dzisabhadho dzangu, dzi khale kha nga giyeyedzo vbakari gwawe, gasi va kodze guti gu gukhavo eni kheni Pfhumu Nungungulu, nyi va agisago.

Ezekiyeli 20:20

Agisani dzisabhadho dzangu, gasi idzo dzi khale giyeyedzo vbakari gwanu. Khu guralo, mu na dzitini gukhenu eni kheni Pfhumu Nungungulu wanu.

Mitengo 16:38

Khu sombo soso nya libani va ghohidego khiso va luza ni womi, girani khiso sivbambato nya guleme khiso giluvelo; kholu si ningedwe ga Pfhumu Nungungulu, iso niso si na agiswa, gasi si khala gialakanyiso ga va na Israyeli.”

Mithumo 2:39

Kholu khu lisine gitumbiso gya gu lumba enu ni sanana sanu ni vatshavbo vale va guromo hwindzo; vatshavbo ava Nungungulu Pfhumu yathu a va ranago gwaye.”

Dhewuteronome 11:19

Hevbudzani sanana sanu, mu ganela khayo na mu khade vbavbatshi dzindrangani gwanu, mwa gu gimbila ndzilani, avbo mu lalago, ni avba mu wugago.

Josuwa 22:27

gasi igyo gi khala kha nga wufakazi vbakari ga ethu ni enu ni ga situgulwana sathu si natago hwane gwathu, gasi hi khozele mbeli ga Pfhumu Nungungulu, khu miningelo nya guvbiswe, ni miphaselo, gumogo ni miningelo nya gurule; gasi mindru sanana sanu, si si ganeli ga sanana sathu khiso: Mu mwalo giavelo ga Pfhumu Nungungulu.

Josuwa 4:21

a embela sanana sa Israyeli, khuye: “Litshigu sanana sanu si na gu wudzisago ga vababe vawe khiso, sa gu tshamusela ginani siwindri sesi,

Josuwa 4:5

“Thangani mbeli nya Ngasa nya Gidzumeledzwano gya Pfhumu Nungungulu wanu, kala vbakari nya tsongo wa Joridhani. Mayelano khu tengo nya mahundzu ya Israyeli, moyo ni moyo nya enu a na rwale giwindri magatani gwaye.