Josuwa 22:18 - Bhibhiliya Nya Guage

¹⁸ Olu enu mwa gu vbweta gu wugela Pfhumu Nungungulu, gani? Muhuno enu mwa gu wugelani Pfhumu Nungungulu, mindru a na gorogela tshangano watshavbo wa Israyeli.

Josuwa 22:18 Iomraidhean Croise

2 Samuweli 24:1

Likhulo la Pfhumu Nungungulu li di engedza li wugela va na Israyeli; a di kutsedzela Dhavhidhe gu va wugela a ganela, khuye: “Gimbila u ya saya va na Israyeli ni va na Judha.”

1 Dzipfhumu 9:6

Aholu enu, gumogo ni sanana sanu, mwa gu nyi pfhurarela, mu diga gu sayisa milayo ni sileletelo sangu, nyi si vegidego mbeli gwanu, aholu, mu khozela vambe vanungungulu mu va khidzimela,

2 Dzipfhumu 17:21

Avbo Pfhumu Nungungulu a nga hambanisago va na Israyeli ni nyumba ya Dhavhidhe, avo va di emisa Jerobhowamo, mwamana wa Nebhati; Jerobhowamo a di ndreyisa va na Israyeli, va si landreli Pfhumu Nungungulu, a va ghohisa khu gu gira gighoho nya gikhongolo.

1 Dzikoronika 21:1

Khavbo avbo, Sathane a di wugela va na Israyeli, a kutsedzela Dhavhidhe gu gira gilovela nya vathu va na Israyeli.

1 Dzikoronika 21:14

Khavbo avbo, Pfhumu Nungungulu a di rumela tungu tigoni ga Israyeli, vafa khu tungu yoyo, livbandre na mavili magumi magumi mazana (70.000) vathu va na Israyeli.

2 Dzikoronika 25:27

Amaziya, hwane nya gu bani a digide gu landrisa Pfhumu Nungungulu, a di wugedwa va mu dwanisa dhoropani ga Jerusalema, a thava a hongola tigoni ga Lakisi; aholu, va di rumela gu a landrwe Lakisi, vaya mu songela iyoyo.

2 Dzikoronika 34:33

Khu magirelo yaya, Josiya a di fuvisa manyala yatshavbo ya tigoni gwatshavbo ga Israyeli a guruvedza vatshavbo va nga bani va gu manega tigoni ga Israyeli, gu va thumela Pfhumu Nungungulu wawe. Na nga gu vbanya Josiya, avo gima kha va nga hambana ni Pfhumu Nungungulu wa vababe vawe.

Levhi 10:6

Mosi a di embela Aroni ni sanana saye, Eliyazari ni Itamari, khuye: “Mu nga vbalulini ndzudzu mu pferula dzingandzu dzanu mwendro gumba samula, kholu mwa gu gira kharato, mu nafa, mu wusa likhulo la Pfhumu Nungungulu li vbisela tshangano watshavbo. Digani vandriyanu ni ndranga ya Israyeli va lila vale Pfhumu Nungungulu a va mbembisidego khu nilo.

Mitengo 16:22

Aholu avo va di thega vbavbatshi khu khovbe va ganela, khavo: “Ama Nungungulu, Nungungulu nya maphuvbo ya vathu vatshavbo! Muthu moyo basi a ghohidego, ina U na gorogela tshangano watshavbo, gani?”

Mitengo 32:15

Mwa gu bani mu si dzini gu landrela Pfhumu Nungungulu, Uye nuye a na mi diga giwulani momu, khu guralo, mu na mbembisa vatshavbo vathu vava.”

Dhewuteronome 7:4

kholu avo va ngata ndreyisa ndzilani gwangu sanana sago, siya khozela vambe vanungungulu. Wa gu gira isoso, mu na wugedwa khu likhulo la Pfhumu Nungungulu, mu dzegela gumbembiswa khu guvbiredza.

Josuwa 22:15

Avbo va nga vbohago ga va na Rubheni, va na Gadhi ni gipandre nya lihundzu la na Manasi, tigoni ga Gileyadhi, va diya va embela, khavo:

Josuwa 22:16

“Tshangano watshavbo wa Pfhumu Nungungulu wu ngu ganela kharati, khuwo: Gasi giyeyiso muni mu gu nagyo nya guwugele Nungungulu wa Israyeli, olu muhuno mu hambanago ni Pfhumu Nungungulu, mu dzi emisela giluvelo gasi gu wugela Pfhumu Nungungulu?

Josuwa 22:20

Ina kamwe Akani, mwamana wa Zera, kha gira gighoho khu mahungu nya silo nya gunyenyeze, gani? Pfhumu Nungungulu kha gorogela tshangano watshavbo wa na Israyeli, gani? Kholu khandruye ekha a fudego khu kotani nya gighoho gyaye!”

Josuwa 7:1

Va na Israyeli va dzi vangede nandru khu silo nya guphangwe; kholu Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha a di dzega silo nya gulolele. Pfhumu Nungungulu a di gorogela sanana sa Israyeli.

Josuwa 7:11

Israyeli ghohide, a hambanisa gidzumeledzwano gyangu, gile Eni nyi nga mu leletelago, a dzega silo nya gulolele, va si siha, va si pata gumogo ni sibubu sawe.

Josuwa 7:21

Nyi di wona vbakari nya sombo si phangidwego, gifenengelo nya gumbure gya Bhabhiloni, ni mazana mavili (200) nya masekeli nya dzisikulu nya parata ni giwindri nya ndralama nya livbandre magumi dzisikulu, nyi di si dogorela nyi si dzega; nyi si kembela mafuni vbavbatshi nya tshatsha wangu, parata nyi yi vega khu vbavbatshi.

1 Samuweli 12:14

Mwa gu ningani githawo Pfhumu Nungungulu, mu mu khozela, ni gu yingisa lito laye, mu si kanyisi sileletelo saye, mu landrela Pfhumu Nungungulu wanu, enu gumogo ni mufumeli a fumago vbakari gwanu, satshavbo si na mi dugela gwadi.

1 Samuweli 12:20

Khavbo avbo, Samuweli a di embela vathu khuye: “Mu nga khali hwanga; ambari olu mu giridego guvivba nya gukhongolo! Igyo gi vbwetegago, khu gu mu si hambani ni Pfhumu Nungungulu, aholu, mu thumela Pfhumu Nungungulu khu monyo wanu watshavbo.