Josuwa 24:20 - Bhibhiliya Nya Guage

²⁰ Mwa gu digani Pfhumu Nungungulu mu khozela vambe vanungungulu nya malipha, Uye a na vbindrugedza a mi girela guvivba, a mi mbembisa, hwane nya gu bani na mu girede silo nya sadi.”

Josuwa 24:20 Iomraidhean Croise

1 Dzikoronika 28:8

Olu muhuno, mahoni ga vatshavbo va na Israyeli, ni ga tshangano watshavbo wa Pfhumu Nungungulu, ni dzindzeveni ga Nungungulu wathu, vegedzani ni gu landrisa milayo yatshavbo ya Pfhumu Nungungulu wanu, gasi mu kodza gu fumela litigo leli nya ladi, mu tshiyela sanana sanu, li khala thomba yawe kala gupindruga.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

Ezira 8:22

Kholu eni nyi di khala dzitshoni gu lomba ga mufumeli, masotshwa ni vakhileli nya dzikavalu, gu va hi vhikele ga valala ndzilani; kholu ethu hi di ganede ga mufumeli hi mu embela, khethu: “Gyandza gya Nungungulu wathu, gyomo ga vatshavbo vale va vbwetago wuwadi; aholu tshivba yaye ni likhulo laye, sa gu dwana ni vatshavbo vale va mu pfhurarelago.”

Dzindzimo 89:31

sa gu yeyisa milayo yangu, si si giri gugola gwangu,

Isaya 1:28

Aholu, va nya guvivbedwa khu myonyo ni sighohi, va na pfhungumudwa gumogo vatshavbo; avo va pfhurarelago Pfhumu Nungungulu, va na mbembiswa.

Isaya 63:10

Aholu avo va di mu yeyisa va swihadza Liphuvbo laye nya Guage; khu guralo, uye a di dzi gira nala wawe, uye kamwe a di dwana navo.

Jeremiya 17:13

Uwe Pfhumu Nungungulu u gitumbo gya Israyeli! Vatshavbo va gu digago va na thedwa dzitshoni; malina ya avo va hambanago ni uwe ma na lowa phalani nya vafi; kholu va hambanide ni Pfhumu Nungungulu, a gu nambo nya mati nya womi.

Ezekiyeli 18:24

Aholu, muthu nya gululame, a gu diga gululama gwaye, a gira gighoho nya gufanane ni sile si giridwego khu va nya guvivbedwa khu myonyo, a ngu yela guvbanya, gani? Ni moyo nya mithumo yaye nya gululame kha yi na alakanywa! Khu kotani nya gumba tumbega gwaye ni sighoho a si giridego, a nafa khiso.

Mithumo 7:42

Aholu, Nungungulu a di va pfhurarela a va diga va khozela sivangwa sa ndrengelengeni, kha nga gu nga lowago libhukuni la vaprofeti pwani: ‘Sanana sa na Israyeli, gipimo nya magumana myaga giwulani kha mwa dzi kodza gu nyi songela sirengo mu nyi phasela dzimhamba,

Dhewuteronome 4:25

Khu guralo, gikhati mu na gu velegago sanana ni vatugulu, mu gumba mafuni momu, mwa gu dzi nyenyezisa, mu girani gifananiso nya gukari nya guwumbwe, gi fananago ni gilo nya gukari, mu girani guvivba mahoni ga Pfhumu Nungungulu wanu, gasi gu mu gorogisa,

Dhewuteronome 4:26

muhuno, ndzadzi ni mafu si na khala dzifakazi dzangu, mwa gu khozela sifananiso nya nga isoso, mu na vbiredza gumbembiswa tigoni momo mu na guya li dzega na mu tshatugide tsongo wa Joridhani; kha mu na ya vbedza matshigu yanu umo; mwatshavbo mu na mbembiswa.

Vahebheru 10:38

Muthu wangu a lulamidego a na vbanya khu gukhodwa; aholu, oyu a bwelelago hwane, eni kha nyi na tsakiswa khuye.”

Josuwa 24:21

Khavbo avbo, vathu va di embela Josuwa, khavo: “Kha si giregi, ethu hi na khozela Pfhumu Nungungulu.”

1 Samuweli 12:15

Aholu, mwa gumba yingisa lito la Pfhumu Nungungulu, mu hambana ni sileletelo saye, gyandza gya Pfhumu Nungungulu, gi na mi wugela kha nga idzo a nga wugelago khidzo vababe vanu.

1 Samuweli 12:25

Aholu, mwa gu simama gu gira guvivba, mu nafa, enu gumogo ni mufumeli wanu.