Josuwa 24:10 - Bhibhiliya Nya Guage

¹⁰ Aholu Eni kha nya dzina gu yingisa Bhalahama; khavbo avbo, uye a di mi kategisa, eni nyi mi vbulugisa mandzani gwaye.

Josuwa 24:10 Iomraidhean Croise

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Mikeya 6:5

Vathu vangu, alakanyani esi Bhalaki, mufumeli wa Mowabhi a lombidego, ni esi Bhalahama, mwamana wa Bheyori a mu phindrudego. Alakanyani lipfhumba nyi mi giredego gukhugela Sitimi kala Giligali, tugula gukhuwe mithumo ya Pfhumu Nungungulu yi lulamide.

Mitengo 22:35

Aholu Ngilozi ya Pfhumu Nungungulu yi di hakha Bhalahama, khiyo: “Indra ni vama vava aholu indra u ya ganela basi igyo nyi na gu rumago gu ya ganela.” Bhalahama a di simama a hongola ni vasingalagadzi va Bhalaki.

Dhewuteronome 23:5

Khu guralo, Pfhumu Nungungulu wago, kha yingisa guvala ga Bhalahama; aholu, a di vbindrugedza givalo khu gikategiso, kholu Pfhumu Nungungulu wago a di gu mi gola.

Josuwa 24:11

Avbo mu nga vbindra khu Joridhani muta Jeriko, vavbanyi va Jeriko va di mi dwanisa gumogo ni Vaamori, Vaferezi, Vakhanani, Vahiti, Vagerezi, Vahevhi ni Vajebhusi; aholu Eni nyi di va ningela mandzani gwanu.