Josuwa 23:1 - Bhibhiliya Nya Guage

¹ Na gu vbindride gikhati nya gulaphe, hwane nya gu Pfhumu Nungungulu na ningide gurula ga va na Israyeli ga valala vawe vatshavbo nya vaakelane, Josuwa na gumbide nari ni matshigu nya gutale,

Josuwa 23:1 Iomraidhean Croise

Genesi 25:8

Abrahama a di hefemudzega; afa na gumbide ngudzu, na tade khu matshigu nya guvbanye, a diya patana ni vababe vaye.

1 Dzipfhumu 1:1

Avbo Dhavhidhe, a nga bani a gumbide ngudzu, nari ni matshigu nya gutale, va di mu fenengedza khu myendra, aholu uye a di si furumeli.

1 Dzikoronika 23:25

Kholu Dhavhidhe a di gu ganela, khuye: “Pfhumu Nungungulu wa na Israyeli a hefemudzide vathu vaye, a na khala Jerusalema, kala gupindruga.

1 Dzikoronika 27:1

Ava khu va na Israyeli mayelano khu tengo wawe, vathangeli nya dzindranga, vagimbidzisi nya sikwata nya likhumi mazana (1.000); nuwo nya mazana, gumogo ni vawoneleli vawe va nga bani va thumela mufumeli, mithumoni gwatshavbo khu mitsawa yi nga bani yi gu bela ni gu duga khu ngima ni ngima mwagani watshavbo, tsawa ni tsawa wu diri ni magumavili na mana magumi mazana (24.000) vama.

2 Dzikoronika 14:1

Abhiya a diya lala gumogo ni vavelegi vaye, va mu dzingide Dhoropani ga Dhavhidhe. A tshikedzwa wulangani gwaye khu mwanaye Asa, matshiguni gwaye, tigoni gu manegide gurula ndrani nya likhumi myaga.

2 Dzikoronika 14:5

Fuviside gambe madhoropani gwatshavbo gwa Judha, miphaselo ya malangani nya sigomo, sifananiso nya lidambo; ni mufumo waye wu di mana gurula gipandre nya likhumi myaga.

2 Dzikoronika 20:30

Khu guralo, mufumo wa Josafati wu di mana gurula, kholu Pfhumu Nungungulu a di mu hefemudza khu sipandre satshavbo.

Dzindzimo 46:9

Uye a ngu vbedza mayunga kala mahegiso nya litigo, a ngu fanya wulaho, a fanyeledzela siholoma; a rinya niloni dzikareta nya nyimbi.

Isaya 63:14

Gukhwatshi girengo gi relelago kovani, Liphuvbo la Pfhumu Nungungulu li di va ninga guhefemula. U di gimbidzisa kharato, vathu vago, gasi gu dzi girela lina nya wuzundzo.

Dhewuteronome 31:2

a va embela, khuye: “Eni muhuno nyi na ni tanga nya lizana ni magumavili (120) myaga. Kha nyi na dzi kodza gambe gu simama kha nga muthangeli wanu. Gu diga nya isoso, Pfhumu Nungungulu a nyi embede, khuye: Uwe gima khu na tshatuga tsongo wa Joridhani.

Josuwa 11:23

Khu guralo, Josuwa a di khozisa tigoni gwatshavbo, kha nga idzo Pfhumu Nungungulu a nga leletelago khidzo Mosi; khu guralo, Josuwa a di li ningela li khala thomba ya na Israyeli, va kabaniswa mayelano khu lihundzu lawe. Khavbo avbo, tigoni gu di manega gurula.

Josuwa 13:1

Gikhati gyogyo, Josuwa a di gumbide, nari ni myaga nya gulaphe, Pfhumu Nungungulu a di mu embela, khuye: “U gumbide, aholu gu nga gu kiyela gipandre nya gingi nya litigo gasi gu liphanga.

Josuwa 21:44

Pfhumu Nungungulu a di ninga gurula khu maphuvbo yatshavbo gukhedza khidzo a nga sambanyago khidzo ga vababe vawe; mwalo ni moyo ya valala vawe a nga bani na gu tiya mbeli gwawe; Pfhumu Nungungulu a di va ningela vatshavbo mandzani gwawe.

Josuwa 22:4

Gasi olu, Pfhumu Nungungulu wanu, a ningidego gurula vandriyanu a nga bani a va tumbiside, olu wuyani mitshatshani gwanu ga litigo li mu lumbago, eli Mosi githumi gya Pfhumu Nungungulu a mi ningidego tshatugo ga Joridhani.

1 Samuweli 12:2

Khu guralo, olu, khuye oyu mufumeli a na gu mi gimbidzisago. A gu bani nari eni, nyi gumbide nyi agide hungo khu dzinvi, sanana sangu somo vbakari gwanu; nyi khade muthangeli wanu gukhugela wudzahani wangu kala na muhuno.