Josuwa 2:11 - Bhibhiliya Nya Guage

¹¹ Avbo hi nga pwago isoso, myonyo yathu yi di vbela tshivba, mwalo na moyo a mi tiyelago, kholu Pfhumu Nungungulu wanu, Nungungulu wa vbatshani ndzadzini, ni vbavbatshi mafuni.

Josuwa 2:11 Iomraidhean Croise

1 Dzipfhumu 8:60

Gasi mayigo yatshavbo ya mafuni ma fela gu dziti gukhayo Pfhumu, khuye basi a gu Nungungulu, mwalo mumbe vbavbandze ga Uye basi.

2 Dzipfhumu 5:15

Khavbo avbo, a di bwelela ga muthu wa Nungungulu uye gumogo ni vathu vaye, ata ema mbeli gwaye a mu embela, khuye: “Olu kamwe nyi ngu dziti gukheni omu tigoni gwatshavbo, mwalo Nungungulu, vbavbandze gwa Nungungulu wa tigoni ga Israyeli basi; gasi olu nyi ngu gu lomba kheni hakha gikategiso gya githumi gyago.”

Nehemiya 6:16

Gikhati va pwidego esi, valala vathu vatshavbo, gumogo ni va nya mayigo vatshavbo nya vaakelane vathu vatshavbo, va di samala va bwelo khavbo va vbela tshivba, kholu, va di gu wona gukhavo khandri tshivba yathu basi, aholu khu Nungungulu wathu, a hi phasedzedego thumoni momu.

Dzindzimo 102:15

Mahundzu yatshavbo ya mafuni, ma na rungudza lina la Pfhumu Nungungulu, ni vafumeli vatshavbo va mafuni va na dhumisa wugulu waye.

Dzindzimo 22:14

Nyi vbaladzidwe vbavbatshi kha nga mati, marambo yangu yatshavbo ma gu kunugela; monyo wangu wa gu fanana ni sera yi nyiviligago ndrani gwangu.

Dzindzimo 58:7

Va na mwalalege kha nga mati nya guvbalage; va gu khwandra sighalala sawe, si na fanyegele.

Dzindzimo 83:18

Va na dziti gukhavo khuwe basi u gu Pfhumu Nungungulu, khuwe basi u Khusegidego ngudzu vbatshani nya litigo latshavbo!

Ekisodha 15:14

Mayigo ma dipwa esi, ma gu ndrendremela; vathu va Filisitiya va di tala khu hwanga;

Ekisodha 15:15

Vafumeli va Edhomi va di thuruga; dzindrena dza Mowabhi dzi di tala khu rerema; vathu vatshavbo Vakhanani va di vbela tshivba.

Isaya 13:7

Khu guralo, vathu vatshavbo va na vbela tshivba, vathu vatshavbo va na pilega hwambo.

Isaya 19:1

Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Ezekiyeli 21:15

Gasi myonyo yi titivale ni gu engedzela gutshunganela va thega, vbafuvbi ni dzinyangwa dzawe nyi vegide litshari nya gusonge. Oh! Ilo li giridwe gasi gukhedziga kha nga gulasa gasi gu sasela.

Nahume 2:10

Lidhoropa la Ninivha liphanga! Li mwalo gambe, li mbembisidwe, li khade marumbi; monyo wu rerekide, dzikhungumudzi dza gu khuyugela ni siwunu sawe satshavbo sa gu ndrendremela ni dzikhovbe dzawe dzatshavbo dzi thuvigide.

Dhewuteronome 1:28

Hi na hongola hayi? Vandriyathu va hi pide hwambo, khavo: Vangi gambe sidandrangulu; madhoropa yakone makhongolo na ma bhiyidwe khu makhokhola kala damboni. Hi wonide gambe iyoyo vathu nya sidandrangulu sanana sa gidandrangulu Anaki.”

Dhewuteronome 20:8

Dzindruna dzi na engedza dzi ganela ga vathu, khidzo: “Khu mani a gu ni hwanga a pilegago hwambo? A na bwelele gaya gwaye, kholu hwanga waye wu nga vbedza tshivba vandriyaye.”

Dhewuteronome 4:39

Khu guralo, muhuno, u na dziti ni gupimisa monyoni gwago gukhuwe Pfhumu khuye basi Nungungulu a guromo ndzadzini ni mafuni; mwalo mumbe.

Josuwa 14:8

Khu guralo, vandriyangu nyi nga hongolago navo, va di pila hwambo vathu; gasi eni nyi di simama gulandrela Pfhumu Nungungulu wangu.

Josuwa 2:24

Avo va di mu embela, khavo: Pfhumu Nungungulu ningede mandzani gwathu latshavbo litigo leli; vavbanyi vaye vatshavbo va gu ndrendremela khu hwanga mbeli gwathu.

Josuwa 5:1

Gikhati vafumeli vatshavbo va Vaamori, va nga bani va vbanyela Pfoladambo nya tsongo wa Joridhani ni vafumeli vatshavbo nya Vakhanani, va nga bani va vbanya khu wubambe nya yiphwa, va nga pwago gupwani Pfhumu Nungungulu bangiside mati nya tsongo wa Joridhani mbeli ga va na Israyeli, kala va tshatuga, va di vbela tshivba, va pilega longo khu kotani ya va na Israyeli.

Josuwa 7:5

Vama va Ayi va di songa magumararu na livbandre na moyo vama, vambe va va lundra gukhugela nyangwatunu nya siwindri, va ya va sasela relelotunu; myonyo ya vathu yi di nyiviliga yi vbindrugedza yi khala mati.

Josuwa 9:24

Avo va di hakha Josuwa, khavo: “Ethu sithumi sago va hi embede gukhavo Pfhumu Nungungulu wago tumbiside ga githumi gyaye Mosi, gu mu ninga litigo leli, a mbembisa vavbanyi vaye vatshavbo mbeli gwanu. Khidzo kharato hi taledwego khu hwanga nya wukhongolo ngudzu avbo gwanu khu kotani nya womi wathu, gu kala hi gira esi.

Gutuledwa 6:16

va di embela sigomo ni siwindri, khavo: “Hi thegeleni mu hi siha ga wule a khadego vbagikhalotunu nya wufumu, ni ga likhulo la Nvutana,