Josuwa 22:4 - Bhibhiliya Nya Guage

⁴ Gasi olu, Pfhumu Nungungulu wanu, a ningidego gurula vandriyanu a nga bani a va tumbiside, olu wuyani mitshatshani gwanu ga litigo li mu lumbago, eli Mosi githumi gya Pfhumu Nungungulu a mi ningidego tshatugo ga Joridhani.

Josuwa 22:4 Iomraidhean Croise

1 Dzikoronika 22:18

“Ina Pfhumu Nungungulu wanu mwalo vbakari gwanu, gani? Kha mu ningani gurula khu maphuvbo yatshavbo, gani? Kholu a ningede mandzani gwangu vavbanyi va tigoni momu. Va ngu yela gufumwa khu Pfhumu Nungungulu gumogo ni vathu vaye.

Ekisodha 33:14

Nungungulu a di hakha, khuye: “Eni mune furi nyi na thanga mbeli gwago, nyi na gu hefemudza.”

Mitengo 32:18

Ethu kha hi na wuya gambe magaya gwathu, moyo ni moyo wa na Israyeli na si gu hakhi thomba yaye.

Dhewuteronome 12:9

kholu, kala ni olu, mu si gu beli guhefemulani ni ga thomba eyi Pfhumu Nungungulu wanu a mi ningago.

Dhewuteronome 29:8

Khu guralo, vegisani magana yaya nya gidzumeledzwano gegi, mu ma landrisa, gasi mu kodza gu dugelela ga satshavbo mu na si thumago khu mandza yanu.

Dhewuteronome 3:20

kala Pfhumu Nungungulu kala Pfhumu Nungungulu a ninga vandriyanu guhefemula nya nga ogu a mi ningidego enu; kala avo navo va dzege litigo eli Pfhumu Nungungulu wanu, a na gu va ninga la khisikheyi nya tsongo wa Joridhani; khavbo moyo ni moyo a na bwelela ga thomba yaye nyi mu ningidego.

Vahebheru 4:8

Nari gupwani Josuwa khu lisine a di vbohiside vathu va na Israyeli wulangani nya guhefemule, Nungungulu gima na sa hatha limbe litshigu, khu hwane nya gikhati.

Josuwa 1:15

kala Pfhumu Nungungulu a ninga vandriyanu guhefemula gumogo ni enu, gasi avo navo va ya bela va fumela litigo eli Pfhumu Nungungulu a na va ningago. Khu hwane, enu mu na bwelela tigoni li mi lumbago, eli Mosi githumi gya Pfhumu Nungungulu, a mi ningidego khu Khugadambo wa khisikheyi nya tsongo wa Joridhani.”

Josuwa 12:6

Mosi githumi gya Pfhumu Nungungulu, ni va na Israyeli, a di va khozisa; ni Mosi githumi gya Pfhumu Nungungulu, a di ningela litigo leli li lumba lihundzu la na Rubheni, va na Gadhi ni gipandre gya na Manasi.

Josuwa 13:15

Khu guralo, Mosi a di ningelago lihundzu la na Rubheni thomba yawe, gukhedza khu mapango yawe.

Josuwa 13:8

Va na Rubheni, va na Gadhi ni gimbe gipandre nya lihundzu la Manasi, va di hakhide khu ga Mosi, gipandre nya thomba yawe khu khisikheyi ga Joridhani, guya Khugadambo, kha nga li nga bani li ningedwe ga Mosi githumi gya Pfhumu Nungungulu.

Josuwa 22:3

Khu ga gikhati gyatshavbo gegi kala na muhuno, kha mwa hambana ni vandriyanu. Aholu mu landriside khu gutumbega sileletelo satshavbo sa Pfhumu Nungungulu wanu.