Josuwa 18:16 - Bhibhiliya Nya Guage

¹⁶ Wu relela wuya gira vbingano khu mahegiso nya gigomo gi khedzanago ni kova wa mwamana wa Hinomi, khu Wuronga nya kova wa Varefayimi, wu relela khu kova wa Hinomi khu bambe ga Vajebhusi, guya Marandzi, kala wuya vboha Eni-Rogeli;

Josuwa 18:16 Iomraidhean Croise

2 Samuweli 17:17

Jonatane ni Ayimahasi, va di gu khala vbafuvbi ni nambo wa Eni-Rogeli; githumi nya nyamayi, gi di gu olovela gu va ninga mahungu, avo va ya tivisa mufumeli Dhavhidhe, kholu va di gu thava gu dzi wonegisa dhoropani.

2 Samuweli 5:18

Vafilistiya, va di ta mbambamela kovani wa Refayimi.

1 Dzipfhumu 1:9

Adhoniya a di songa dzinvuta, dzimombe ni simombyana a gira miphaso vbafuvbi nya giwindri gya Zoweleti, gi guromo vbafuvbi ni nambo wa Rogeli; a ramba vandriyaye vatshavbo, sanana sa mufumeli, ni vathu vatshavbo va Judha, va nga bani vari sithumi sa mufumeli.

2 Dzipfhumu 23:10

A di nyenyezisa gambe Tofeti, wulanga nya guvbisedwe avbo, wu guromo kovani ga sanana sa Himoni, gasi gu si manegi ni moyo a yelago gu vbisa gyanana gyaye nya gikhwathana mwendro nya nyamahegyane a phasela Moloki.

1 Dzikoronika 14:9

Aholu Vafilisitiya va dita mu randrela kovani wa Refayimi.

2 Dzikoronika 28:3

Vbiside gambe mabani kovani wa gyanana gya Bheni-Hinomi, a vbisa ni sanana saye niloni, a landrela mavbanyelo ya va nya mayigo ava Pfhumu Nungungulu a va tutumisidego mbeli ga va na Israyeli.

2 Dzikoronika 33:6

Vbiside niloni sanana saye nya madzaha sa mahembeni gwaye, kovani ga Bheni-Hinomi, a dzi ningede ga va nyadzisolo, ga va nyasikwembo ni dzinyanga, a dzi ningela ga va nyamaphuvbo nya guvivbe ni valoyi, thumide ngudzu mithumo nya guvivbe mbeli ga Pfhumu Nungungulu gasi gu mu gorosa.

Isaya 30:33

Kholu gikho gi dongisedwe khu gale, gi dongisedwa mufumeli. Li dongisedwe liphala nya likhongolo nya guete, wu na khondriswa nilo nya dzikhuni nya dzingi khu furugedzo wa Pfhumu Nungungulu, wu fananago ni tsongo nya nilo nya solufa.

Jeremiya 19:11

u na va embela, khuwe: Pfhumu Nungungulu nya Tshivba Yatshavbo, a ngu ganela kharati, khuye: Khu magirelo yoyo, nyi na pandrelela vathu vava gumogo ni lidhoropa leli gukhwatohi khu muthu a pandrago kanvu nya libunda, a si wu kodzi gu wu wusedza gambe, va na dzingwa dhoropani ga Tofeti khu gu hamugega wumbe wulanga nya gu va dzinge avbo.

Jeremiya 19:2

u relela navo kovani wa mwamana wa Hinomi, vbafuvbi ni Nyangwa nya Lidambo, u naya ganela magana nyi na gu embelago;

Jeremiya 19:6

Khu guralo, Pfhumu Nungungulu, a ngu ganela kharati, khuye: Wonani nya gukhenu ma nguta matshigu wulanga wowu wu na gumba ranwa gambe gupwani Tofeti, ambari gupwani kova wa mwamana wa Hinomi, aholu kova nya Gusasedwe.

Jeremiya 32:35

Va di emisa siluvelo nya guphasele Bhahali, kovani wa mwamana wa Hinomi, gasi gu ya vbisa iyoyo sanana sawe nya sikhwathana ni iso nya sagadzyana, va vbisela Moloki, iso Eni nyi ngamba va ruma ambari gu vbindra khu hungoni gwangu, va gira manyala nya nga ayoyo, gasi gu thela va na Judha mugighohoni.

Josuwa 15:63

Khu guralo, va na Judha kha va nga dzi kodza gu tutumisa va na Jebhuzi; kotani nya isoso, va na Jebhuzi va nga gu simama gu vbanya Jerusalema, gumogo ni va na Judha kala na muhuno.

Josuwa 18:28

Sela, Elefi Jebhusi (a gu Jerusalema), Gibheya ni Kiriyati; yatshavbo likhumi na mana madhoropa gumogo ni mitalala yaye; aya, ma diri thomba ya sanana sa Bhejami, gukhedza khu dzindranga dzawe.

Valamuli 1:21

Khu guralo, sanana sa Bhejami kha sa tutumisa Vajebhuzi va nga bani va vbanya dhoropani ga Jerusalema; Vajebhuzi va nga gu vbanya gumogo ni sanana sa Bhejami kala na muhuno.

Valamuli 1:8

Khavbo avbo, sanana sa Judha si di dhumela Jerusalema va sasela vavbanyi vaye khu matshari, va vbisa lidhoropa khu nilo.

Valamuli 19:10

Aholu mwama wule kha nga dzumela gulala vbale, uye a di khuga a hongola, aya vboha dhoropani ga Jebhusi, a gu Jerusalema, nari ni patwa nya dziburu na dziri ni sighwabhata, gumogo ni mwangadzi waye.