Josuwa 3:4 - Bhibhiliya Nya Guage

⁴ Vbakari gwanu ni Ngasa gu na manege pfhuka nya guhambane khu kilometro mweyo. Khu magirelo yaya, mu na landra ndzila yoyo, kholu gima mu di si gimbili khiyo matshigu ma vbindridego.”

Josuwa 3:4 Iomraidhean Croise

Genesi 31:2

Jakobe a di wona gambe khovbeni ga Laboni gukhuye mipimiso yaye ya olu khandriyo saye niyo ya guhegulani.

1 Dzikoronika 11:2

Gale Sawule na ngari mufumeli khuwe u nga bani u thangela dzinyimbi dza Israyeli, gu bela ni gu duga. Pfhumu Nungungulu wago, a gu embede gambe, khuye: Uwe havisa vathu vangu va na Israyeli, u na khala muthangeli wa Israyeli!”

Dzindzimo 25:12

Muthu a thavago Pfhumu Nungungulu, Uye a na mu hevbudza ndzila nya gubele khiyo;

Dzindzimo 89:7

Khu lisine Nungungulu a ngu thavisega tshanganoni nya sihathwa; a ngu thavisega guvbindra sivangwa satshavbo si mu randredego.

Ekisodha 19:12

Gambe u na vegela vbingano vathu, wu dzundrulugelago gigomo, u va embela, khuwe: Dzi woneleni, mu nga gweli gigomoni, mwendro gu kuha basi dzibambe gakone. Kholu muthu watshavbo a na kuhago gigomo a na songwa.

Ekisodha 3:5

Nungungulu a di engedza, khuye: “U nga hidzimeli avba. Tshula silato migondroni gwago, kholu wulanga u gandrago litigo li agidego.”

Ekisodha 4:10

Khavbo avbo, Mosi a di embela Pfhumu Nungungulu, khuye: “U na nyi divalela, Pfhumu yangu, eni khandri nyi muthu nya gukodze gu ganela, kholu gukhugela gale ni gale, eni nyi muthu nya gilimiti ni gukangamela gu ganela.”

Isaya 30:33

Kholu gikho gi dongisedwe khu gale, gi dongisedwa mufumeli. Li dongisedwe liphala nya likhongolo nya guete, wu na khondriswa nilo nya dzikhuni nya dzingi khu furugedzo wa Pfhumu Nungungulu, wu fananago ni tsongo nya nilo nya solufa.

Isaya 48:17

A ngu ganela kharati Pfhumu Nungungulu, Mudzegisi wago, Nyaguage wa Israyeli, khuye: Eni kheni Pfhumu Nungungulu wago, a gu hevbudzago ugo nya gwadi gu gu phasago, oyu a gu thangelago ga ndzila u yelago gu gimbila khiyo.

Josuwa 3:3

“Mwa gu wonani Ngasa nya Gidzumeledzwano gya Pfhumu Nungungulu wanu, na yi rwadwe khu vaphasi nya mhamba va na Levhi, mu na khuga vbalizumbotunu gwanu mu phara ndzila mu yi landra.

Josuwa 3:5

Josuwa a di embela vathu, khuye: “Dzi agiseni, kholu mindru Pfhumu Nungungulu a na gira sisamadziso vbakari gwanu.”