Josuwa 3:6 - Bhibhiliya Nya Guage

⁶ Khu hwane, a di embela vaphasi nya mhamba, khuye: “Dzegani Ngasa nya Gidzumeledzwano mu thanga mbeli nya vathu.” Khavbo avbo, avo va di dzega Ngasa nya Gidzumeledzwano va thanga mbeli ga vathu.

Josuwa 3:6 Iomraidhean Croise

1 Dzipfhumu 8:3

Ma dita madhota yatshavbo ya na Israyeli ni vaphasi nya mhamba, vata dzega Ngasa ya Pfhumu Nungungulu.

2 Dzikoronika 5:4

Ma dita madhota yatshavbo ya na Israyeli, ni va na Levhi va ta rwala Ngasa,

Mikeya 2:13

Moyo a na thanga mbeli a tula ndzila; avo va na ya bela khu mwanya va bwelo khavbo va duga khuwo gambe; mufumeli wawe a na thanga mbeli; ni Pfhumu Nungungulu, a na va gimbidzisa.

Mitengo 10:33

Khu guralo, va di khuga khu gigomoni gya Pfhumu Nungungulu, va dzega pfhuka nya matshigu mararu; Ngasa nya Gidzumeledzwano gya Pfhumu Nungungulu, yi di thanga mbeli gwawe, pfhuka nya matshigu mararu gasi gu vbweta wulanga nya guhefemule avbo.

Mitengo 14:15

Wa gu songa vathu vava gukhwatshi wa gu songa muthu moyo, va nya mayigo vale va ngapwa ndruma yago khu gale va na ganela, khavo:

Vahebheru 6:20

Khumo a hi thangedego, a gu bela umo Jesu, afela gu phasa ethu, a gu khala muphasi nya khongolo nya mhamba, kala gupindruga khu nayo nya wuphasi wa Melikisedheki.

Josuwa 3:3

“Mwa gu wonani Ngasa nya Gidzumeledzwano gya Pfhumu Nungungulu wanu, na yi rwadwe khu vaphasi nya mhamba va na Levhi, mu na khuga vbalizumbotunu gwanu mu phara ndzila mu yi landra.

Josuwa 3:5

Josuwa a di embela vathu, khuye: “Dzi agiseni, kholu mindru Pfhumu Nungungulu a na gira sisamadziso vbakari gwanu.”

Josuwa 3:7

Pfhumu Nungungulu a di embela Josuwa, khuye: “Muhuno nyi na phela gu gu khusedza mbeli ga vatshavbo va na Israyeli, gasi va dziti nya gukhavo, kha nga nyi nga bani nyiri ni Mosi, kharato gambe nyi na bani nyiri nago.

Josuwa 6:6

Josuwa, mwamana wa Nuni, a di tombanisa vaphasi nya mhamba, a va embela, khuye: “Rwalani Ngasa nya Gidzumeledzwano, gumogo ni livbandre na vavili vaphasi nya mhamba ni livbandre na mivili mipundru, va thanga mbeli nya Ngasa.”