Josuwa 3:17 - Bhibhiliya Nya Guage

¹⁷ Aholu, vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu, va di ema havo hwe vbakari nya tsongo wa Joridhani, va na Israyeli vatshavbo va di vbindra khu mawundru nyamba na gana migondro, va tshatuga tsongo wa Joridhani.

Josuwa 3:17 Iomraidhean Croise

2 Dzipfhumu 2:8

Khavbo avbo, Eliya a di dzega libhadzi laye a li peta a veta khilo mati, ayo ma di kabanega khu vbakari ma khala eno ni eno, va vavili va di tshatuga khu mawundru, mati na ma bangide.

Dzindzimo 66:6

Vbindrugedzide yiphwa yi khala litigo nya gubange, va di tshatuga tsongo khu mawundru. Hi na nengele avbo gwaye.

Ekisodha 14:21

Khavbo avbo, Mosi a di thawuludza mandza vbatshani nya yiphwa, Pfhumu Nungungulu a di reda yiphwa ni vbakari nya wutshigu, khu tshivba nya phuvbotshani. A di bangisa yiphwa, mati ma di kabanega khu vbakari.

Ekisodha 14:22

Sanana sa Israyeli si di bela khu vbakari nya yiphwa na yi bangide, mati ma gu gira libhiyo khu nyambade ni nyamudye gwawe.

Ekisodha 14:29

Aholu sanana sa na Israyeli si di tshatuga khu mawundru vbakari nya yiphwa nya gubange na si gu giredwa libhiyo khu mati, khu nyamudye ni nyambade.

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Mitengo 33:51

“Embela va na Israyeli, khuwe: Gikhati mu tshatugago tsongo wa Joridhani gasi gu bela tigoni ga Khanani,

Vahebheru 11:29

Khu gukhodwa, va na Israyeli va di tshatuga yiphwa nya Gufuvile gukhwatshi va gu gimbila mafuni nya gubange. Gikhati Vagipiti va nga pima gu tshatuga navo, va di langaladzwa khu mati, vafa.

Josuwa 4:1

Avbo vathu vatshavbo va nga vbelago gu tshatuga tsongo wa Joridhani, Pfhumu Nungungulu a di embela Josuwa, khuye:

Josuwa 4:10

Vaphasi nya mhamba va nga rwalago Ngasa nya Gidzumeledzwano va di simama va ema vbakari nya tsongo wa Joridhani kala gutadzisega esi Pfhumu Nungungulu a nga bani a rumide Josuwa gu embela vathu, mayelano khu sileletelo a nga ningago Mosi. Vathu va di tshatuga tsongo wa Joridhani khu guvbiredza.

Josuwa 4:11

Avbo va nga tshatuga vatshavbo, Ngasa nya Gidzumeledzwano gya Nungungulu gumogo ni vaphasi nya mhamba yi di thanga gambe mbeli ga vathu.

Josuwa 4:22

mu na si hakhani, kharati: Israyeli a tshatugide avba tsongoni wa Joridhani khu mawundru nyamba nagana migondro,

Josuwa 4:3

Hathani likhumi na sivili siwindri vbakari nya tsongo wa Joridhani, wulangani yi emidego avbo migondro ya vaphasi nya mhamba, mu si dzega, khu hwane mu ya si vegani avbo mu na ya lalago avbo wutshigu wowu.”

Josuwa 5:1

Gikhati vafumeli vatshavbo va Vaamori, va nga bani va vbanyela Pfoladambo nya tsongo wa Joridhani ni vafumeli vatshavbo nya Vakhanani, va nga bani va vbanya khu wubambe nya yiphwa, va nga pwago gupwani Pfhumu Nungungulu bangiside mati nya tsongo wa Joridhani mbeli ga va na Israyeli, kala va tshatuga, va di vbela tshivba, va pilega longo khu kotani ya va na Israyeli.