Josuwa 4:24 - Bhibhiliya Nya Guage

²⁴ gasi mafumbu yatshavbo ya mafuni ma dziti nya gukhayo gyandza gya Pfhumu Nungungulu gi na ni tshivba, gasi gikhati gyatshavbo mu simama gu ninga githawo Pfhumu Nungungulu wanu.”

Josuwa 4:24 Iomraidhean Croise

1 Dzipfhumu 8:40

Gasi va gu ninga githawo matshigu yatshavbo, va kodza guvbanya ga litigo u ningidego vababe vathu.

1 Dzipfhumu 8:60

Gasi mayigo yatshavbo ya mafuni ma fela gu dziti gukhayo Pfhumu, khuye basi a gu Nungungulu, mwalo mumbe vbavbandze ga Uye basi.

2 Dzipfhumu 19:19

Gasi olu, Pfhumu Nungungulu wathu, hi vbulugise, mandzani ga Senakerebhi, gasi mifumo yatshavbo ya mafuni yi dziti gu khiyo Uwe Pfhumu, khuwe basi, U gu Nungungulu.”

2 Dzipfhumu 5:15

Khavbo avbo, a di bwelela ga muthu wa Nungungulu uye gumogo ni vathu vaye, ata ema mbeli gwaye a mu embela, khuye: “Olu kamwe nyi ngu dziti gukheni omu tigoni gwatshavbo, mwalo Nungungulu, vbavbandze gwa Nungungulu wa tigoni ga Israyeli basi; gasi olu nyi ngu gu lomba kheni hakha gikategiso gya githumi gyago.”

1 Dzikoronika 29:12

Dzithomba ni wudhumo sa guta khu mbeli gwago, Uwe U ngu fuma satshavbo, mandzani gwago yomo tshivba ni wufumu; khuwe basi U ningago wugulu ni gu ninga tshivba silo satshavbo.

Joba 40:9

U na ni tshivba yi fananago ni ya Nungungulu, gani? Lito lago li ngu kodza gu zindza gu fanana ni lito laye, gani?

Dzindzimo 106:8

Ambari ulo a di va vbanyisa khu kotani nya gisambanyo gyaye, afela gu wonegisa tshivba nya wugulu waye.

Dzindzimo 89:13

U na ni libogo li tiyidego mandza yago ma na ni tshivba, wa gu khusedza libogo lago la nyamudye wa gu pala.

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Ekisodha 14:31

Israyeli wonide gambe tshivba nya yikhongolo yi nga girwago khu Pfhumu Nungungulu gasi gupala Vagipiti. Vathu va di thava Pfhumu Nungungulu va khodwa gwaye ni ga githumi gyaye Mosi.

Ekisodha 15:16

Va di modwa khu hwanga ni gundrendremela khu kotani nya tshivba nya libogo lago. Va emide va banga kha nga siwindri, kala va vbindra vathu vago, Uwe Pfhumu Nungungulu! Kala va vbindre vathu u va dzegisidego.

Ekisodha 20:20

Mosi a di embela vathu, khuye: “Mu nga thavi. Kholu Nungungulu a dita, gasi guta mi linga, khu gu fela gukhuye githawo gyaye gi manega na gi romo mbeli gwanu, gasi mu si ghohini.”

Ekisodha 9:16

Aholu nyi gu digide u vbanya, khu gufela gukheni u wone tshivba yangu, ni gukheni lina langu li tidwe tigoni gwatshavbo.

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Jeremiya 32:40

Nyi na gira navo gidzumeledzwano nyamba vbela, gambe kha nyi na diga gu va kategisa; nyi na thela myonyoni gwawe mapimo nya gu nyi ninge githawo gasi va si hambani ni Eni.

Dhewuteronome 28:10

Mayigo yatshavbo ya mafuni ma na gu wona na wu gu ranwa khu lina la Pfhumu Nungungulu, ma na gu ninga githawo.

Dhewuteronome 6:2

Khu guralo, u fanede gu thava Pfhumu Nungungulu wago, u vegedza milayo yaye yatshavbo ni sirumo nyi gu leletelago, uwe gumogo ni sanana sago ni situgulwana sago, matshigu yatshavbo nya guvbanye gwago; gasi matshigu yago ma engedzedwa.

1 Samuweli 17:46

Muhuno kamwe Pfhumu Nungungulu a na gu ningela mandzani gwangu, eni nyi na gu songa nyi gu pila hungo wago. Muhuno kamwe nyi na ningela sirumbi nya libutho la Vafilisitiya si rothedwa khu sinyoni sa damboni ni gu hodzwa khu sirengo nya likhabi, litigo latshavbo li na dziti gukhilo womo Nungungulu tigoni ga Israyeli.