Josuwa 21:43 - Bhibhiliya Nya Guage

⁴³ Pfhumu Nungungulu a di ningela ga va na Israyeli, litigo latshavbo a nga bani a sambanyide gu ninga vababe vawe; li di khala lawe avo va vbaha umomo.

Josuwa 21:43 Iomraidhean Croise

Genesi 12:7

Pfhumu Nungungulu a di dzi wonegisa ga Abrama a mu embela, khuye: “Nyi na ninga litigo leli situgulwana sago.” Abrama a di vbaha vbale giluvelo gya Pfhumu Nungungulu a nga dzi wonegisago gwaye.

Genesi 13:15

Kholu litigo latshavbo u li wonago, nyi na gu ninga uwe ni sanana sago kala gupindruga.

Genesi 28:4

A na gu kategise uwe gumogo ni livelego lago, kha nga gikategiso gya Abrahama, gasi u fela gu hodza thomba nya litigo u luvelago umo, eli Nungungulu a li ningidego Abrahama.”

2 Dzikoronika 20:8

Va vbahide omu, va bwelo khavbo va vbaha nyumba nya miphaso nya guphasele lina lago, khavo:

Nehemiya 9:24

Khu guralo, sanana sawe si bede si ya fumela litigo lolo, U va ningide tshivba nya gupale vamune tigo, a gu Vakhanani, U va ningela mandzani gwawe, gumogo gambe ni vafumeli vawe ni vathu va tigoni momo, gasi va gire guhaladza gwawe khu avo.

Nehemiya 9:8

U mu wone nari ni monyo wu tumbegidego, U gira naye gidzumeledzwano, U mu tumbisa gu mu ninga livelego nya gutale tigoni ga Vakhanani, ga Vaperezi, ga Vajebhuzi ni ga Vagirigasi, U tiyiside magana yago, kholu uwe u lulamide.

Dzindzimo 105:8

Uye a na alakanya pwanano waye kala gupindruga, a tadzisa situmbiso saye ga mazanazana nya situgulwana.

Dzindzimo 44:3

Khandri khu tshivba nya matshari va nga wandra khiyo litigo, gambe khandri mawogo yawe ma nga va ninga gupala; aholu khu libogo lago la nyamudye, ni wenengedzo nya khovbe yago, kholu u di gu va gola.

Dzindzimo 78:55

A di tutumisa vavbanyi va mayigoni mule na va gu si wona, mayigo yawe a ma kabanisela mahundzu ya Israyeli.

Ekisodha 3:8

Khu guralo, nyi tshigide gasi guta va tshudzisa mandzani ga Vagipiti, nyi va dusa tigoni momo, nyi va yisa tigoni nya gunone, nya guaname, tigoni gu gogago mahwe ni wulombe, litigo va vbanyago umo Vakhanani, Vahiti, Vaamori, Vaferezi, Vahevhi ni Vajebhuzi.

Jeremiya 32:23

Avo va bede umo va li dzega va li fuma, aholu avo kha va nga yingisa gilo lito lago, ambari gu landrisa ndzila nya nayo wago. Ga satshavbo esi u nga va rumago gu va gira, ni gimwegyo kha va gira. Khu guralo, u va resedego dzimhango dzatshavbo dzedzi.

Mitengo 33:53

Wandrani litigo, mu vbaha umo, kholu Eni nyi mi ningide li khala thomba yanu.

Mitengo 34:2

“Ruma sanana sa na Israyeli, khuwe: Mu na bela tigoni gwa Khanani nyamba hwela, khilo eli litigo li na mi lumbago kha nga thomba; litigo la Khanani gukhedza khu mivbingano yaye.”

Dhewuteronome 11:31

Kholu, mu na tshatuga tsongo wa Joridhani gasi mu bela ga litigo Pfhumu Nungungulu wanu, a mi ningago. Mu na ya li dzega li khala lanu mu vbanyani umo.

Dhewuteronome 12:29

Gikhati Pfhumu Nungungulu wago, a na mbembisago mbeli gwago mayigo, u na guya ma fumago, ma gu khala thomba yago ni gu vbanya umomo,

Dhewuteronome 17:14

Wa gu bela tigoni a gu ningago Pfhumu Nungungulu wago, u li dzega u vbaha umo, u li fumela; wa gu ganela, khuwe: Nyi na dzi emisela mufumeli, kha nga mambe mayigo ma nyi randredego.

Dhewuteronome 34:4

Pfhumu Nungungulu a di mu embela, khuye: “Eli khilo litigo nyi sambanyidego gu ninga Abrahama, ni Jakobe. Nyi na li ningela ga livelego laye. Uwe u li wone khu maho yago, aholu khu na nga ya bela umo.”

Josuwa 1:6

Tiya longo u manega ni tshivba ni gutimisela, kholu khuwe u na thangelago vathu vava kala va bela ga litigo nyi sambanyidego gu ninga vababe vago.

Josuwa 21:42

lidhoropa ni lidhoropa li diri ni wuhaviselo waye khu wubambe; gu di gira kharato ga madhoropa yatshavbo.

Valamuli 11:24

Ina u nga bomba gu dzega iso nungungulu wago Khemosi a gu ningago, gani? Ethu nethu hi na sayisa iso Pfhumu Nungungulu a dzegedego vambe a hi ninga.

1 Samuweli 12:8

Avbo Jakobe a nga belago tigoni ga Egipito, vababe vanu va di lila ga Pfhumu Nungungulu, Pfhumu Nungungulu a va rumela Mosi ni Aroni, vata va dusa khu tigoni ga Egipito, va va resa ga wulanga wowu.