Josuwa 22:5 - Bhibhiliya Nya Guage

⁵ Gasi olu dzi woneleni mu zama gu landrisa khu gutumbega sileletelo ni milayo eyi Mosi githumi gya Nungungulu a mi leletedego, mu gola Pfhumu Nungungulu wanu, mu gimbila khu dzindzila dzaye, mu dzi ningela gwaye ni gu mu khozela khu monyo wanu watshavbo ni hefemulo wanu watshavbo.”

Josuwa 22:5 Iomraidhean Croise

Dzindzimo 106:3

Va kategide avo va landrisago milayo yaye, va girago esi si lulamidego gikhati gyatshavbo.

Dzindzimo 78:7

gasi va kodze gu vega gitumbo gyawe ga Nungungulu, va si divaledwi khu mithumo a giridego, va sayisa milayo yaye gikhati gyatshavbo;

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Ekisodha 20:6

Aholu, nyi ngu girela wuhindzi, kala gitugulwana nya likhumi mazana (1.000) ga vale va nyi golago, va wuya va vegisa milayo yangu.

Ekisodha 23:13

Mu na sayisa magana yatshavbo nyi mi embedego. Malina ya vambe vanungungulu ni gu ma khumbuga basi mu nga ma khumbugi. Ma nga tshuki ma pwala maganani gwanu.

Ekisodha 23:25

Khozelani Pfhumu Nungungulu wanu, Eni nyi na kategisa guhodza gwanu ni mati yanu; nyi na vbedza madwali vbakari gwanu.

Mavingu 4:23

Guvbindra silo satshavbo, vegedza monyo wago, kholu khumo gu guromo guvbanya gwago.

Isaya 55:2

Khu ginani mu luzisago dzitsapawu dzanu khu sile si gu sindri guhodza, ni lithonga lanu, khu sile si gumba phasa gilo? Tulani dzindzeve mu nyi yingisa, mu na hodza esi nya sadi, mupwa gutshamba khu guhodza nya gunone.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Matewu 22:37

Jesu a di mu phindrula, khuye: “ ‘Haladza Pfhumu Nungungulu wago khu monyo wago watshavbo, khu hefemulo wago watshavbo ni mapimo yago yatshavbo.’

Matewu 4:10

Khavbo avbo, Jesu a di mu hakha, khuye: “Suka, Sathane, kholu gu lovidwe, gupwani: U na khozela Pfhumu Nungungulu wago; khuye basi u na gu mu thumelago.”

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Luka 1:74

nya gu hi vbulugise ga valala vathu, hi mu thumela nyamba thava gilo,

Johane 12:26

Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.

Johane 14:15

“Mwa gu nyi gola, mu na vegedza milayo yangu.

Mithumo 11:23

Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 27:23

Kholu ni wutshigu wowu nyi di tedwa khu ngilozi ya Nungungulu wangu nyi mu khozelago yita dzi wonegisa gwangu,

Varoma 1:9

Nungungulu nyi mu thumelago khu monyo wangu watshavbo khu gu tshumayela Ivhangeli ya Mwanaye, khuye a gu fakazi yangu. A ngu dziti gwadi gukhuye nyi ngu mi dundruga

Varoma 12:9

Lihaladzo lanu li na khale lihaladzo nya lisine, nyamba pembeledzela. Nyenyani guvivba mu gira nya sadi.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 11:1

U na gola Pfhumu Nungungulu wago, matshigu yatshavbo u vegedza milayo yaye, sileletelo ni sirumo saye.

Dhewuteronome 11:13

Khu kharato, mwa gu yingisa khu lisine milayo yangu muhuno nyi mi leletelago, nya guhaladzeni Pfhumu Nungungulu wanu, ni gu mu thumela khu monyo wanu watshavbo ni hefemulo wanu watshavbo,

Dhewuteronome 11:22

Kholu, mwa gu vegedzani milayo yeyi yatshavbo nyi mi leletelago gasi mu yi vegedza, mu haladza Pfhumu Nungungulu wanu, mu gimbila khu dzindzila dzaye dzatshavbo, na mu gu dzi ningedzela gwaye,

Dhewuteronome 13:4

Enu mu na landrela Pfhumu Nungungulu wanu, mu na mu ninga githawo; mu na vegedza milayo yaye, mu yingisa lito laye, mu hidzimela avbo gwaye.

Dhewuteronome 4:29

Khu iyoyo, u naya vbweta Pfhumu Nungungulu wago, gambe u na mu mana, wa gu mu vbweta khu monyo wago watshavbo, ni hefemulo wago watshavbo.

Dhewuteronome 4:4

Khu guralo, enu mu simamide gutumbega ga Pfhumu Nungungulu wanu, muhuno, enu mwatshavbo mu nga gu vbanya.

Dhewuteronome 4:6

Khu guralo, si vegedzeni ni gu si landrisa, kholu esi a na bani ari wugengeli wanu ni gupima gwanu mahoni ga vathu avo va na pwago milayo yatshavbo yeyi, va na ganela, khavo: Khu lisine litigo leli nya likhongolo li na ni vathu nya guti ni wugengeli.

Dhewuteronome 4:9

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Dhewuteronome 5:10

nyi girela wuhindzi kala likhumi mazana situgulwana sa vale va nyi golago ni gu sayisa milayo yangu.

Dhewuteronome 6:17

Dzi garadze khu gu vegisa milayo ya Pfhumu Nungungulu wago, sihevbudzo saye ni sileletelo saye a gu rumidego.

Vahebheru 12:15

Dzi woneleni, gasi ni moyo wanu a si segedwi wuhigo wa Nungungulu. Dzi woneleni, gasi ni moyo wanu a si khali nga khamba nya guvave wu bayisa vathu nya vangi khu wuvasi waye.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

Josuwa 23:8

Aholu namarelani ga Pfhumu Nungungulu wanu, kha nga idzo mu giridego kala na muhuno;

Gutuledwa 15:3

Dzi di embelela ndzimo ya Mosi, githumi gya Nungungulu ni ndzimo ya Nvutana, khidzo: “Pfhumu Nungungulu, nya Tshivba Yatshavbo, sigiro sago sikhongolo, si ngu liwugisa! Dzindzila dzago dzi lulamide, dzi na ni lisine, uwe Pfhumu nya mayigo.

1 Samuweli 12:20

Khavbo avbo, Samuweli a di embela vathu khuye: “Mu nga khali hwanga; ambari olu mu giridego guvivba nya gukhongolo! Igyo gi vbwetegago, khu gu mu si hambani ni Pfhumu Nungungulu, aholu, mu thumela Pfhumu Nungungulu khu monyo wanu watshavbo.

1 Samuweli 12:24

Igyo gi vbwetegago, ningani githawo Pfhumu Nungungulu, mu mu thumela na mu tumbegide khu monyo wanu watshavbo; kholu, mu wonide silo sesi nya sikhongolo a giridego.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”