Josuwa 24:21 - Bhibhiliya Nya Guage

²¹ Khavbo avbo, vathu va di embela Josuwa, khavo: “Kha si giregi, ethu hi na khozela Pfhumu Nungungulu.”

Josuwa 24:21 Iomraidhean Croise

Ekisodha 19:8

Vathu vatshavbo va di hakha khu gumogo, khavo: “Satshavbo esi Pfhumu Nungungulu a ganedego, ethu hi na si thuma.” Mosi a di ya bikela ga Pfhumu Nungungulu magana ya vathu.

Ekisodha 20:19

Vathu va di embela Mosi, khavo: “Ganela uwe ga ethu, ethu hi na yingisa; aholu a nga ganeli Nungungulu ga ethu, kholu hi ngafa.”

Ekisodha 24:3

Mosi a di wuya a ta embeledzela vathu magana yatshavbo a nga ganelago Pfhumu Nungungulu, ni sileletelo satshavbo; vathu va di hakha khu lito limwedo, khavo: “Ethu hi na landrisa magana yatshavbo aya a ganedego Pfhumu Nungungulu.”

Ekisodha 24:7

A di dzega libhuku nya gidzumeledzwano a hevbula na gu pwidwa khu vathu, avo va hakha, khavo: “Satshavbo esi Pfhumu Nungungulu a ganedego, ethu hi na si gira ni gu si yingisa.”

Isaya 44:5

Moyo a na ganela, khuye: Eni nyi wa Pfhumu Nungungulu; mumbe a na dzi riya lina la Jakobe; mumbe a na lova mandzani gwaye, khuye: Eni nyi wa Pfhumu Nungungulu, limbe lina, a dzi rana khuye kheni Israyeli.”

Dhewuteronome 26:17

Muhuno, u tiyiside gu khuwe, Pfhumu, khuye a gu Nungungulu wago, ni gu khuwe u na gimbila khu dzindzila dzaye, u vegedza sileletelo, sirumo ni milayo yaye, ni gu yingisa lito laye.

Josuwa 24:20

Mwa gu digani Pfhumu Nungungulu mu khozela vambe vanungungulu nya malipha, Uye a na vbindrugedza a mi girela guvivba, a mi mbembisa, hwane nya gu bani na mu girede silo nya sadi.”

Josuwa 24:22

Josuwa a di embela vathu khuye: “Enu mwabune mu dzifakazi nya gukhenu mu hathide Pfhumu Nungungulu gu mu khozelani.” Va di ganela, khavo: “Ethu hi dzifakazi.”