Josuwa 23:3 - Bhibhiliya Nya Guage

³ enu mu wonide satshavbo esi Pfhumu Nungungulu wanu, a giridego ga mayigo yaya yatshavbo khu mahungu yanu, kholu Pfhumu Nungungulu wanu, khuye a mi dwanedego.

Josuwa 23:3 Iomraidhean Croise

Ekisodha 14:14

Pfhumu Nungungulu a na mi dwanela, eno mu na degula henu kape.

Ekisodha 19:4

Enu mu si wone esi nyi giridego ga Vagipiti, ni edzi nyi mi rwadego khidzo khu dzimbapi nya lighama nyi gu mi wuyisa avbo gwangu.

Ezekiyeli 20:28

Kholu avbo nyi nga va resago ga litigo nyi va tumbiside gu va ninga, gikhati va nga wona vbale gigomo nya gulaphe, mwendro simbo nya khongolo, va di ya gira avbo miphaso yawe, va di gira miningelo yi nga bani yi wusa likhulo langu, va di gu bikela libani ni miningelo yawe nya mawadwa.

Malakiya 1:5

Enu mu na si wonani esi khu maho yanu, mu na ganelani, khenu: Pfhumu Nungungulu a na khusedzwe ambari ni ga mayigo ma guromo vbavbandze ga Israyeli.

Dhewuteronome 1:30

Pfhumu Nungungulu wanu, a na thanga mbeli gwanu, Uye a na mi dwanelani kha nga iso a hi giredego, na mu gu si wona khu maho yanu, tigoni ga Egipito,

Dhewuteronome 20:4

kholu Pfhumu Nungungulu wanu, khuye a mi dwanelago ga valala vanu, gasi a mi vbulugisa.

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Dhewuteronome 7:17

Wa gu ganela khu monyoni gwago, khuwe: Vathu nya mayigo yaya vangi ngudzu gu nyi vbindra; nyi na dzi kodza kharini gu va pala, nyi va tutumisa?

Dhewuteronome 7:24

A na ningela gambe mandzani gwago vafumeli vawe, gasi uwe u fuvise malina yawe mafuni; mwalo ni moyo a na tiyago gu ema mbeli gwago, kala u va mbembisa.

Josuwa 10:14

Gima li si gu manegi litshigu nya nga eli, khu gale, ambari khu hwane gwaye, kholu Pfhumu Nungungulu a di yingisa lito la muthu, kholu Pfhumu Nungungulu, a di dwanela va na Israyeli.

Josuwa 10:42

Josuwa a di khozisa vafumeli vatshavbo vava, a wandra mayigo yawe khu gumogo basi; kholu Pfhumu Nungungulu wa Israyeli a diri ni Israyeli.

Josuwa 23:10

Muthu moyo basi wa na gyanu a na lundra likhumi mazana (1.000) vama, kholu Pfhumu Nungungulu wanu, khuye a dwanago khu enu, kha nga a mi tumbisidego.