Josuwa 4:11 - Bhibhiliya Nya Guage

¹¹ Avbo va nga tshatuga vatshavbo, Ngasa nya Gidzumeledzwano gya Nungungulu gumogo ni vaphasi nya mhamba yi di thanga gambe mbeli ga vathu.

Josuwa 4:11 Iomraidhean Croise

Isaya 52:12

Kholu kha mu na duga khu givbiredza, ambari gu khugani khu gu thava; kholu Pfhumu Nungungulu a na thanga mbeli gwanu, ni Nungungulu wa Israyeli, a na mi vhikela khu hwane gwanu.

Josuwa 24:11

Avbo mu nga vbindra khu Joridhani muta Jeriko, vavbanyi va Jeriko va di mi dwanisa gumogo ni Vaamori, Vaferezi, Vakhanani, Vahiti, Vagerezi, Vahevhi ni Vajebhusi; aholu Eni nyi di va ningela mandzani gwanu.

Josuwa 3:17

Aholu, vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu, va di ema havo hwe vbakari nya tsongo wa Joridhani, va na Israyeli vatshavbo va di vbindra khu mawundru nyamba na gana migondro, va tshatuga tsongo wa Joridhani.

Josuwa 3:8

U na ruma vaphasi nya mhamba va rwalago Ngasa nya Gidzumeledzwano khuwe, mwa gu vbohani tsongoni wa Joridhani, mu na ya ema bambe nya mati.”

Josuwa 4:10

Vaphasi nya mhamba va nga rwalago Ngasa nya Gidzumeledzwano va di simama va ema vbakari nya tsongo wa Joridhani kala gutadzisega esi Pfhumu Nungungulu a nga bani a rumide Josuwa gu embela vathu, mayelano khu sileletelo a nga ningago Mosi. Vathu va di tshatuga tsongo wa Joridhani khu guvbiredza.

Josuwa 4:12

Vama nya lihundzu la Rubheni, la Gadhi ni gipandre nya lihundzu la na Manasi va tshatugide na va somide matshari mbeli ga va na Israyeli, mayelano khu gileletelo va ningidwego khu Mosi.

Josuwa 4:18

Avbo vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu va nga dugago khu tsongoni wa Joridhani, avbo migondro yawe yi nga gandrago mafuni nya gubange, mati nya tsongo wa Joridhani ma di bwelela ma khulunga gambe wulangani gwaye kha nga gale.