Josuwa 23:16 - Bhibhiliya Nya Guage

¹⁶ Mwa gu hambanisa gidzumeledzwano gya Pfhumu Nungungulu wanu, a mi leletedego, mu ya thumela vambe vanungungulu ni gu va khozela, khavbo avbo likhulo la Pfhumu Nungungulu li na khondra vbakari gwanu, mu na vbelani nyamba hwela tigoni momu nya gwadi a mi ningidego.

Josuwa 23:16 Iomraidhean Croise

1 Dzipfhumu 14:15

Pfhumu Nungungulu a na bayisa gambe Israyeli gu khwatshi tshava yi gimbidziswago khu mati; Uye a na dusa Israyeli khu tigoni momu nya gwadi a nga bani a ningide vababe vaye, a va phalalegisa a va yisa khisikheyi nya tsongo wa Ewufrate, kholu khiyo iyoyo va na dzi girelago sifananiso nya vanungungulu nya liphanga, va wusa likhulo la Pfhumu Nungungulu.

1 Dzipfhumu 9:6

Aholu enu, gumogo ni sanana sanu, mwa gu nyi pfhurarela, mu diga gu sayisa milayo ni sileletelo sangu, nyi si vegidego mbeli gwanu, aholu, mu khozela vambe vanungungulu mu va khidzimela,

1 Dzipfhumu 9:7

Eni nyi na fuvisa va na Israyeli ga litigo nyi va ningidego; ni nyumba yeyi nyi yi phasedego lina langu, nyi va dzudzuga hwindzo gwangu; Israyeli a na khala gihegiso ni givalo vbakari nya mayigo yatshavbo.

2 Dzipfhumu 17:7

Si giregide kharato, kholu va na Israyeli va di ghohede Pfhumu Nungungulu wawe, Uye a va dusidego khu tigoni ga Egipito, vbavbatshi nya gyandza gya Faro, mufumeli wa Egipito; va khozela vambe vanungungulu.

2 Dzipfhumu 24:20

Si giregide kharalo khu kotani nya likhulo la Pfhumu Nungungulu, a wugela Jerusalema ni Judha, gumogo ni gu va dusa mbeli gwaye; aholu Zedhekiya a di wugela mufumeli wa Bhabhiloni.

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Jeremiya 32:24

Wona nya gukhuwe dzitshivba nya dzinyimbi ya valala dzi emide gasi gu dhumela lidhoropa dzi li wandra; olu lidhoropa leli li na ningedwa mandzani ga Vakalidhiya, gasi va li sasela khu matshari, ndzala ni mitungu. Iso u si ganedego si ngu tadzisega, kha nga u si wonago.

Mitengo 33:56

Khu guralo, Eni nyi na gira gwanu iso nyi nga vbweta gu gira gwawe.”

Dhewuteronome 17:3

khu gu hongola aya thumela vambe vanungungulu, ni gu va khozela, ni gu khozela lidambo mwendro ngima, ambari libutho latshavbo la ndzadzini, iso eni nyi ngamba mi leletela;

Dhewuteronome 28:15

Aholu, wa gumba yingisa lito la Pfhumu, Nungungulu wago, u si khathali khu gu landrisa milayo ni sileletelo saye nyi gu ningago muhuno, dzitshanisa dzi na gutago vbatshani gwago khedzi:

Dhewuteronome 6:15

kholu Pfhumu Nungungulu wago, a guromo vbakari gwanu, Nungungulu nya wufu, gasi likhulo laye li si khondri li gu fuvisa mafuni.

Valamuli 2:14

Khu guralo, Pfhumu Nungungulu a di gorogela va na Israyeli, a gu va ningela mandzani nya vaphangi, va va phanga, bwelo khavbo, a va ningela mandzani ga valala, va tandrega ni gu ema mbeli gwawe.

Valamuli 2:20

Khavbo avbo, Pfhumu Nungungulu a di gorogela vathu va na Israyeli, a va embela, khuye: “Olu mu fanyidego gidzumeledzwano nyi hungidego ni vababe vanu, ni gumba yingisa lito langu,

1 Samuweli 12:25

Aholu, mwa gu simama gu gira guvivba, mu nafa, enu gumogo ni mufumeli wanu.