Josuwa 2:6 - Bhibhiliya Nya Guage

⁶ Khavbo avbo, uye a di va litisa khu vbagikolitunu nya nyumba yaye, aya va siha vbadzinyandratunu nya wughama a nga bani a wu anegede vbatshani nya langwe yaye.

Josuwa 2:6 Iomraidhean Croise

2 Samuweli 11:2

Khu limbe litshigu ni silambo, Dhavhidhe a di wuga khu vbadawutunu gwaye, a gimbilagimbila vbatshani nya langwe nya nyumba yaye nya wufumu; khavbo avbo, nari khu vbalangwetunu, a di wona nyamayi na gu hamba; nyamayi yoyu a di mburide ngudzu.

2 Samuweli 17:19

Mwangadzi wa mwama yoyo a di dzega gifenengedzo a sega nambo; khu vbatshani gakone a mbambamisela dzitsheta nya sivbila; khu guralo, mwalo a nga tugula gilo.

1 Dzipfhumu 18:13

Ina kha va gu tivisa uwe, mune wangu, iso nyi giridego, gikhati Jezabheli a nga saselago vaprofeti va Pfhumu Nungungulu, idzo nyi nga sihago khidzo lizana vaprofeti va Pfhumu Nungungulu, nyi va kabanisa khu mitsawa nya livbandre magumi, nyi va siha mavbalani nyi va vbanyisa khu guhodza ni mati nya gusele.

1 Dzipfhumu 18:4

Kholu, gikhati Jezabheli a nga bani na sasela vaprofeti va Pfhumu Nungungulu, Obhadhiya a di dzega lizana (100) vaprofeti a va kabanisa khu mitsawa mivili nya livbandre magumi (50), a va siha mavbalani a va sayisa khu gu va ninga guhodza ni gu va ninga mati va sela.

2 Dzipfhumu 11:2

Aholu Jeyosebha, nyamahegyane wa mufumeli Joramo, ndruye wa Akazi, a di dzega Jowasi, mwamana wa Akazi, a muba vbakari ga sanana sa mufumeli, si nga bani si gu songetedwa, aya mu siha ga musayisi waye a nga bani a manega nyumbani a lalago umo, a mu siha ga Ataliya, khu kharato, uye kha songwa.

Ekisodha 2:2

Mwangadzi waye a di khura mimba a gu velega gyanana nya gikhwathana; khu gu gi wona gumbura ngudzu, a di gi siha a khala nagyo gipimo nya migima miraru.

Jeremiya 36:26

Gu diga nya isoso, mufumeli a di ninga nayo ga Jerameyeli, mwamana wa Hameleki, ni Seraya, mwamana wa Aziriyeli, ni Selemiya, mwamana wa Abhidheyeli, guya mola mulovi Bharuki, ni muprofeti Jeremiya; aholu Pfhumu Nungungulu a di va sihide.

Matewu 24:17

uye a na gu bani a romo vbatshani nya nyumba a nga tshigi gasi guta dzega gilogyo nyumbani gwaye;

Dhewuteronome 22:8

Wa gu vbaha nyumba nya yiphya nya gitezi, u na gira libhiyo likupakupani la gitezi, gasi u si mani nandru nya novba, a gu thega muthu nya gukari khu vbale.

Vakolosi 3:3

kholu enu mu fude ni Kristo, guvbanya gwanu gu sihidwe gumogo ni Kristo ga Nungungulu.

Vahebheru 11:23

Khu gukhodwa, Mosi, na velegidwe, a di sihwa migima miraru khu vavelegi vaye. Khu gu wona wumburi nya gyanana, kha va khala hwanga gu yeyisa nayo wa mufumeli.

Jakobe 2:25

Khiso si nga girega ga nyamayi nya gibhayi, Rahabhi. Uye a di sayedwa muthu nya gululame khu Nungungulu khu kotani nya mithumo yaye, kholu a di hakha vasoli va na Israyeli a gu va phasa gu duga khu yimbe ndzila.

Josuwa 2:5

Gupfolani nya lidambo, gikhati gu nga segwago malimba nya lidhoropa va dugide; kha nyi guti va bede khu hayi. Khu guralo, va landreni khu guvbiredza mu na va mana nyamba hwela!”

Josuwa 2:7

Khavbo avbo, vama va nga rumedwago khu mufumeli va di va landra khu ndzila nya gutshatuge tsongo wa Joridhani; na va dugide vama va nga bani va va landra khu hwane, gu di segwa lidimba.

Josuwa 2:8

Vasoli na va si gu lali, Rahabhi a di lita a va yela vbatshani nya langwe,

Josuwa 6:25

Josuwa a di ninga githawo womi wa Rahabhi, nya gibhayi, gumogo gambe ni wa ngamo ya babe waye, ni satshavbo a nga bani ari naso; khu magirelo yoyo, uye a di khala vbakari ga va na Israyeli kala na muhuno, khu kotani a nga sihago vasoli va vavili va nga rumedwa Jeriko khu Josuwa.