Josuwa 24:32 - Bhibhiliya Nya Guage

³² Marambo ya Josefa, ayo va na Israyeli va dzudego nawo khu Egipito, va diya ma dzinga tigoni ga Sikemi, ga gipandre Jakobe a nga rengago ga sanana sa Hamori, babe wa Sikemi, khu lizana (100) singerengere nya parata, gi di khala thomba ya sanana sa Josefe.

Josuwa 24:32 Iomraidhean Croise

Genesi 33:19

Jakobe a di dusa dzitsapawu nya tengo nya lizana sikwangwangwa nya parata a ninga sanana sa Hamori, babe wa Sikemi, a gu renga gipandre umo a nga bani a vbahide umo.

Genesi 48:22

Nyi ngu ninga guvbindra vandriyago, gipandre nya litigo la Sikemi nyi li wandridego khu gupala Vaamori khu litshari ni wulaho wangu.”

Genesi 50:24

Josefa a di embela vandriyaye, khuye: “Eni nyi ngufa; aholu Nungungulu khu lisine a na mi holelani, a na mi dusani khu tigoni momu, a mi yisa ga litigo a sambanyidego gu ninga Abrahama, Isaki ni Jakobe.”

Genesi 50:25

Josefe a di sambanyisa sanana sa Israyeli a si embela, khuye: “Khu lisine, Nungungulu avbo a na guta mi holela, mu na rwala khavba marambo yangu mu hongola navo.”

Ekisodha 13:19

Mosi a di dzega marambo ya Josefa, kholu Josefa a di sambanyiside sanana sa Israyeli, khuye: “Khu lisine Nungungulu a na mi endrela, la gu vboha litshigu lolo, mu fanede gu dzega marambo yangu tigoni momu mu hongole nawo.”

Johane 4:5

A di vboha dhoropani nya gukari ga Samariya, gu ranwago Sikari, vbafuvbi ni gipeto gile Jakobe a nga ningago mwanaye Josefe.

Mithumo 7:15

Jakobe a di relela Egipito aya khala, a fa iyoyo, uye ni vababe vathu.

Mithumo 7:16

Khu hwane nya matshigu va di resa sirumbi sawe Sikemi, va ta si kembela thowoni li nga rengwa khu Abrahama ga sanana sa Hemori.

Vahebheru 11:22

Khu gukhodwa, Josefe, marandra nya guhadza gufa nuye, a di ganela khu gikhati nya guduge sanana sa na Israyeli, khu tigoni ga Egipito, a va ninga sileletelo nya edzi va na gu girago khidzo girumbi gyaye.