Josuwa 24:14 - Bhibhiliya Nya Guage

¹⁴ Gasi olu, ningani githawo Pfhumu Nungungulu, mu Mu thumela khu gutumbega nya lisine; dzudzugani hwindzo vanungungulu va nga thumedwa khu vababe vanu khisikheyi nya tsongo wa Ewufrate ni Egipito, mu khozela Pfhumu Nungungulu.

Josuwa 24:14 Iomraidhean Croise

Genesi 17:1

Abrama a diri ni livbandre na mama magumi ni livbandre na mina (99) myaga nya guvelegwe gwaye, Pfhumu Nungungulu a di dzi wonegisa gwaye a gu mu embela, khuye: “Eni kheni Nungungulu nya Tshivba Yatshavbo. Gimbila mbeli gwangu nu lulamide.

Genesi 35:2

Jakobe a di embela ngamo yaye ni vatshavbo a nga bani nari navo, khuye: “Fuvisani vanungungulu nya valombo va guromo vbakari gwanu, dzi agiseni mu vbindrugedza guambala.

2 Dzipfhumu 20:3

“Dundruga Pfhumu Nungungulu, idzo eni nyi gu thumedego khidzo, nyi gimbide gwadi mbeli gwago, khu lisine ni monyo wu lulamidego, nyi gira gwadi mbeli gwago.” Ezekhiya, a di lila khu wuvi waye watshavbo.

Ezira 9:11

eyi U yi rumedego khu maganani nya sithumi sago vaprofeti, khuwe: Litigo muyago ga ilo gasi guya li fumelani, litigo li nyenyezidego khu kotani nya guvivbe ga vathu valo, ni manyala ma tadzidego malangani gwawe gwatshavbo.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 28:28

A di embela muthu, khuye: Guthava Pfhumu Nungungulu khigyo giguga nya guti, guhambana ni silo nya guvivbe, gu mana mapimo.”

Dzindzimo 111:10

Guti nya gukhongolo khu gu thava Pfhumu Nungungulu; avo va mu rungudzago va na ni mapimo. Rungudzo waye wu ngu simama kala gupindruga.

Dzindzimo 119:1

Va kategide vale va gimbilago khu ndzila nya gululame, avo va landrisago milayo ya Pfhumu Nungungulu.

Dzindzimo 119:80

Monyo wangu wu na vbelele khu gu landrisa sileletelo sago, gasi nyi si thedwi dzitshoni. Caf

Dzindzimo 130:4

Aholu avbo gwago u ngu kodza gu divalela avo va gu ningago githawo.

Dzindzimo 81:10

Eni kheni Pfhumu Nungungulu wago, nyi nga gu dusago khu tigoni ga Egipito; tulani gwadi magana, nyi na mi hodzisa.

Ezekiyeli 20:18

Aholu nyi di embela sanana sawe giwulani, kheni: Mu nga yingisi sileletelo sa vavelegi vanu, gambe mu nga dzi nyenyezisi khu sifananiso sawe.

Ezekiyeli 23:3

“Avo va khade maphuphulu tigoni ga Egipito, va dzi bedzedzela wubhayini gukhugela wumbirini gwawe. Va dzumela gu ganywa ganywa mavele, ni gu ghohetedwa wukendzi wawe.”

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Levhi 17:7

Gima kha va na nga ningela gambe sifuyo sawe, va girela miphaso vanungungulu vawe nya vamabhongwe va vbanyago navo. Va fanede gu sayisa nayo yoyu, avo ni situgulwana sawe, khu mimela ni mimelana kala gupindruga.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Luka 8:15

Yile yi nga thegela wulimeni nya wadi khu vale nya gu, na va ma pwide, va ma hakha khu monyo nya wadi nya gululame, va ma vegedza nyamba rereka kala va gu thela mihandro.

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

2 Vakorinto 1:12

Kholu wudhumo wathu khu wufakazi nya livhalo lathu. Ha gu dzipwa matshandza kholu mahikani gwathu hi ngu dzipwa nya gukhethu hi vbanyide ni vathu vatshavbo vbakari gwanu, khu gululama ni ndruda mbeli ga Nungungulu; nasiri khu guti nya wuthu, aholu khu wuhigo wa Nungungulu.

Vaefeso 6:24

Wuhigo wa Nungungulu wu na khale ni vatshavbo vale va golago Pfhumu yathu Jesu Kristo khu lihaladzo nya guvbelele.

Dhewuteronome 10:12

Olu uwe Israyeli, gasi ginani Pfhumu Nungungulu a gi vbwetago avbo gwago? Khandri a gu vbweta basi gukhuye u ninga githawo Pfhumu Nungungulu wago, u landrisa dzindzila dzaye dzatshavbo, u mu gola ni gu thumela Pfhumu Nungungulu wago, khu monyo wago watshavbo, ni hefemulo wago watshavbo,

Dhewuteronome 18:13

Uwe gu vbwetega gu khala na wu lulamide mbeli ga Pfhumu Nungungulu wago.

Dhewuteronome 6:13

U na ninga githawo Pfhumu Nungungulu wago, u mu thumela, u sambanya khu lina laye.

Vafilipi 1:10

Gasi mu kodza gu hatha iso si gu sadi, ni gu vbanyani khu ndzila ni lisine mu khala na mu agide mu ta manwa muri mwalo gihoso, kala li gu vboha litshigu la Kristo;

Josuwa 24:2

Josuwa a di embela vathu vatshavbo, khuye: Upwani esi Pfhumu Nungungulu wa Israyeli a ganelago, wari, khuye: “Gikhatini gya gale vababe vanu, a gu uye Tera, babe wa Abrahama ni Nahori, va di gu vbanya khisikheyi nya tsongo wa Ewufrate va khozela vambe vanungungulu.”

Josuwa 24:23

Gasi olu, dzudzugani hwindzo vanungungulu nya malipha va guromo vbakari gwanu mu neredza myonyo yanu ga Pfhumu Nungungulu wa Israyeli.

1 Samuweli 12:14

Mwa gu ningani githawo Pfhumu Nungungulu, mu mu khozela, ni gu yingisa lito laye, mu si kanyisi sileletelo saye, mu landrela Pfhumu Nungungulu wanu, enu gumogo ni mufumeli a fumago vbakari gwanu, satshavbo si na mi dugela gwadi.

1 Samuweli 12:24

Igyo gi vbwetegago, ningani githawo Pfhumu Nungungulu, mu mu thumela na mu tumbegide khu monyo wanu watshavbo; kholu, mu wonide silo sesi nya sikhongolo a giridego.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”