Josuwa 24:19 - Bhibhiliya Nya Guage

¹⁹ Khavbo avbo, Josuwa a di embela vathu, khuye: “Enu kha mu dzi kodzi gu thumela Pfhumu Nungungulu, kholu Uye Nungungulu a agidego, ni Nungungulu a khozedwago gikhati gyatshavbo, a si timiseligo sihoso ni sighoho sanu.

Josuwa 24:19 Iomraidhean Croise

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Dzindzimo 99:3

Va na dhumise lina lago nya likhongolo nya guthavisege! Kholu li agide.

Dzindzimo 99:5

Rungudzani Pfhumu Nungungulu wathu , khidzimani migondroni gwaye, kholu Uye agide.

Dzindzimo 99:9

Rungudzani Pfhumu Nungungulu wathu, mu khozeleni gigomoni gwaye nya gukatege! Kholu, Pfhumu Nungungulu wathu agide!

Ekisodha 20:5

Khu na nga khidzima mbeli nya silo soso, gambe gima khu na nga si khozela, kholu eni kheni Pfhumu Nungungulu wago, nyi Nungungulu nya wufu, nyi ngu tsayisa sanana khu kotani nya gighoho gya vavelegi vawe kala gitugulwana nya wuraru negi nya wu na ga vale va nyi vengago.

Ekisodha 23:21

Thela kota khu ngilozi yangu, u yingisa lito laye. U nga yi tshanisi kholu iyo kha yi na timisela guvivba gwanu, kholu yi na thuma khu lina langu.

Ekisodha 34:14

U nga khozeli mumbe nungungulu, kholu Pfhumu Nungungulu, lina laye khuye Nyawufu; Nungungulu nya wufu.

Ekisodha 34:7

wuhindzi waye wu thaphelago kala ga gitugulwana nya likhumi mazana, A tsetselelago guvivba, guyeyisa ni gughoha; aholu A si tshuligo vale va gu ni nandru; A tsayisago sihoso sa vavelegi ga sanana sawe ni ga sanana sa sanana sawe, kala gu vboha ga melana nya wuraru mwendro nya wu na.”

Isaya 2:9

Khu kotani nya isoso, vathu vatshavbo va na theswa vbavbatshi, ni muthu nya guthavisege, a na hembuludwa. Khu guralo, kha va na tsetseledwa!

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 30:11

Ndreyani ndzilani momo, hambanani ni gindzilana gyogyo, mu nga hi embelini gambe khu oyu a Agidego wa Israyeli.

Isaya 30:15

Kholu Mune, Pfhumu Nungungulu, Nyaguage wa Israyeli, a ngu ganela kharati, khuye: “Mwa gu vbindrugedza mu dzi rudzisa mu wuya eno gwangu, mu nata mana guvbanya; tshivba yanu yi di hadza gu mana gutangala ni gitumbo, aholu enu kha mwa dzumela, mu di bomba.”

Isaya 5:16

Aholu Pfhumu Nungungulu nya Tshivba Yatshavbo a na khusedzwa, kholu a ngu lamula khu nayo. Khuye Nungungulu a Agidego, Uye a yeyedzago guaga gwaye khu gu gira ugo gu lulamidego.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Levhi 11:44

Eni kheni Pfhumu Nungungulu wanu, Eni nyi na mi agisa mu simama na mu agide, kholu Eni nyi agide; mu nga dzi nyenyezisini mwabune khu kotani nya sirengo satshavbo soso nya gukhwirire si gimbilago mafuni.

Levhi 11:45

Eni kheni Pfhumu Nungungulu nyi nga mi dusa tigoni ga Egipito, gasi nyi khala Nungungulu wanu. Khu guralo, mu na agani kholu Eni nyi agide.

Levhi 19:2

“Ganela ga tshangano watshavbo nya sanana sa Israyeli, u va embela, khuwe: Agani, kholu Eni Pfhumu Nungungulu wanu nyi agide.

Levhi 20:26

Agani mahoni gwangu, kholu Eni Pfhumu Nungungulu nyi agide, gambe nyi mi hathide vbakari nya mayigo, gasi mu khala vathu vangu.

Levhi 20:7

Khu guralo, dzi agiseni mu khala vathu va agidego, kholu Eni kheni Pfhumu Nungungulu wanu.

Nahume 1:2

Pfhumu Nungungulu nya wufu ni gu dzi phodzela! Pfhumu Nungungulu a ngu dzi phodzela na tade khu likhulo! Pfhumu Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

Habhakuka 1:13

Maho yago ma agide ngudzu ma si goligo gu wona guvivba, ma si tsakiswigo khu gu wona dzitshanisa, khu ginani u wonago va nya guvivbedwa khu monyo u degula, avbo uye nya guvivbedwe khu monyo, a midzago oyu a mu vbindrago khu gululama, na?

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Josuwa 24:18

Pfhumu Nungungulu tutumiside mbeli gwathu vathu vatshavbo vava, kala ni Vaamori, a gu vavbanyi va tigoni momo; khu guralo, ethu nethu hi na khozela Pfhumu, kholu Uye khuye Nungungulu wathu.”

Josuwa 24:23

Gasi olu, dzudzugani hwindzo vanungungulu nya malipha va guromo vbakari gwanu mu neredza myonyo yanu ga Pfhumu Nungungulu wa Israyeli.

Rute 1:15

Nowemi a di mu embela, khuye: “Wona gukhuwe dzegwa kwanu, bwelede tigoni gwawe ni ga vanungungulu vawe. Khu guralo, uwe nuwe bwelela kha nga dzegwa kwanu.”

1 Samuweli 3:14

Khu guralo, nyi ngu sambanyela ndranga ya Eli gukheni, gighoho gyaye gima kha gi na ditshedzwa, ambari khu miphaso mwendro miningelo nya guhodze.”

1 Samuweli 6:20

Khavbo avbo, vathu va Bheti-Semesi, va di ganela, khavo: Khu mani a yelago gu ema mbeli ga Pfhumu Nungungulu, Nungungulu yoyu nya gukatege? Ngasa yaye hi na yi rumela hayi gasi yi kodza gu manega hwindzo nethu?