Josuwa 22:26 - Bhibhiliya Nya Guage

²⁶ Khu guralo, hi di khethu; hongoleni hi vbahe giluvelo, nasiri giluvelo nya miningelo nya guvbiswe ni miphaselo,

Josuwa 22:26 Iomraidhean Croise

Isaya 19:19

Khu litshigu lolo, gu na manega giluvelo nya gulumbe Pfhumu Nungungulu, tigoni ga Egipito, vbinganoni gwaye, gu na emiswa lidingo la Pfhumu Nungungulu; lidingo leli gasi gu khala gialakanyiso gyaye.

Josuwa 22:25

Khu guralo, Pfhumu Nungungulu vegide tsongo wa Joridhani gasi gu khala vbingano vbakari gwathu ni enu sanana sa Rubheni ni sanana sa Gadhi; khu guralo, enu mu mwalo giavelo ga Pfhumu Nungungulu! Kholu, sanana sanu si nga khala gikhunguvanyiso nya gusegele sanana sathu gu ninga githawo Pfhumu Nungungulu.

Josuwa 22:27

gasi igyo gi khala kha nga wufakazi vbakari ga ethu ni enu ni ga situgulwana sathu si natago hwane gwathu, gasi hi khozele mbeli ga Pfhumu Nungungulu, khu miningelo nya guvbiswe, ni miphaselo, gumogo ni miningelo nya gurule; gasi mindru sanana sanu, si si ganeli ga sanana sathu khiso: Mu mwalo giavelo ga Pfhumu Nungungulu.

Josuwa 22:29

Ma na manege hwindzo ni ethu mapimo nya guwugele Pfhumu Nungungulu, hi diga gu mu landrela, khu gu bani hi vbahide giluvelo nya miningelo nya guvbiswe, miningelo nya guhodze ni dzimhamba; vbavbandze ga giluvelo gya Pfhumu Nungungulu wathu, gi guromo mbeli nya Tshatsha waye nya guage!”

Valamuli 6:24

Khavbo avbo, Gidhiyoni a di vbaha vbale giluvelo gya Pfhumu Nungungulu, a gi riya lina, khuye: Pfhumu Nungungulu nya Gurule. Kala ni muhuno giluvelo gi nga gu manega Ofira wa Abhiyezeri.