Josuwa 18:8 - Bhibhiliya Nya Guage

⁸ Vama vale va di khuga va phara ndzila. Josuwa a di ninga sileletelo sesi ga vama vale va nga hongolago guya lovetela litigo, khuye: “Indrani mu ya dzundrulugela litigo, mu lovetela, khu hwane mu na wuyani avbo gwangu, gasi nyi ta kodza gu sasuledza solo ga Pfhumu Nungungulu, na nyiri khavba Silo.”

Josuwa 18:8 Iomraidhean Croise

Genesi 13:17

Olu dzuwulugela u wona litigo leli khu maphuvbo yatshavbo, kholu nyi na gu ninga li khala lago.”

Isaya 34:17

Kholu Pfhumu Nungungulu ningide giavelo ga gimwegyo ni gimwegyo nya iso, khu mandza yaye a va kabanisede litigo a li pima khu ngodzi. Iso si na li fumela khu mimelana ni melana kala gupindruga, yi vbanya umo.

Varoma 14:19

Khu kharato, hongoleni hi dzi garadze khu gu vbweta silo sile si hi reselago gurula ni gu tiyiselana gukhodwani.

Josuwa 13:7

Gasi olu, kabanisela litigo leli ga livbandre na mana mahundzu, ni ga gipandre nya lihundzu la Manasi.”

Josuwa 15:1

Va na Judha gumogo ni dzindranga dzawe, va di thegedwa khu solo yawe ga mayigo ya phuvbo ga Marandzi, ma anamidego gukhugela vbinganoni nya litigo la Edhomi, kala gu vboha giwulani ga Zimi, gu hongola kala mahegiso ga Marandzi.

Josuwa 18:1

Tshangano wa na Israyeli wu di tombana tigoni ga Silo; va diya emisa vbale Tshatsha nya Tshangano, kholu litigo li diri mandzani gwawe.

Josuwa 18:10

Khavbo avbo, Josuwa a di lola dzisolo mbeli ga Pfhumu Nungungulu, a kavedzela litigo sanana sa Israyeli gukhedza khu dzinyumba dzawe, nari khu tigoni ga Silo.

Josuwa 18:6

Mu na pimela litigo, mu li kabanisa khu livbandre na sivili sipandre; mu na nyi reselani malangalila yakone, gasi nyi kodze gu sasuledza mbeli ga Pfhumu Nungungulu wathu.

Josuwa 18:9

Avo va di khuga va hongola, va ya dzundrulugela litigo, va lovetela khumo nya libhuku, va li kabanisela khu livbandre na sivili sipandre, gukhedza khu madhoropa yaye; khu hwane va di wuya ga Josuwa tigoni ga Silo.

1 Samuweli 14:41

Khavbo avbo, Sawule, a di embela Pfhumu Nungungulu wa Israyeli, khuye: “Hi nonedze lisine.” Sawule ni Jonatane va di modwa khu solo, va vbuluga vathu.