Josuwa 2:18 - Bhibhiliya Nya Guage

¹⁸ Gikhati hi na guta belago tigoni gwanu, tshanganisa ndrangani gwago babe wago, mayi wago, vandriyago ni vatshavbo valongo vababe wago; u na hunga ngodzi yeyi nya gufuvile vbagihogotunu vbavba hi dugidego khavbo.

Josuwa 2:18 Iomraidhean Croise

Genesi 12:2

Nyi na wusa khu uwe litigo nya vathu nya vangi. Nyi na gu kategisa, nyi gu ninga lina nya wuzundzo, u na khala uwe gikategiso.

Genesi 7:1

Pfhumu Nungungulu a di embela Nowa, khuye: “Bela taroni uwe ni ngamo yago yatshavbo, kholu khuwe basi muthu nya lisine nya gululame nyi gu manidego vbakari nya vathu vatshavbo va matshiguni yaya.

Ekisodha 12:13

Novba wa mudzinyumbani mu na bani muri umo, wu na khala giwonegiso nya gu mi vhikele: Nya gu wona novba, nyi na vbindra mbeli, enu mu vbuluga ga mhango nya gusonge, gikhati Eni nyi na mbembisago litigo la Egipito.

Gizimba 4:3

Sigundru sago sa gu fanana ni keka nya gufuvile; kanani gwago gu mburide ngudzu. Khovbe yago ya gu fanana ni maromana nya gupandrwe, ma ngangamelago khu ndrani nya gifenengelo gyago.

Levhi 14:4

muphasi nya mhamba a na ruma gukhuye oyu a agiswago a resedwa sinyoni sivili nya guvbanye nya esi si agidego khu nayo, ni mapulango nya sedhari, ni mwendra nya giwunguwungu ni hisopo.

Mitengo 19:6

Muphasi nya mhamba a na dzega simbo nya sedhari, ni mwasi nya nyagiluve ni mawoya nya gufuvile, a si rinya vbakari nya nilo avbo gu vbiswago gimombyana.

Mitengo 4:8

Khu vbatshani ga satshavbo sesi va na fenengedza mwendra nya giwunguwungu, va fenengedza gambe khu malowo nya guvbevbuge va thela mipingo yakone.

Luka 19:9

Jesu a di mu embela, khuye: “Muhuno guvbanyiswa gu bede ndrangani momu, kholu muthu yoyu nuye mwamana wa Abrahama.

Mithumo 10:27

Na gu bhula naye a di bela nyumbani aya mana vathu nya vangi na va tombanide.

Mithumo 10:33

Nyi di dzegela gu gu ranisa. Nyi ngu bonga olu u dzudego. Olu hi tshanganide avba hatshavbo mahoni ga Nungungulu, hi dzi dongisede gu yingisa satshavbo esi u rumedwego khu Pfhumu.”

Mithumo 11:14

Uye a na ta gu embela mahungu u na gu vbanyiswago khayo uwe ni ndranga yago yatshavbo.’

2 Thimoti 1:16

Nungungulu a na girela wuhindzi ndranga ya Onesiforo kholu matshigu nya mangi a di nyi tangadzisa, a di si khali dzitshoni khu gumodwa gwangu.

Vahebheru 9:19

Guhegula, Mosi a di tivisa ga vathu vatshavbo sileletelo satshavbo nya Nayo. Khu gu handzamedza, a di dzega novba nya dzikuzi ni dziphongo a wu pata ni mati a mitegedzela libhuku nya Nayo ni vathu vatshavbo, khu mawoya nya guthedwe nyewu nya gufuvile, ni sasi,

Josuwa 2:21

Nyamayi a di hakha, khuye: “Si na girege kha nga idzo mu ganedego khidzo!” Khavbo avbo, a di va vbangana va hongola. Khu hwane, nyamayi a di dzega ngodzi nya gufuvile a yi hunga vbagihogotunu nya nyumba yaye.

Josuwa 6:23

Madzaha nya vasoli va di bela nyumbani, va dusa Rahabhi gumogo ni babe waye, mayi waye, vandriyaye ni valongo vaye vatshavbo ni satshavbo si nga bani si mu lumba; va va sayisa vbavbandze nya lizumbo la Israyeli.

Josuwa 6:25

Josuwa a di ninga githawo womi wa Rahabhi, nya gibhayi, gumogo gambe ni wa ngamo ya babe waye, ni satshavbo a nga bani ari naso; khu magirelo yoyo, uye a di khala vbakari ga va na Israyeli kala na muhuno, khu kotani a nga sihago vasoli va vavili va nga rumedwa Jeriko khu Josuwa.