Josuwa 24:27 - Bhibhiliya Nya Guage

²⁷ Josuwa a di embela vathu vatshavbo, khuye: Wonani nya gukhenu giwindri gegi gi na hi girela wufakazi, kholu gi pwide magana yatshavbo Pfhumu Nungungulu a hi embedego; khu guralo, gi na khala fakazi vbakari gwanu ni ga vambe, gasi mu si lipheli Nungungulu wanu.

Josuwa 24:27 Iomraidhean Croise

Joba 31:23

Kholu nyi ngu thava gumbembiswa khu Nungungulu, eni nyi si kodzi gu ema mbeli nya wugulu waye.

Joba 31:28

Esi niso a diri sighoho si yelago gulamudwa phathani. Kholu eni nyi ghohede Nungungulu a guromo vbatshani ndzadzini.

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Isaya 1:2

Yingisani, enu dzindzadzi, tula ndzeve, uwe litigo, kholu Pfhumu Nungungulu a ngu ganela, khuye: “Nyi velegide sanana nyi si dandrisa, aholu sa gu nyi wugela.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Habhakuka 2:11

Kholu ambari ni siwindri sa ndzarini si na womba huwa khu uwe, ni simbi dzi na ganela nanu khumo nya khokhweni.

Mitengo 11:20

aholu mu na yi hodza ngima rumba, kala mu kodwa khiyo yi duga khu dzithonvuni, kholu enu mu yeyiside Pfhumu Nungungulu, Uye a guromo vbakari gwanu, gambe mu lide mbeli gwaye na mu gukhenu: Khu ginani hi dugidego khu tigoni ga Egipito?”

Matewu 10:33

Gasi uye a nyi dangago vbakari nya vathu, nyi na mu danga neni mahoni ga Babe wangu a guromo Ndzadzini.

Luka 19:40

Jesu a di va hakha, khuye: “Va gu degula, siwindri si na gulumela.”

Dhewuteronome 30:19

Ndzadzi ni mafu somo muhuno kha nga dzifakazi dzangu, gukheni nyi vegide mbeli gwago guvbanya ni gufa, makategwa ni libango. Hatha guvbanya gasi u kodza gu mana guvbanya, uwe gumogo ni livelego lago.

Dhewuteronome 31:19

Olu, nyi ngu mi lovelani ndzimo yeyi; yi hevbudzeni ga va na Israyeli, yi vegeni kanani gwawe, gasi ndzimo yeyi yi khale kha nga fakazi yangu vbakari ga va na Israyeli.

Dhewuteronome 31:21

Khu guralo, gikhati va na gu namaredwago khu mabango nya gutale, ndzimo yeyi yi na khala kha nga fakazi mbeli gwawe; kholu iyo gima kha yi na divadwa maganani ga situgulwana sawe. Kholu Eni nyi ngu mati maalakanyo ya myonyoni gwawe va girago muhuno, nyi si gu va vbohisi ga litigo nyi va sambanyedego gu va ninga.

Dhewuteronome 31:26

“Dzegani Libhuku leli nya Nayo, mu li vega khu wubambe nya Ngasa nya Gidzumeledzwano gya Pfhumu Nungungulu wanu, gasi li khala vbale kha nga fakazi yanu.

Dhewuteronome 32:1

Upwani ndzadzini, kholu nya gu vbweta gu ganela; Wpwa uwe litigo, magana ya kanani gwangu.

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.

Tito 1:16

Vari khavo va ngu muti Nungungulu, aholu mithumo yawe yi ngu va ganedza, kholu va tade khu livengo ni gumba yingisa. Kha va kodzi gu gira ni gimwegyo nya gyadi.

Josuwa 22:34

Khu magirelo yoyo va na Rubheni ni va na Gadhi va di rana giluvelo khavo i fakazi, kholu va di va embela, khavo: “Igyo i fakazi nya gupwani: Pfhumu basi khuye a gu Nungungulu.”

Josuwa 24:28

Khu guralo, Josuwa a di va rumela; muthu ni muthu a hongola thombatunu gwaye.

Gutuledwa 3:8

Nyi ngu mati mavbanyelo yago. Nyi tude lidimba mbeli gwago, mwalo a li kodzago gu li sega. Nyi ngu dziti nya gukheni tshivba yago yi dugwanana, aholu u vegedzide magana yangu, khwa danga lina langu.

1 Samuweli 7:12

Khavbo avbo, Samuweli a di dzega giwindri a gi emisa khu vbakari ni vbakari ga Misipa ni Semi, a gi rana khuye Ebhenizeri, gutshamuselago gupwani: “Kala avba, Pfhumu Nungungulu a hi phaside.”