Josuwa 21:39 - Bhibhiliya Nya Guage

³⁹ Hesibhoni gumogo ni wuhaviselo waye, ni Jazeri ni wuhaviselo waye; yatshavbo ma khala madhoropa mana.

Josuwa 21:39 Iomraidhean Croise

1 Dzikoronika 26:31

Vbakari ga va na Hebroni muthangeli a diri Jeriya. Gasi khu mahungu nya longoloko wa na Hebroni gumogo ni dzindranga dzawe, wu di khedzisedwa gwadi khu mwaga nya magumana nya gufume ga Dhavhidhe, va mana ndrani nya linyangwa lawe, vama nya dzindrena tigoni ga Jazeri wa Gileyadhi.

Jeremiya 48:32

Nga idzo nyi lilelago khidzo Jazeri, nyi na gu lilela nuwe kharato, lithembwe la Sibina; matamo yago ma navide ma tsemakanya yiphwa, ma vboha kala phwani ga Jazeri; aholu musaseli phangide mihandro yago nya maronga ni gikhati nya guvbwere dziuvha.

Mitengo 32:1

Sanana sa Rubheni ni esi sa Gadhi, si di fumide mitshambi nya gutale ngudzu. Va di wona litigo la Jazeri ni la Gileyadhi na ma khalegide wulangani nya wadi ngudzu nya gufanele gu havisa umo mitshambi yawe.

Mitengo 32:3

“Mayigo ya Ataroti, ya Dhibhoni, Jazeri, Nimera, Hesibhoni, Eleyali, Sebami, Nebhu ni Bheyoni

Mitengo 32:35

Ataroti-Sofani, Jazeri ni Jogibheya;

Mitengo 32:37

Va na Rubheni va di vbaha madhoropa ya Hesibhoni, Eleyali ni Kiriyatiyimi;

Josuwa 13:17

Hesibhoni ni madhoropa yaye yatshavbo ya panini, a gu aya: Dhibhoni, Bhamoti-Bhahali, Bheti-Bhahali-Meyomi,

Josuwa 13:21

madhoropa yatshavbo yaya ya panini ni mufumo watshavbo wa Seyoni, mufumeli wa Vaamori va Hesibhoni, va nga khoziswago khu Mosi ni vathangeli Vamedhiyani, Evhi, Rekemi, Suri, Huri ni Rebha, dzindruna dza Seyoni dza tigoni mule.

Josuwa 13:25

Litigo lawe kheli: Jazeri, ni madhoropa yatshavbo ya Gileyadhi, gipandryana nya litigo la na Amoni kala Aroweri, mbeli ga Rabha,

Josuwa 21:38

Ga lihundzu la Gadhi, va di li ninga tigoni ga Gileyadhi, Ramoti, lidhoropa nya wuthavelo ga vale nya gusonge muthu, gumogo ni wuhaviselo waye, Mahanayimi gumogo ni wuhaviselo waye,

Josuwa 21:40

Yatshavbo madhoropa yaya, ma di manwa khu sanana sa Merari khu gulola solo, gukhedza khu dzindranga dzawe, va nga bani na va tshade ga mapango ya va na Levhi; a gu likhumi na mavili madhoropa.