Josuwa 18:12 - Bhibhiliya Nya Guage

¹² Khu Wuronga, vbingano wawe wu di khugela tsongoni wa Joridhani, wu gwela kala gigomoni gya Jeriko, khu phuvbo ga Wuronga, wu gwela khu gigomo guya Pfoladambo, wuya vbelela giwulani, gya Bheti-Avheni.

Josuwa 18:12 Iomraidhean Croise

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Hoseya 5:8

Wombani pundru dhoropani ga Gibheya, mu womba pundru dhoropani ga Rama, laledzani khu tshivba Bheti-Avheni! Dzi woneleni enu va na Bhejami.

Josuwa 16:1

Litigo la sanana sa Josefa, va li manidego khu gu lola solo, la gukhugela Joridhani, gigomoni gya Jeriko khu phuvbo ga Khugadambo nya mati ya Jeriko, li hongola kala giwulani gi gwelago khu Jeriko khu gigomoni gya Bheteli.

Josuwa 18:11

Solo nya guphele yi di thegela lihundzu la na Bhejami, gukhedza khu dzinyumba dzawe. Litigo lawe li gira vbingano ni va na Judha ni va na Josefe.

Josuwa 2:1

Josuwa, mwamana wa Nuni, a di rumela khu gisihaledza tigoni ga Kitimi vasoli vavili a va embela, khuye: “Indrani mu ya holelela gwadi litigo ni lidhoropa la Jeriko.” Va di hongola vaya bela ndrangani ga nyamayi moyo nya gibhayi, lina laye a ranwago pwani Rahabhi, avbo va nga ya khalago avbo.

Josuwa 3:16

mati ma nga bani ma guta khu vbatshani ma di ema; ma wungedzelana ma khala gigomo ma gira kha nga libhulaho, ma anama kala vbafuvbi nya gitigwana ga talala wa Adhamu, gu khalago wubambe ga Saritani; ayo ma nga bani ma goga maya phwani ga Arabha, a gu Yiphwa nya Munyu, ma di pidwa yatshavbo. Khavbo avbo, vathu va di vbindra khu mbeli ga Jeriko.

Josuwa 6:1

Malimba ya Jeriko ma di segidwe, bwelo khavbo ma khotwa khu kotani nya guthave va na Israyeli, mwalo a nga bani a bela mwendro gu duga dhoropani.

Josuwa 7:2

Khu guralo, Josuwa, a di rumela vama nya gukari nari khu Jeriko tigoni ga Ayi, gu khadego vbafuvbi ni Bheti-Avheni, gu khadego khu Khugadambo ga Bheteli, a di va embela, khuye: “Indrani mu ya holelela gwadi litigo.” Khu guralo, vama vale va di gwela va ya holelela litigo la Ayi.

Josuwa 8:15

Josuwa ni vatshavbo va na Israyeli, va di gira gukhwatshi va gu padwa khavo, va thava va tutuma khu ndzila nya guye giwulani.

1 Samuweli 13:5

Vafilisitiya va di tombanisa magumararu mazana (3.000) dzikareta ni livbandre na limwedo magumi mazana (6000) vakhileli ni vathu nya gidzemo nya nga mafu ya funguni, gasi vaya dwana ni Israyeli; va di khuga vaya zumba dhoropani ga Makimasi, Khugadambo wa Bheti-Avheni.